Luka 23:26 - BIBELE Mahungu Lamanene

²⁶ Kakuloko va famba na yena, va khoma un'wana loyi a va ku i Simoni, wa Kirene, loyi a a vuya hi le masin'wini; va n'wi rhwexa xihambano xa Yesu, kutani Simoni a landza Yesu hi le ndzhaku.

Testamente Leyimpsha Xichangana

²⁶ Loko vali karhi vafamba na yena, vakhoma mun'we lweyi avaku i Simoni, wa Kirene, lweyi aavuya hi le masin'wini; vamurhwexa xihambanu xa Yesu, kutani Simoni alandza Yesu hi le ndzhaku.

Xitsonga (Bibele)

²⁶ Kakuloko va n'wi yisa eku dlaweni, va teka un'wana la vuriwaka Simoni wa Kirene, la humaka emasin'wini, va n'wi rhwarisa xihambano endzhaku ka Yesu.

Luka 23:26 Referans Kwoze

Timhaka 6:9

Kambe ku humelela van'wana va sinagoga leyi vuriwaka “ya Vantshunxiwa”, van'wana va ri lava humaka eKirene ni le Aleksandriya, van'wana va huma eKilikiya ni le Asiya; kutani va yima va kanetana na Stefano.

Timhaka 6:6

Nhlengeletano yi va tisa eka vaapostola; kuteloko vona va khongerile, va va tlhandleka mavoko.

Timhaka 2:10

le Frigiya ni le Pamfiliya, le Egipta ni le matlhelweni ya Libiya lama nge kusuhi na Kirena; ku ni vaendzi lava humaka eRhoma:

Luka 14:27

Kutani loyi a nga rhwariki xihambano xa yena a ndzi landza, a nge koti ku va mudyondzisiwa wa mina.

Luka 9:23

Kutani a byela vanhu hinkwavo a ku: “Loko munhu a lava ku ndzi landza, a a titshike, a tirhwexa xihambano xa yena siku rin'wana ni rin'wana, kutani a ndzi landza.

Timhaka 13:1

Ekerekeni ya le Antiyoka, a ku ri ni vaprofeta ni vadyondzisi van'wana, va nga Barnaba, na Simiyoni loyi a va ku i Nigere, na Lukiyo wa Kirena, na Manaheme loyi a nga kula swin'we na hosi Heroda, na Sawulo.

Luka 23:25

Kutani a va ntshunxela loyi va n'wi kombeleke, loyi a a khotsiwile hikwalaho ka dzolonga ni ku dlaya munhu; loko a ri Yesu, Pilato a n'wi nyiketa eka vona, leswaku va n'wi endla leswi va swi rhandzaka.

Matewu 5:41

Loko munhu a ku sindzisa ku famba mpfhuka wun'we, famba na yena mimpfhuka mimbirhi.