Luka 23:35 - BIBELE Mahungu Lamanene

³⁵ Vanhu a va yimile kwalaho, va ri karhi va languta; na vona vakulukumba a va n'wi hlekula, va ku: “Munhu loyi ú ponisile van'wana; a a tiponise, loko a ri Mesiya, Muhlawuriwa wa Xikwembu!”

Testamente Leyimpsha Xichangana

³⁵ Vanhu avayimile kolaho, na vali karhi valanguta; na vona vakulukumba avamuvungunya, vaku: “Munhu lweyi aponisile van'wana; aatiponise, loko ali Mesiya, Muhlawuliwa wa Xikwembu!”

Xitsonga (Bibele)

³⁵ Vunyingi a byi yimile byi languta; na tona tihosi ti n'wi tseketsela, ti ku: “U hanyisile van'wana! A a tiponise na yena loko a ri Kriste, muhlawuriwa wa Xikwembu!”

Luka 23:35 Referans Kwoze

Pisalema 22:17

Ndzi ondzile, ndzi lo sala timbambu ntsena, valala va ndzi languta hi ku ndzi honokela;

Esaya 42:1

HOSI Xikwembu xi ri: “Vonani nandza wa mina loyi ndzi n'wi seketelaka, muhlawuriwa wa mina loyi ndzi n'wi tsakelaka ngopfu; ndzi cherile Moya wa mina ehenhla ka yena, kutani ú ta tisa ku lulama ematikweni.

1 Petro 2:4

Tanani eka yena, hikuva yena i ribye leri hanyaka, leri nyenyiweke hi vanhu, kasi emahlweni ka Xikwembu hi leri hlawuriweke, ra nkoka.

Luka 16:14

Vafarisi, va nga vanhu va makwanga ni mali, a va twa timhaka teto hinkwato, kutani va n'wi sola.

Matewu 12:18

“Vonani nandza wa mina loyi ndzi nga tihlawulela yena, murhandziwa wanga loyi mbilu ya mina yi n'wi tsakelaka. Ndzi ta veka moya wa mina ehenhla ka yena, kutani ú ta tivisa vamatiko leswaku ku avanyisa loko lulama ku kona;

Esaya 53:3

Vanhu a va n'wi langutela hansi, va nga n'wi amukeli. A a ri munhu wa mahlomulo, loyi a kombiwaka maxangu; vanhu a va nga lavi na ku n'wi vona, kutani hina a hi n'wi sola, hi nga ri na mhaka na yena.

Matewu 3:17

Kutani ku twakala rito leri humaka etilweni, ri ku: “Loyi i N'wananga la rhandzekaka, loyi ndzi n'wi tsakelaka.”

Zakariya 12:10

Kutani ndzi ta chela moya wa vukhongeri ni wa tintswalo eka vatukulu va Davhida ni ka vaaki va Yerusalema. Va ta languta eka mina hikwalaho ka loyi va n'wi tlhaveke, kutani va ta n'wi rila ku fana ni loko munhu a tlhaveka a rila n'wana wa yena loyi a a ri yexe, kumbe n'wana wa yena wa mativula.

Swirilo 3:14

Ndzi hundzukile xihlekiso exikarhi ka va ka hina hinkwavo, siku hinkwaro va ndzi hlekula hi tinsimu.

Esaya 49:7

Mukutsuri ni Muhlawuleki wa Israele, ú vulavula ni loyi a sandziwaka ni ku vengiwa hi vanhu va matiko, yena hlonga ra tihosi, a ku ka yena: “Loko tihosi ti ku vona, ti ta suka ti yima, ni tindhuna ti ta ku dzunisa, loko ti ku vona, hikuva mina HOSI Xikwembu Muhlawuleki wa Israele, mina ndzi tshembekeke, ndzi ku hlawurile.”

Pisalema 71:11

va ku: “Xikwembu xi n'wi fularhele, a hi n'wi hlongoriseni hi n'wi khoma, hikuva ku hava loyi a nga n'wi lamulelaka.”

Pisalema 69:26

hikuva va xanisa munhu loyi wena u n'wi beke, loyi u n'wi boxeke timbanga, va ya mahlweni va n'wi pfatlanya.

Pisalema 35:15

Kambe loko mina ndzi khuguka ndzi wa, va tsaka ngopfu, va hlengeletana, va ta ku ta lwa na mina; va tiendla vanhu vambe lava ndzi nga va tiviki, va tshamela ku ndzi sandza.

Pisalema 4:2

N'wina vanhu, xana mi ta sandza vumunhu bya mina ku fikela rini xana? Xana ku tsakela leswi nga pfuniki nchumu ni ku landzelela mavunwa, mi ta swi tshika rini xana?

Luka 23:13

Kuteloko Pilato a hlengeletile vaprista lavakulu, ni vakulukumba, ni vanhu va tiko,

Luka 23:39

Xin'wana xa swidyohi leswi hayekiweke kwalaho a xi n'wi rhuketela, xi ku: “Xana a hi wena Mesiya ke? Tiponise, na hina u hi ponisa!”