Luka 19:20 - BIBELE Mahungu Lamanene

²⁰ Un'wana a ta, a ku: ‘Hosi, pondho ya wena hi leyi, ndzi yi phutsele hi duku;

Testamente Leyimpsha Xichangana

²⁰ Mun'wana ata, aku: ‘Hosi, mina ya wena hi leyi, niyiphutsele hi faduku;

Xitsonga (Bibele)

²⁰ Un'wana a ta, a ku: ‘Hosi, pondho ya wena ya ha ri yona leyi, ndzi yi phutsele hi duku;

Luka 19:20 Referans Kwoze

Matewu 25:24

Loyi a a nyikiwile talenta yin'we, na yena a ta, a ku: ‘Hosi, ndzi tivile leswaku u munhu wa ku nonon'hwa; u tshovela laha u nga byalangiki kona, u hlengeleta laha u nga haxangiki mbewu kona;

Yakobo 4:17

Hikokwalaho, munhu loyi a tivaka leswo lulama leswi a fanelaka ku swi endla, kambe a nga swi endli, i mudyohi.

Luka 19:13

Kutani a vitana malandza ya yena ya khume, a nyika un'wana ni un'wana epondho, a ku ka vona: ‘Bindzulani ha yona ndzi ko ndzi vuya.’

Luka 6:46

“Xana mi ndzi vulela yini: ‘Hosi, Hosi’ xana, kasi a mi endli leswi ndzi mi byelaka swona!

Luka 3:9

Ni sweswi xihloka xi vekiwile etimitswini ta mirhi; murhi wun'wana ni wun'wana lowu nga vekiki mihandzu leyinene, wu ta tsemiwa wu hoxiwa endzilweni.”

Luka 19:19

Hosi yi ku ka yena: ‘Wena ke, fuma miti ya ntlhanu.’

Luka 19:21

a ndzi ku chava, hikuva u munhu wo nonon'hwa, u teka lexi u nga xi vekangiki, u tshovela lexi u nga xi byalangiki.’

Yohane 11:44

Kutani mufi a huma, a tsondzeleriwile milenge ni mavoko hi malapi, mombo wa yena wu bohiwile hi duku. Yesu a ku ka vona: “N'wi ntshunxeni, leswaku a kota ku muka.”

Yohane 20:7

kambe duku leri a ri tsondzerile nhloko ya Yesu a ri nga ri ni minceka leyi yin'wana, kambe a ri petsiwile, ri vekiwile hi tlhelo.