Luka 21:18 - BIBELE Mahungu Lamanene

¹⁸ Kambe a ku nga lovi hambi wu ri nsisi ni wun'we wa tinhloko ta n'wina;

Testamente Leyimpsha Xichangana

¹⁸ Kambe akungalovi hambi wuli nsisi ni wun'we wa tinhloko ta n'wina;

Xitsonga (Bibele)

¹⁸ Kambe nsisi ni wun'we wa tinhloko ta n'wina, wu nga ka wu nga lovi.

Luka 21:18 Referans Kwoze

Matewu 10:30

Loko mi ri n'wina, hambi yi ri misisi ya tinhloko ta n'wina yi hlayiwile hinkwayo.

1 SAMIELE 14:45

Kambe vanhu va ku ka Sawulo: “Xana Yonatani ú fanele ku fa hakunene ke, yena loyi a ha ku ponisaka Israele hi ndlela yo hlamarisa, xana? Sweswo swi nga ka swi nga endleki! Ha tiyisa emahlweni ka HOSI Xikwembu lexi hanyaka, hi ri: A nga ka a nga lahlekeriwi hi nsisi ni wun'we wa yena, hikuva eku lweni ka yena namuntlha, Xikwembu a xi ri na yena.” Kavaloko va lamulerile Yonatani, a pona ku dlawa.

Timhaka 27:34

Ndza mi khongotela ku dya xanchumu; swa laveka, loko mi rhandza ku pona; hikuva a ku na un'we wa n'wina loyi a nga ta lahlekeriwa hi nsisi wa nhloko ya yena hambi wu ri wun'we.”

Luka 12:7

Hambi yi ri misisi ya tinhloko ta n'wina yi hlayiwile hinkwayo. Mi nga chaveni, mi tlula swindzingiri leswo tala hi nkoka.

2 SAMIELE 14:11

Kutani wansati a ku: “Ndzi kombela leswaku wena hosi u khongela HOSI Xikwembu xa wena: A xi endle leswaku loyi a fanelaka ku rihisela ku dlawa ka n'wana wa mina, a tshika ku halata ngati, a nga herisi vutomi bya n'wana wa mina loyi a nga sala.” Davhida a hlamula a ku: “Hiswona, ndza hlambanya emahlweni ka HOSI Xikwembu lexi hanyaka, ndzi ri: N'wana wa wena a nga ka a nga lahlekeriwi hi nsisi ni wun'we enhlokweni ya yena!”

1 SAMIELE 25:29

Loko vanhu va tshuka va ku pfukela, wena n'wini wanga, ni loko va ku hlongorisa va ringeta ku ku dlaya, vutomi bya wena byi ta katsiwa ni bya lava hanyaka, byi hlayisiwa hi HOSI Xikwembu xa wena. Kasi vutomi bya valala va wena, byi ta ndzulutiwa byi hoxiwa ekule, tanihi ribye ra xipelupelu.

Luka 21:17

mi ta vengiwa hi vanhu hinkwavo hikwalaho ka vito ra mina.