Luka 2:37 - BIBELE Mahungu Lamanene

³⁷ kutani a feriwa hi nuna. A a ri ni malembe ya 84, a nga suki eTempeleni, kambe a tirhela Hosi hi ku titsona swakudya ni ku khongela vusiku ni nhlekanhi.

Testamente Leyimpsha Xichangana

³⁷ kutani afeliwa hi nuna. Aali ni malembe ya ntlhanu wa makume ni makume manharhu ni mune (84), aangasuki Tempeleni, kambe aatirhela Hosi hi kutitsona svakuja ni kukhongela vusiku ni nhlekanhi.

Xitsonga (Bibele)

³⁷ a yi ri noni ya malembe ya ntlhanu wa makume na makume manharhu na mune. A a nga suki etempeleni, kambe a tirhela Xikwembu hi ku titsona swakudya, ni ku khongela vusiku ni nhlekanhi.

Luka 2:37 Referans Kwoze

1 Timotiya 5:5

Wansati wa noni loyi a nga wa xiviri, loko a sele a ri yexe, ú vekile ku tshemba ka yena eka Xikwembu, kutani ú tshama a ri karhi a kombela eka xona ni ku khongela vusiku ni nhlekanhi.

Timhaka 14:23

Va va hlawulela vakulukumba ekerekeni yin'wana ni yin'wana; kutani, hi ku khongela ni ku titsona swakudya, va va veka emavokweni ya Hosi leyi a va pfumerile ka yona.

Pisalema 23:6

Ina, vunene ni rirhandzu ra wena swi ta ndzi sirhelela masiku hinkwawo ya ku hanya ka mina, kutani ndzi ta tshama endlwini ya wena vutomi bya mina hinkwabyo.

Pisalema 27:4

Ndzi komberile xilo xin'we eka HOSI; xilo xa kona ndzi xi tsakela ngopfu, ku nga ku tshama eTempeleni ya HOSI vutomi bya mina hinkwabyo, ndzi hlalela ku saseka ka yona ndzi ri ndlwini ya yona.

Timhaka 13:3

Kutani loko va titsonile swakudya ni loko va khongerile, va va tlhandleka mavoko, kutani va va pfulela tindlela.

Timhaka 26:7

hi xona xitshembiso lexi tinyimba ta ka hina ta 12 ti languteleke ku hetiseka ka xona ti ri karhi ti tiyisela ku gandzela Xikwembu vusiku ni nhlekanhi; wena hosi, ndzi mangaleriwa hi Vayuda hikwalaho ka ku langutela koloku.

Pisalema 22:2

Xikwembu xanga, ndzi huwelela ka wena ninhlekanhi, kambe a wu hlamuri; ndzi huwelela nivusiku, kambe a ndzi kumi ku wisa.

Nhlavutelo 7:15

“Hikokwalaho, va le mahlweni ka xiluvelo xa Xikwembu, va xi tirhela vusiku ni nhlekanhi eTempeleni ya xona. Kutani loyi a tshameke exiluvelweni, ú ta va kusuhi na vona a va sirhelela.

Nhlavutelo 3:12

Loyi a hlulaka, ndzi ta n'wi endla mhandze leyikulu eTempeleni ya Xikwembu xa mina, kutani a nga ka a nga humesiwi eka yona. Ndzi ta tsala ehenhla ka yena vito ra Xikwembu xa mina, ni vito ra muti wa Xikwembu xa mina, wu nga Yerusalema lowuntshwa lowu xikaka hi le tilweni wu huma eka Xikwembu xa mina; ndzi ta tsala ni vito lerintshwa ra mina ehenhla ka yena.

Luka 5:33

Kutani va ku ka yena: “Vadyondzisiwa va Yohane va tala ku titsona swakudya, va endla ni swikhongelo; vadyondzisiwa va Vafarisi na vona va endlisa sweswo; kasi va wena lava, va dya va nwa!”

Pisalema 84:10

Hakunene ku tshama siku rin'we ntsena eTempeleni ya wena, swi tlula ku tshama masiku ya khume ra madzana kun'wana. Ndzi ngo tsakela ku yima kunene enyangweni ya Tempele, we Xikwembu xanga, ku ri na ku tshama ni lava va nga ku khongeriki.

Pisalema 84:4

Va katekile ngopfu lava tshamaka eTempeleni ya wena, va ku dzunisa minkarhi hinkwayo.

1 SAMIELE 2:2

A ku na la kwetsimaka tanihi HOSI; ehandle ka yona, ku hava xin'wana Xikwembu; a ku na ribye leri tiyeke kukota Xikwembu xa hina.

Eksoda 38:8

Kutani a vumba sambelo ni xikhatelo xa rona hi koporo ya swivoni swa vavasati lava a va tirha enyangweni ya Ntsonga lowo Hlawuleka.

Pisalema 92:13

Va simekiwile endlwini ya HOSI Xikwembu xa hina, va phaka marhavi eswivaveni swa Tempele ya xona.