Luka 22:62 - BIBELE Mahungu Lamanene

⁶² Kutani Petro a humela handle, a ya rila hi xiviti.

Testamente Leyimpsha Xichangana

⁶² Kutani Petrosi ahumela handle, ayarila hi xiviti.

Xitsonga (Bibele)

⁶² Kutani Petro a humela ehandle, a rila hi xiviti.

Luka 22:62 Referans Kwoze

1 Vakorinto 10:12

Hikokwalaho, loyi a anakanyaka leswaku wa ha yimile, a a tivonele leswaku a nga wi.

Matewu 26:75

Kutani Petro a tsundzuka rito leri vuriweke hi Yesu, loko a te: “Nkuku wu nga si ringa, u ta va u ndzi landzurile kanharhu.” Kavaloko a humela ehandle, a ya rila hi xiviti.

Marka 14:72

Nkarhi wolowo nkuku wu ringa ra vumbirhi. Kwalaho Petro a tsundzuka rito leri Yesu a n'wi byeleke rona, loko a te: “Nkuku wu nga si ringa kambirhi, u ta va u ndzi landzurile kanharhu.” Hiloko Petro a tlhaveka a rila.

Matewu 5:4

Ku katekile lava rilaka, hikuva va ta chaveleriwa.

Zakariya 12:10

Kutani ndzi ta chela moya wa vukhongeri ni wa tintswalo eka vatukulu va Davhida ni ka vaaki va Yerusalema. Va ta languta eka mina hikwalaho ka loyi va n'wi tlhaveke, kutani va ta n'wi rila ku fana ni loko munhu a tlhaveka a rila n'wana wa yena loyi a a ri yexe, kumbe n'wana wa yena wa mativula.

Ezekiele 7:16

Lava poneke ku fa, va ta tsutsuma va ya etintshaveni, va ri karhi va rila hinkwavo kukota matuva ya le minkoveni, hinkwavo va tisola hi leswi va dyoheke.

Yeremiya 31:18

Ndzi va twile va ka Efrayimi loko va ri karhi va konya, va ku: ‘Khale a hi fana ni swifuwo leswi alaka ku paniwa, kambe u hi tshinyile hi kondza hi yingisa; hi byise hi vuyela eka wena, hikuva we HOSI, hi wena u nga Xikwembu xa hina.

Pisalema 38:18

A ndzi fihli ku homboloka ka mina, ndzi tivona nandzu hikwalaho ka swidyoho swa mina.

Luka 22:61

Kutani Hosi yi hundzuluka, yi languta Petro; kavaloko Petro a tsundzuka rito ra Hosi, loko yi te ka yena: “Nkuku wu nga si ringa, u ta va u ndzi landzurile kanharhu.”

Luka 22:63

Kutani vavanuna lava khomeke Yesu, va n'wi tseketsela, va n'wi ba.