Luka 19:47 - BIBELE Mahungu Lamanene

⁴⁷ Yesu a a dyondzisa eTempeleni masiku hinkwawo. Kambe vaprista lavakulu ni vatsari swin'we ni vakulukumba va tiko, a va lava ku n'wi dlaya.

Testamente Leyimpsha Xichangana

⁴⁷ Yesu aajondzisa Tempeleni masiku hinkwawu. Kambe Vaprista lavakulu ni Vatsali svin'we ni vakulukumba va tiko, avalava kumudlaya.

Xitsonga (Bibele)

⁴⁷ Kambe vaprista lavakulu ni vatsari ni vakulu va tiko, a va rhandza ku n'wi dlaya.

Luka 19:47 Referans Kwoze

Marka 11:18

Vaprista lavakulu ni vatsari va swi twa, kutani va lava hilaha va nga ta n'wi dlaya hakona; hikuva a va n'wi chava, hileswi ntshungu hinkwawo a wu hlamala dyondzo ya yena.

Matewu 26:55

Enkarhini wolowo, Yesu a ku ka ntshungu: “Leswi mi humeke mi ri ni mabanga ni tinhonga ku ta ndzi khoma, ndzo va xigevenga xana? Masiku hinkwawo a ndzi tshama eTempeleni, ndzi karhi ndzi dyondzisa: A mi ndzi khomanga.

Yohane 18:20

Yesu a n'wi hlamula, a ku: “Ndzi vulavurile erivaleni emahlweni ka vanhu hinkwavo. Ndzi dyondzisile minkarhi hinkwayo emasinagogeni ni le Tempeleni, laha Vayuda hinkwavo va hlengeletanaka kona, a ndzi vulanga nchumu exihundleni.

Yohane 10:39

Hiloko va ringeta kambe ku n'wi khoma, kambe a chupuka emavokweni ya vona.

Yohane 7:44

Van'wana va vona a va navela ku n'wi khoma, kambe a ku vanga na un'we la nga yisa voko eka yena.

Yohane 7:19

Xana Muxe a nga mi nyikanga Nawu xana? Kambe hambiswiritano, ku hava na un'we wa n'wina la hlayisaka Nawu. Hikokwalaho ka yini mi lava ku ndzi dlaya ke?”

Marka 14:1

A ka ha lo sala masiku mambirhi, ku nga si va ni nkhuvo wa Paseka ni wa Xinkwa lexo-ke-comela; kutani vaprista lavakulu ni vatsari a va lava ndlela yo n'wi khoma ha yona hi vutlhari leswaku va ta n'wi dlaya.

Marka 12:12

A va navela ku n'wi khoma, hikuva a va swi vonile leswaku a a vula vona hi xifaniso lexi; kambe a va chava ntshungu, kutani va n'wi tshika, va hangalaka.

Matewu 21:23

Kuteloko Yesu a fikile eTempeleni, vaprista lavakulu ni vakulukumba va tiko va ta ka yena loko a ri karhi a dyondzisa, va ku ka yena: “Xana u endla swilo leswi hi matimba wahi ke? Naswona matimba walawo, u nyikiwile hi mani xana?”

Marka 14:49

Masiku hinkwawo a ndzi ri na n'wina ndzi ri karhi ndzi dyondzisa eTempeleni, kutani a mi ndzi khomanga; kambe Matsalwa ma fanele ku hetiseka!”

Luka 19:48

Ntsena a va nga tivi lexi va nga ta xi endla, hikuva vanhu a va n'wi yingisa, va tsakela ngopfu marito ya yena.

Luka 20:19

Kutani vaprista lavakulu ni vatsari a va navela ku n'wi khoma enkarhini wolowo, hikuva a va swi vonile leswaku a a vula vona hi xifaniso lexi, kambe a va chava ntshungu.