Luka 21:19 - BIBELE Mahungu Lamanene

¹⁹ hi ku tiyisela ka n'wina, mi ta tikumela vutomi.

Testamente Leyimpsha Xichangana

¹⁹ hi kutiyisela ka n'wina mitatikumela vutomi.

Xitsonga (Bibele)

¹⁹ Hlayisani mimoya ya n'wina hi ku tiyisela ka n'wina.

Luka 21:19 Referans Kwoze

Vaheveru 10:36

Swa fanela leswaku mi tiyisela, leswaku mi ta kota ku endla ku rhandza ka Xikwembu, mi ta amukela leswi xi nga mi tshembisa swona.

Matewu 10:22

Mi ta vengiwa hi vanhu hinkwavo hikwalaho ka vito ra mina; kambe loyi a tiyiselaka ku fika makumu, hi yena loyi a nga ta ponisiwa.

Yakobo 1:3

hikuva ma swi tiva leswaku loko ku pfumela ka n'wina ku tiya eku ringiweni, swi humesa ku tiyisela.

Nhlavutelo 3:10

Leswi u nga hlayisa xileriso xa mina xa leswaku u fanele ku tiyisela, na mina ndzi ta ku sirhelela enkarhini wa ndzingo lowu wu nga ta ta emisaveni hinkwayo, ku ta ringeta vaaki va misava.

Varhoma 5:3

Ku nga ri sweswo ntsena, kambe hi tidzunisa ni le maxangwini ya hina, hi ku tiva leswaku maxangu ma tswala ku tiyisela,

Varhoma 2:7

Lava tiyiselaka ku endla leswinene, va ri karhi va navela ku va lava kwetsimaka ni lava dzunekaka ni lavo ka va nga ha fi, Xikwembu xi ta va nyika vutomi lebyi nga heriki;

Nhlavutelo 13:10

Loyi ku khomiwa swi n'wi kongomeke, ú ta khomiwa hakunene; ni loyi ku dlayiwa hi tlhari swi n'wi kongomeke, ú ta dlayiwa hi tlhari hakunene.” Leswi swi vula leswaku vahlawuriwa va Xikwembu va fanele ku tiyisela, va va ni ku pfumela.

Pisalema 37:7

Loko u ri emahlweni ka HOSI Xikwembu, miyela u langutela xona; lava humelelaka etindleleni ta vona, kumbe lava endlaka makungu layo biha, u nga tipandzisi nhloko hi vona.

Nhlavutelo 14:12

Leswi swi lava leswaku vahlawuriwa va Xikwembu va tiyisela, va ri karhi va hlayisa milawu ya xona, ni ku pfumela ka vona eka Yesu.

Vaheveru 6:11

Kutani hi navela ngopfu leswaku un'wana ni un'wana wa n'wina a komba ku chivirika koloko ku ya fika emakumu, ku kondza loko ku langutela ka n'wina ku hetiseka.

1 Vatesalonika 1:3

Emahlweni ka Xikwembu Tata wa hina, hi tsundzuka hilaha ku pfumela ka n'wina ku tikombeke hakona hi swiendlo, ni leswaku mi chivirika eku languteleni ka Hosi ya hina Yesu Kriste, hi rirhandzu ni ku tikarhata.

Matewu 24:13

Kambe loyi a tiyiselaka ku fika makumu, hi yena loyi a nga ta ponisiwa.

Nhlavutelo 1:9

Mina Yohane, ndzi makwenu ni nakuloni hikwalaho ka Yesu, hikuva ndzi tiyisela ku fana na n'wina emaxangwini ya vanhu lava Mfumo wu nga wa vona. Ndzi yisiwile exihlaleni lexi vuriwaka Patmosi, hi mhaka ya leswi ndzi nga haxa Rito ra Xikwembu ni ku tiyisa vumbhoni bya Yesu.

Vaheveru 6:15

Hi ndlela yoleyo Abrahama, hi ku lehisa mbilu, ú kumile leswi a tshembisiweke swona.

2 Vatesalonika 3:5

Ingi Hosi Xikwembu xi nga susumeta timbilu ta n'wina, leswaku mi xi rhandza, ni leswaku mi chivirikela Kriste.

Varhoma 8:25

Kambe loko hi langutela leswi hi nga swi voniki, hi swi langutela hi ku tiyisela.

Luka 8:15

Timbewu leti nga wela emisaveni leyinene, i vanhu lava yingisaka Rito hi timbilu leto lulama, letinene, va ri hlayisa, va veka mihandzu hi ku tiyisela.

Pisalema 40:1

Ndzi languterile HOSI Xikwembu ndzi nga heli mbilu, kutani xi tshinerile kusuhi xi ta yingisa ku huwelela ka mina.

Varhoma 15:4

Hinkwaswo leswi tsariweke hi lava khale, swi tsariwile leswaku hi dyondza ha swona, ni leswaku hi va ni ku langutela, hikwalaho ka ku tiyisela ni ku chaveleriwa loku hi ku kumaka eMatsalweni.

Habakuku 3:16

Loko ndzi twa leswi hinkwaswo, ndzi tela hi rhumbu, milomo ya mina yi tshavatana hi huwa ya kona; marhambu ya mina ma heleriwa hi mongo, ni matsolo ya mina ma gudlagudla. Ndzi langutela ntsena siku ra khombo, leri nga ta wela vanhu lava va hi hlaselaka.

Varhoma 5:4

ku tiyisela ku tswala ku hlula miringo, ni ku hlula miringo ku tswala ku langutela;

Yakobo 1:4

Kambe ku tiyisela ka n'wina ku fanele ku tirha ntirho lowu hetisekeke, leswaku mi va lavo hetiseka ni ku lulama hi matlhelo hinkwawo, mi nga pfumali nchumu.

2 Petro 1:6

mi seketela vutivi hi ku tikhoma, ni ku tikhoma hi ku tiyisela, ni ku tiyisela hi vukhongeri,