Luka 23:4 - BIBELE Mahungu Lamanene

⁴ Kavaloko Pilato a ku ka vaprista lavakulu ni ka ntshungu: “A ndzi kumi nandzu eka munhu loyi.”

Testamente Leyimpsha Xichangana

⁴ Hi loko Pilato aku ka Vaprista lavakulu ni ka xitshungu: “Anikumi nandzu ka munhu lweyi.”

Xitsonga (Bibele)

⁴ Kavaloko Pilato a ku eka vaprista lavakulu ni ka vunyingi: “A ndzi kumi nandzu eka munhu loyi.”

Luka 23:4 Referans Kwoze

Yohane 18:38

Pilato a ku ka yena: “Ntiyiso i ncini?” Loko a vurisile sweswo, a huma kambe a ya eka Vayuda, a ku ka vona: “A ndzi voni nandzu ni wun'we eka yena.

1 Petro 2:22

A nga dyohanga nchumu, a nga vulanga swo kanganyisa van'wana.

1 Petro 1:19

kambe hi ngati ya nkoka ya Kriste, leyi fanaka ni ya xinyimpfana lexi nga riki na vulema kumbe xivati.

Luka 23:22

A va vutisa ra vunharhu a ku: “Xana munhu loyi ú dyohile yini ke? A ndzi voni nandzu lowu a fanelaka ku fela wona; hikokwalaho ndzi ta lerisa leswaku a biwa, kutani ndzi ta n'wi ntshunxa.”

Marka 15:14

Pilato a va vutisa a ku: “Xana ú dyohile yini ke?” Vona va ba huwa leyikulu, va ku: “N'wi vambe!”

1 Petro 3:18

Kriste na yena ú fele swidyoho kan'we, a fela n'wina; yena munhu lowo lulama ú fele lava nga lulamangiki, leswaku a ta mi fikisa eka Xikwembu; ú dlayiwile hi tlhelo ra miri, kambe ú endliwile la hanyaka hi tlhelo ra moya.

Vaheveru 7:26

A swi fanela leswaku hi va ni Muprista Lonkulu wo kota sweswo, wo hlawuleka, wo pfumala nandzu, wo kala xivati, wo hambana ni vadyohi, la tlakusiweke ehenhla ka matilo.

Matewu 27:19

Kuteloko Pilato a tshamile exitshan'wini xa ku avanyisa, nsati wa yena a rhumela rito eka yena, a ku: “U nga tshuki u nghena emhakeni ya munhu yoloye wo lulama, hikuva matolo ndzi vavisekile ngopfu enorhweni hikwalaho ka yena.”

Timhaka 3:13

Xikwembu xa Abrahama ni xa Isaka ni xa Yakobo, Xikwembu xa vatata wa hina, xi dzunisile nandza wa xona Yesu, loyi mi n'wi nyiketeke, mi tlhela mi n'wi landzula emahlweni ka Pilato; kambe Pilato yena a a vurile leswaku a ntshunxiwa.

Timhaka 25:25

Loko ndzi ri mina, ndzi kumile leswaku a nga na nandzu lowu a fanelaka ku avanyiseriwa rifu ha wona; naswona yena ú komberile ku avanyisiwa hi hosi leyikulu; hikokwalaho ndzi tsemile mhaka hi ku vula leswaku ú fanele ku rhumeriwa ka yona.