Luka 22:26 - BIBELE Mahungu Lamanene

²⁶ Swi nga tshuki swi va tano eka n'wina; kambe lonkulu exikarhi ka n'wina, a a kotise lontsongo; kutani loyi a lerisaka a a kotise la tirhelaka van'wana.

Testamente Leyimpsha Xichangana

²⁶ Svingatshuki sviva tano ka n'wina; kambe lwenkulu xikarhi ka n'wina aakotise lwentsongo; kutani lweyi afumaka aakotise lweyi atirhelaka van'wana.

Xitsonga (Bibele)

²⁶ Kambe swi nga tshuki swi va tano eka n'wina; kambe lonkulu exikarhi ka n'wina, a a kotise lontsongo; kutani la fumaka a a kotise la tirhaka.

Luka 22:26 Referans Kwoze

1 Petro 5:5

Swi tano na n'wina lavantshwa: Titsongahateni eka lavakulu. Hinkwenu ambalani ku titsongahata, mi tiveka ehansi, van'wana eka van'wana, hikuva va khale va te: “Xikwembu xi alela lava tikurisaka, kambe xi tsetselela lava titsongahataka.”

1 Petro 5:3

Mi nga tshuki mi fuma lava mi nga nyikiwa vona ku va risa, kambe mi boxela ntlhambi entila lowunene.

Luka 9:48

“Un'wana ni un'wana la amukelaka n'wana loyi hi vito ra mina, wa ndzi amukela, kutani un'wana ni un'wana la ndzi amukelaka, ú amukela ni loyi a ndzi rhumeke. Hikuva la nga lontsongo exikarhi ka n'wina hinkwenu, hi yena loyi a nga lonkulu.”

Marka 9:35

Kuteloko Yesu a tshamile hansi, a vitana lava khume na vambirhi, a ku ka vona: “Loko un'wana a rhandza ku va lowo rhanga, a a ve lowo hetelela eka hinkwavo, a va nandza wa hinkwavo.”

Varhoma 12:2

Mi nga landzi hanyelo ra nguva leyi, kambe mi pfumela ku hundzuka mi va vantshwa emiehleketweni ya n'wina, mi ta kota ku twisisa leswi ku rhandza lokunene ka Xikwembu, loku nkhensekaka ni ku hetiseka, ku nga swona.

Matewu 20:26

swi nga tshuki swi va tano exikarhi ka n'wina, kambe un'wana ni un'wana la navelaka ku va lonkulu exikarhi ka n'wina, a a ve tanihi mutirheli wa n'wina;

Marka 10:43

Kambe swi nga tshuki swi va tano exikarhi ka n'wina; un'wana ni un'wana la lavaka ku va lonkulu exikarhi ka n'wina, a a ve mutirheli wa n'wina;