Luka 24:26 - BIBELE Mahungu Lamanene

²⁶ Xana a swi nga faneri leswaku Mesiya a twisiwa ku vaviseka koloku, a tlhela a nghena eku kwetsimeni ka yena ke?”

Testamente Leyimpsha Xichangana

²⁶ Xana asvingafaneli lesvaku Kriste atwisiwa kuvaviseka koloko, atlhela anghena kukwetsimeni ka yena ke?”

Xitsonga (Bibele)

²⁶ Xana a swi nga faneri leswaku Kriste a twisiwa ku vaviseka kuloku, kutani a nghena eku kwetsimeni ka yena xana?”

Luka 24:26 Referans Kwoze

1 Petro 1:11

va kambisisile hi ku lava ku tiva leswaku xana Moya wa Mesiya lowu a va ri na wona, a wu komba mani kumbe nkarhi wihi xana, loko wu ri karhi wu tivisa ta mahlomulo ya Mesiya loyi ni ku dzunisiwa loku a ku ta landza endzhaku.

Zakariya 13:7

HOSI ya matimba hinkwawo yi ri: “We fumu, pfuka u lwa ni murisi wa mina, lwana na yena yaloyi a nga yima kusuhi na mina. Bana murisi leswaku tinyimpfu ti ta hangalaka; lavatsongo hi mina ndzi nga ta va ba!

Timhaka 17:3

a ri karhi a ma hlamusela, ni ku ringanisa ha wona leswaku Mesiya a a fanele ku twisiwa ku vaviseka, ni ku pfuka eku feni; kutani a ku: “Yesu loyi ndzi mi tivisaka yena, hi yena Mesiya.”

Vaheveru 12:2

A hi languteni eka Yesu, musunguri ni muhetisisi wa ku pfumela ka hina, loyi a nga chavangiki ku byarha xihambano, a nga vuli nchumu hi tingana ta kona, hikwalaho ka ku tsaka loku vekiweke emahlweni ka yena; kutani sweswi ú tshamile evokweni ra xinene exiluvelweni xa Xikwembu.

Luka 24:46

Kutani a ku ka vona: “Matsalwa ma vurisile ma te: ‘Mesiya ú ta twisiwa ku vaviseka, a tlhela a pfuka eku feni hi siku ra vunharhu.

1 Petro 1:3

A ku nkhensiwe Xikwembu, Tata wa Hosi ya hina Yesu Kriste! Hi musa wa yena lowukulu, ú hi tswarile ra vumbirhi, leswaku hi va ni ku tshemba loku hanyaka, hikwalaho ka ku pfuka ka Yesu Kriste exikarhi ka vafi,

Luka 24:44

Kutani a ku ka vona: “Hi tona timhaka leti ndzi nga mi tivisa tona, loko ndza ha ri na n'wina, loko ndzi te: ‘Hinkwaswo leswi tsariweke ehenhla ka mina eNawini wa Muxe ni ka Vaprofeta, ni ka Tipisalema, swi fanele ku hetiseka.’ ”

Luka 24:7

loko a te: ‘N'wana-wa-Munhu ú fanele ku nyiketiwa emavokweni ya vadyohi, a vambiwa, kutani ú ta pfuka hi siku ra vunharhu.’ ”

Daniele 9:26

Eku heleni ka nkarhi lowu wa malembe ya 7 lama hlayiwaka ka 62, muhlawuriwa wa Xikwembu ú ta dlayiwa, ku ri hava la n'wi yimelelaka. Kutani ku ta humelela mufumi un'wana la nga ta herisa muti ni Tempele hi mavuthu ya yena. Ku hela ka swona ku ta fana ni ndhambi: Ku ta va ni tinyimpi ni maxangu ku fikela makumu, hilaha swi bohiweke hakona.

Yohane 2:22

Hikokwalaho loko a pfukile eku feni, vadyondzisiwa va yena va tsundzukile leswaku mhaka leyi ú tshama a yi vula; kutani va pfumela Matsalwa ni rito leri Yesu a ri vuleke.

Yohane 20:9

(Hikuva a va nga si twisisa Tsalwa leri vulaka leswaku Yesu a a fanele ku pfuka eku feni.)

Genesa 22:6

Kutani Abrahama a teka tihunyi to hisa ha tona gandzelo a rhwexa n'wana wa yena Isaka, yena a khoma ndzilo ni mukwana, kutani va suka va famba swin'we.