Luka 22:37 - BIBELE Mahungu Lamanene

³⁷ hikuva ndza mi byela leswaku tsalwa leri nge: ‘Ú hlayiwile ni swidyohi’, ri fanele ku hetiseka eka mina. Kunene timhaka leti nga vuriwa ehenhla ka mina, ta karhi ta hetiseka.”

Testamente Leyimpsha Xichangana

³⁷ hikuva namibzela lesvaku tsalwa leringe: ‘Ahlayiwile ni vajohi’, rifanela kuhetiseka ka mina. Kunene timhaka letingavuliwa mayelanu na mina, tikarhi tihetiseka.”

Xitsonga (Bibele)

³⁷ Hikuva ndza mi byela leswaku, mhaka leyi tsariweke yi fanele ku hetiseka eka mina, leyi nge: ‘U hlayiwile ni swidyohi.’ Hikuva leswi ndzi bvumbhiweke ha swona, kunene swi ta hetiseka.”

Luka 22:37 Referans Kwoze

Esaya 53:12

Hikokwalaho, ndzi ta n'wi nyika ndhawu exikarhi ka lavo chaviseka, a avelana leswi phanghiweke ni vanhu va matimba, hikuva ú tinyiketile ku fela van'wana, a hlayiwa exikarhi ka vadyohi. Ú tirhwexile milandzu ya lavo tala, a khongela Xikwembu leswaku xi tsetselela vadyohi.”

2 Vakorinto 5:21

“Vuyelelanani na Xikwembu!” Kriste a a nga ri na xidyoho; hambiswiritano, Xikwembu xi n'wi endlile leswaku a va xo xidyoho hikwalaho ka hina, leswaku hikwalaho ka yena, hi endliwa lava lulameke emahlweni ka Xikwembu.

Luka 23:32

A va yisa ni vavanuna van'wana vambirhi, ku ya dlawa na yena; vona a va ri swidyohi.

Vagalatiya 3:13

Kriste ú hi kutsurile ekhombyeni ra ku rhukana ka Nawu, hi ku tiendla la rhukaniweke hikwalaho ka hina, hikuva Matsalwa ma ri: “A ku rhukaniwe un'wana ni un'wana la hayekiweke emhandzeni.”

Yohane 17:4

“Ndzi ku dzunisile laha misaveni, hi ku heta ntirho lowu u ndzi nyikeke wona leswaku ndzi wu tirha.

Yohane 10:35

Xi va vurile ‘swikwembu’, vona lava Rito ra Xikwembu ri fikeke eka vona; kutani Tsalwa ri nga ka ri nga herisiwi.

Luka 18:31

Yesu a vitanela lava khume na vambirhi etlhelo, kutani a va byela a ku: “Vonani, hi tlhandlukela eYerusalema, kutani hinkwaswo leswi tsariweke hi vaprofeta ehenhla ka N'wana-wa-Munhu swi ta hetiseka.

Luka 22:22

Loko a ri N'wana-wa-Munhu, ú ta tifambela hilaha swi bohiweke hakona; kambe, ú ni khombo munhu loyi a n'wi xengaka.”

Marka 15:27

Va n'wi vamba ni swigevenga swimbirhi, xin'wana evokweni ra yena ra xinene, xin'wana eka lera ximatsi. [

Luka 22:36

A ku ka vona: “Kambe sweswi, loyi a nga ni xinkwamana xa mali, a a xi teke, na wona nkwama a a wu teke, ni loyi a pfumalaka banga, a a xavise xiambalo xa yena, a tixavela rona,

Luka 22:52

Kutani Yesu a vulavula ni lava nga n'wi tela, va nga vaprista lavakulu ni tindhuna ta Tempele ni vakulukumba, a ku: “Leswi mi humeke, mi ri ni mabanga ni tinhonga, ndzo va xigevenga xana?

Luka 24:27

Kutani a va hlamusela hilaha timhaka ta yena ti nga vuriwa eMatsalweni hinkwawo hakona, ku sungula hi Muxe ku yisa eka vaprofeta hinkwavo.

Marka 15:28

Hiloko ku hetiseka tsalwa leri nge: “Ú hlayiwile exikarhi ka swidyohi.”]