Luka 21:1 - BIBELE Mahungu Lamanene

¹ Loko Yesu a tlakusa mahlo, a vona swifumi leswi hoxaka tinyiko ta swona exibyeni xa nhlengo wa Tempele.

Testamente Leyimpsha Xichangana

¹ Loko Yesu atlakusa mahlo, avona vafuwi lesvi vahoxaka svona xibzeni xanhlengo wa Tempele.

Xitsonga (Bibele)

¹ Kakuloko Yesu a tlakusa mahlo, a vona vafuwi lava chelaka mihlengo ya vona enkaxeni wa xuma.

Luka 21:1 Referans Kwoze

Yohane 8:20

Yesu ú vurile marito lawa loko a ri karhi a dyondzisa eTempeleni, laha swibya swa nhlengo a swi vekiwa kona; kutani a ku vanga na un'we la n'wi khomeke, hikuva nkarhi wa yena a wu nga si fika.

Matewu 27:6

Vaprista lavakulu va teka mali leyi, kutani va ku: “Leswi yi nga mali ya ngati, a swi fanelanga leswaku yi nghenisiwa enhlengweni wa Tempele.”

2 TIKRONIKA 36:18

Vakalediya va teka swingolongondzwana hinkwaswo swa yindlu ya HOSI Xikwembu, leswikulu ni leswitsongo, va teka ni xuma xa kona, va phangha xuma xa hosi ni xa tindhuna ta yona, kutani va rhwala swilo leswi hinkwaswo va ya na swona eBabilona.

Nehemiya 13:13

Kutani ndzi hlawula muprista Xelemiya, na mutsari Sadoki, na Mulevhi loyi a va ku i Pedaya, leswaku va va vahlayisi va leswi nga tindlwini ta vuhlayiselo, ndzi hlawula na Hanani n'wana Zakuru wa Mataniya leswaku a va mupfuni wa vona. Vanhu lava a va ri van'wana va lava tshembekeke; ntirho wa vona a ku ri ku phakela vamakwavo swilo.

2 TIHOSI 24:13

Hilaha HOSI Xikwembu xi vuleke hakona khale, Nebukadnetsara a phangha xuma hinkwaxo xa yindlu ya HOSI Xikwembu, ni xuma xa le ntsindza; a fayetela swigotso swa nsuku hinkwaswo swa le Tempeleni ya HOSI Xikwembu, leswi a swi endliwile hi Solomoni hosi ya Vaisraele.

Yoxuwa 6:19

Silivhere hinkwayo ni nsuku, ni swibya swa koporo ni swa nsimbhi swi hlawulekile eka HOSI Xikwembu; swona swi ta vekiwa evuhlayiselweni bya xuma xa HOSI Xikwembu.”

1 TIHOSI 14:26

yi phangha xuma xa yindlu ya HOSI Xikwembu, ni xuma xa le ntsindza; yi phangha hinkwaswo, ku katsa ni switlhangu hinkwaswo swa nsuku leswi vumbiweke hi hosi Solomoni.

Yoxuwa 6:24

Kutani va hisa muti wa Yeriko ni swilo hinkwaswo leswi a swi ri ka wona, kambe va teka silivhere ni nsuku ni swibya swa koporo ni swa nsimbhi va ya swi veka evuhlayiselweni bya xuma xa yindlu ya HOSI Xikwembu.

2 TIHOSI 12:9

Kutani muprista Yoyada a teka bokisi, a boxa xipfalo xa rona, a ri veka etlhelo ka alitari, evokweni ra xinene loko munhu a nghena endlwini ya HOSI Xikwembu; kutani vaprista hinkwavo lava rindzaka tinyangwa, a va hoxa eka rona mali hinkwayo leyi tisiwaka endlwini ya HOSI Xikwembu.

Luka 20:47

Hi vona va dyelelaka tinoni ni mindyangu ya tona, va endla ni swikhongelo leswo leha leswaku va ta voniwa. Va ta avanyisiwa hi ku avanyisa loku tlurisaka!”