Luka 18:32 - BIBELE Mahungu Lamanene

³² Hikuva ú ta nyiketiwa eka vamatiko; va ta tlanga hi yena, a rhuketeriwa, a tshwuteriwa marha;

Testamente Leyimpsha Xichangana

³² Hikuva atanyiketiwa ka vamatiko; vatatlanga hi yena, arhuketeliwa, apshiteliwa marhi;

Xitsonga (Bibele)

³² Hikuva u ta nyiketiwa vamatiko, va ta n'wi tseketsela, va n'wi sandza, va n'wi tshwutela hi marhi;

Luka 18:32 Referans Kwoze

Luka 23:11

Hiloko Heroda a n'wi sandza, ni ku n'wi tseketsela a ri ni masocha ya yena; kuteloko a n'wi ambexile nguvu yo vangama, a n'wi tlherisela eka Pilato.

Esaya 53:3

Vanhu a va n'wi langutela hansi, va nga n'wi amukeli. A a ri munhu wa mahlomulo, loyi a kombiwaka maxangu; vanhu a va nga lavi na ku n'wi vona, kutani hina a hi n'wi sola, hi nga ri na mhaka na yena.

Esaya 50:6

Ndzi pfumerile ku korhama ndzi biwa hi valala, ni loko va ndzi hlurhulela malebvu, ndzi kangaterile; a ndzi chavanga ku rhuketeriwa ni ku tshwuteriwa marha.

Timhaka 3:13

Xikwembu xa Abrahama ni xa Isaka ni xa Yakobo, Xikwembu xa vatata wa hina, xi dzunisile nandza wa xona Yesu, loyi mi n'wi nyiketeke, mi tlhela mi n'wi landzula emahlweni ka Pilato; kambe Pilato yena a a vurile leswaku a ntshunxiwa.

Marka 14:65

Van'wana va sungula ku n'wi tshwutela marha, va n'wi boha mahlo, va n'wi ba hi swibakela, va ku ka yena: “Vhumbha ke!” Malandza na wona ma famba na yena ma ri karhi ma n'wi himetela.

Matewu 26:67

Kutani va n'wi tshwutela marha exikandzeni, va n'wi ba hi swibakela, van'wana va n'wi ba hi timpama, va ku:

Matewu 16:21

Ku sukela nkarhini wolowo Yesu a sungula ku tivisa vadyondzisiwa va yena leswaku ú fanele ku ya eYerusalema, a twisiwa ku vaviseka lokukulu hi vakulukumba ni vaprista lavakulu ni vatsari, a dlawa, a tlhela a pfuka eku feni hi siku ra vunharhu.

Mikiya 5:1

“Kambe mi ta rhanga mi tixekelela mi rila nkosi, n'wina vaaki va Yerusalema lava tshembaka matlhari, hikuva valala va ta mi rhendzela, va khoma mufumi wa Israele, va n'wi ba tinhlaya hi nhonga.”

Esaya 52:14

Vanhu vo tala va tsemekile nhlana loko va n'wi vona, hikuva nghohe ya yena a yi nga languteki; a a nga fani na vanhu van'wana.

Timhaka 2:23

hi yena loyi a nga nyiketiwa, hi makungu lama tiyeke ya Xikwembu ni ku tiva ka xona ka khale; kutani mi n'wi dlayile hi mavoko ya vanhu lavo homboloka lava nga n'wi vamba exihambanweni.

Yohane 18:35

Pilato a hlamula a ku: “Xana ndzi Muyuda mina ke? Vanhu va ka n'wina ni vaprista lavakulu hi vona va ku nyiketeke ka mina. U endle yini xana?”

Yohane 18:30

Va hlamula va ku ka yena: “Loko munhu loyi a nga dyohanga, a hi nga ta n'wi nyiketa eka wena.”

Yohane 18:22

Loko Yesu a vurile sweswo, un'wana wa malandza, loyi a a yimile kwalaho, a ba Yesu hi mpama, a ku: “Xana hi rona hlamulele ra wena eka Muprista lonkulu xana?”

Luka 23:35

Vanhu a va yimile kwalaho, va ri karhi va languta; na vona vakulukumba a va n'wi hlekula, va ku: “Munhu loyi ú ponisile van'wana; a a tiponise, loko a ri Mesiya, Muhlawuriwa wa Xikwembu!”

Luka 23:1

Kutani va suka va yima hinkwavo, va yisa Yesu eka Pilato,

Matewu 27:2

Kuteloko va n'wi bohile, va famba na yena, va ya n'wi nyiketa eka hosi Pilato.

Yohane 18:28

Kutani va suka na Yesu eka Kayafasi, va n'wi yisa endlwini ya vuhosi. A wa ha ri mpundzu swinene; vona hi voxe a va nghenanga ndlwini ya vuhosi, ku endlela leswaku va nga tinyamisi, va ta kota ku dya nkhuvo wa Paseka.

Marka 15:1

Loko ra ha ku xa, vaprista lavakulu va hatla va lunghisa makungu ni vakulukumba, swin'we ni vatsari ni huvo hinkwayo; kuteloko va bohile Yesu, va famba na yena, va ya n'wi nyiketa eka Pilato.

Matewu 20:19

va ta n'wi nyiketa eka vamatiko leswaku vona va tlanga hi yena, va n'wi ba hi minkhavi ni ku n'wi vamba exihambanweni; kutani, hi siku ra vunharhu, ú ta pfuka eku feni.”

Matewu 22:6

van'wana va khoma malandza ya hosi, va ma endla hi tihanyi, va ma dlaya.

Luka 18:33

kutani loko va n'wi bile hi minkhavi, va ta n'wi dlaya; kambe ú ta pfuka eku feni hi siku ra vunharhu.”

Yohane 18:32

(Leswi a ku ri ku hetisa rito leri Yesu a tshamaka a ri vula loko a fanisa rifu leri a nga ta fanela ku fa ha rona.)