Luka 23:56 - BIBELE Mahungu Lamanene

⁵⁶ Kutani va tlhelela kaya, va ya lunghisa mirhi ya risuna ni mafurha layo nun'hwela; kambe hi siku ra Savata, va wisa hi ku ya hi nawu.

Testamente Leyimpsha Xichangana

⁵⁶ Kutani vatlhelela kaya, vayalungisa mafurha ya kunun'hwela; kambe hi siku ra Savata, vahumula hi kulandza nawu wa xiyuda.

Xitsonga (Bibele)

⁵⁶ Kutani va tlhelela ekaya, va ya lunghisa mirhi ya risuna; kambe hi siku ra Savata, va wisa hi nawu.

Luka 23:56 Referans Kwoze

Luka 24:1

Hi siku ra Sonto dyambu ri nga si huma, vavasati va ya esirheni, va tamele mirhi ya risuna leyi va yi lunghiseke.

Marka 16:1

Loko siku ra Savata ri hundzile, Mariya wa Magadala, na Mariya mana wa Yakobo, na Salome, va xava mirhi leyo nun'hwela ku ya n'wi tota ha yona.

Duteronoma 5:14

Kambe siku ra vu-7 i siku ra ku wisa leri hlawuleriweke mina HOSI Xikwembu xa wena; hi siku leri, u nga tshuki u tirha ntirho ni wun'we, wena kumbe n'wana wa wena wa xinuna ni wa xisati, kumbe nandza wa wena wa xinuna ni wa xisati, hambi yi ri homu ya wena, kumbe mbhongolo ya wena, kumbe xifuwo xihi na xihi xa wena, kumbe munhu loyi a luveleke eka wena; hi ndlela leyi, na wona malandza ya wena ya xinuna ni ya xisati ma ta kuma ku wisa ku fana na wena.

Eksoda 31:14

Mi ta hlayisa siku ra ku wisa, hikuva i siku leri eka n'wina ri nga ta va ri hlawulekile. Un'wana ni un'wana loyi a tlulaka nawu wa siku leri, ú ta dlayiwa. Loyi a tshukaka a tirha ntirho wun'wana hi siku leri, ú ta susiwa erixakeni ra ka vona.

2 TIKRONIKA 16:14

Va n'wi veka esirheni ro kovotliwa eribyeni, ri nga sirha leri a a tilunghiserile rona emutini wa Davhida. Siku va n'wi lahlaka, va n'wi etlerisile esangwini leri totiweke mirhi ya risuna, ni ku cheriwa mafurha yo nun'hwela ya tinxaka-xaka hi lava va swi tivaka, va hisa ni mirhi yin'wana leyo tala ya risuna kusuhi ni ntsumbu wa yena.