Luka 23:6 - BIBELE Mahungu Lamanene

⁶ Loko Pilato a swi twa, a vutisa a ku: “Xana munhu loyi i Mugaleliya xana?”

Testamente Leyimpsha Xichangana

⁶ Loko Pilato asvitwa, avavutisa aku: “Xana munhu lweyi i Mugalileya ke?”

Xitsonga (Bibele)

⁶ Kuteloko Pilato a va twa va vula vito ra Galeliya, a vutisa, a ku: “Xana munhu loyi i wa Galeliya xana?”

Luka 23:6 Referans Kwoze

Timhaka 5:37

Endzhaku ka yena ku humelele Yudasi wa Galeliya, enkarhini wa ku tsarisiwa ka vanhu, a yenga lavo tala, va n'wi landza; kambe na yena ú lovile, kutani hinkwavo lava a va yima na yena, va hangalasiwa.

Luka 13:1

Loko va ri kwalaho, vanhu van'wana va rungulela Yesu ta Vagaleliya lava Pilato a nga pfanganyisa ngati ya vona ni magandzelo ya vona.

Matewu 26:69

Petro a a tshamile ehandle exivaveni; kutani nandza un'wana wa wansati a ta ka yena, a ku: “Na wena, a wu ri na Yesu wa Galeliya.”

Luka 23:5

Kambe va phikelela, va ku: “Ú pfilunganya tiko hi ku dyondzisa hinkwako eYudiya; ú sungule eGaleliya, sweswi ú tile haleno.”

Luka 23:7

Loko a twile leswaku i munhu wa tiko leri fumiwaka hi Heroda, a n'wi rhumela eka Heroda, loyi na yena a a ri eYerusalema hi masiku wolawo.