Luka 18:43 - BIBELE Mahungu Lamanene

⁴³ Hi nomu lo, a tlhela a vona, kutani a landza Yesu a ri karhi a dzunisa Xikwembu. Na rona tiko hinkwaro, loko ri swi vonile, ri tlangela Xikwembu.

Testamente Leyimpsha Xichangana

⁴³ Hi nomo-lo, atlhela avona, kutani alandza Yesu na ali karhi adzunisa Xikwembu. Narona tiko hinkwaru, loko risvivonile, ritlangela Xikwembu.

Xitsonga (Bibele)

⁴³ Kutani a vona kan'wekan'we; a n'wi landza, a ri karhi a dzunisa Xikwembu. Na vona vanhu hinkwavo lava nga swi vona, va dzunisa Xikwembu.

Luka 18:43 Referans Kwoze

Pisalema 146:8

HOSI Xikwembu xi pfula mahlo ya lava nga voniki, lava tshikeleriwaka xa va kutsula, xi rhandza vanhu lava lulameke.

Vagalatiya 1:24

Kutani a ti dzunisa Xikwembu hikwalaho ka mina.

Timhaka 26:18

u ta pfula mahlo ya vona leswaku va huma emunyameni, va nghena eku vonakaleni, ni leswaku va huma eku fumeni ka Sathana va nghena eka Xikwembu; loko va pfumela ka mina, va ta kuma ku rivaleriwa ka swidyoho, kutani va ta averiwa ndzhaka exikarhi ka vahlawuriwa va Xikwembu.’

Timhaka 11:18

Loko va twa timhaka teto, va miyela va nga ha vileli; kutani va dzunisa Xikwembu, va ku: “Loko swi ri tano, na vona vamatiko Xikwembu xi va nyikile ku hundzuka loku yisaka evutomini.”

Timhaka 4:21

Hiloko va huvo va va ntshunxa, va ri karhi va engeta ku va laya ni ku va chavisa; a va nga voni hilaha va nga va baka hakona, hikuva vanhu hinkwavo a va dzunisa Xikwembu hikwalaho ka leswi humeleleke;

Luka 13:17

Marito lawa ya Yesu ma khomisa vakaneti va yena hinkwavo tingana, kutani ntshungu hinkwawo a wu tsakela mintirho hinkwayo leyo saseka leyi a a yi endla.

Luka 5:26

Kutani va hlamala hinkwavo, va dzunisa Xikwembu, va tala hi ku chava va ku: “Namuntlha hi vonile mihlolo.”

Luka 4:39

Kavaloko Yesu a yima kusuhi na yena, a tshinya vuvabyi, kutani byi suka; hiloko wansati a hatla a pfuka, a va tirhela.

Matewu 21:14

Lavo-fe-mahlo ni lavo khwita va ta ka Yesu eTempeleni, kutani a va hanyisa.

Matewu 11:5

Lavo-fe-mahlo va tlhela va vona, swilema swa famba, vanhlokonho va basisiwa, lavo-fe-tindleve va twa, vafi va pfuka, swisiwana swi byeriwa Mahungu Lamanene.

Matewu 9:8

Loko mintshungu yi vona sweswo, yi khomiwa hi ku chava, kutani yi dzunisa Xikwembu lexi nga nyika matimba layo tano eka vanhu.

Esaya 43:21

Vanhu lava, ndzi va vumbile leswaku va ndzi dzunisa vona vinyi.

Esaya 42:16

Vanhu lavo ka va nga voni lava, ndzi ta va fambisa hi ndlela leyi va nga yi tiviki, ndzi ta va tisa hi mabudula lawa va nga si tshamaka va famba ha wona; xinyami lexi nga mahlweni ka vona ndzi ta xi hundzula ku vonakala, tindhawu leti nga fambekiki ti ta va rivala. Swilo leswi, ndzi ta swi endla hinkwaswo, a ndzi nga siyi na xin'we xa swona.

Esaya 35:5

Enkarhini wolowo, mahlo ya lava nga voniki ma ta pfuleka, ni lava nga twiki va ta pfuleka tindleve,

Pisalema 107:15

A va nkhense rirhandzu ra HOSI Xikwembu, ni mahlori lawa xi ma endlelaka vanhu,

Pisalema 107:8

A va nkhense rirhandzu ra HOSI Xikwembu, ni mahlori lawa xi ma endlelaka vanhu,

Pisalema 30:2

We HOSI Xikwembu xanga, ndzi huwelerile eka wena, kutani u ndzi horisile emavabyini.

1 Petro 2:9

Kambe n'wina, mi rixaka leri hlawuriweke, mi vaprista va Hosi, mi tiko leri hlawulekeke, vanhu lava nga va Xikwembu hi xiviri, leswaku mi ta kota ku twarisa mintirho leyo saseka ya loyi a mi vitaneke ku huma emunyameni, mi ta nghena eku vonakaleni ka yena loku hlamarisaka.

Luka 19:37

Kutani loko a ri kusuhi ni ku rhelela Ntshava ya Mitlhwari, ntshungu hinkwawo wa vadyondzisiwa wu sungula ku tsaka, wu dzunisa Xikwembu hi rito leri tlakukeke, hikwalaho ka mahlori hinkwawo lawa va ma voneke, va ku:

Luka 9:43

Kutani hinkwavo va hlamala vuhosi lebyikulu bya Xikwembu. Loko hinkwavo va ha hlamala hinkwaswo leswi Yesu a swi endleke, yena a byela vadyondzisiwa va yena a ku: