Luka 18:1 - BIBELE Mahungu Lamanene

¹ Yesu a byela vadyondzisiwa exifaniso, ku komba leswaku vanhu va fanele ku khongela minkarhi hinkwayo, va nga heli timbilu,

Testamente Leyimpsha Xichangana

¹ Yesu abzela vajondzisiwa xifaniso, kukomba lesvaku vanhu vafanele kukhongela minkarhi hinkwayu, vangakarhali,

Xitsonga (Bibele)

¹ Naswona, Yesu a va byela xifaniso ku kombisa leswaku vanhu va fanele ku khongela hi mikarhi hinkwayo, va nga tshuki va karhala.

Luka 18:1 Referans Kwoze

Vakolosa 4:2

Yanani emahlweni mi tiyisela emikhongelweni, mi hitekela kona mi ri karhi mi nkhensa;

Varhoma 12:12

Tsakani eku languteleni, mi tiyisela emaxangwini, mi chivirika eku khongeleni.

1 Vatesalonika 5:17

Mi nga tshiki ku khongela.

Vafilipiya 4:6

Mi nga vileli ha nchumu; kambe etimhakeni hinkwato, khongelani, mi tivisa Xikwembu leswi mi swi pfumalaka, mi kombela mi ri karhi mi nkhensa;

Vaefesa 6:18

Endlani hinkwaswo leswi hi ku khongela, mi kombela ku pfuniwa hi Xikwembu; khongelani minkarhi hinkwayo hilaha Moya wu mi letelaka hakona. Hikokwalaho, tshamani mi hitekile, mi nga karhali ku khongelela vahlawuriwa va Xikwembu hinkwavo.

Yeremiya 29:12

Loko mi ta ku ta vulavula na mina ni ku ndzi gandzela, ndzi ta mi yingisa.

Luka 21:36

Hitekani ke, mi khongela minkarhi hinkwayo, leswaku mi kuma matimba ya ku pona eka swilo hinkwaswo leswi swi nga ta humelela, ni ku yima mi tiyile emahlweni ka N'wana-wa-Munhu.”

Vagalatiya 6:9

Loko hi ri karhi hi endla leswinene, hi nga karhaleni, hikuva hi ta tshovela hi nkarhi wa kona, loko hi nga heli mbilu.

Pisalema 86:3

We N'wini wanga ndzi twele vusiwana, hikuva ndzi huwelela eka wena nhlekanhi hinkwawo.

Pisalema 102:17

yi ta yingisa xikhongelo xa lava tshikeleriwaka, ku khongela ka vona a yi nga ku hunisi.

2 Vakorinto 4:1

Hikokwalaho leswi Xikwembu, hi tintswalo ta xona, xi nga hi rhuma ku tirha ntirho wolowo, a hi heli mbilu.

Vakolosa 4:12

Epafra, loyi a nga un'wana wa n'wina, nandza wa Kriste Yesu, wa mi rungula; wa mi anakanya swinene masiku hinkwawo emikhongelweni ya yena, a kombela leswaku mi va lava hetisekeke ni lava tiyeke, eku endleni ka hinkwaswo leswi Xikwembu xi swi rhandzaka.

Yonasi 2:7

Loko ndzi ri kusuhi ni ku nyiketa moya wa mina, ndzi ku anakanyile; xikhongelo xa mina xi fikile eka wena, eTempeleni ya wena leyo hlawuleka.

Pisalema 65:2

U Xikwembu lexi yingisaka swikhongelo, hikokwalaho vanhu hinkwavo va ta eka wena.

Pisalema 27:13

Ndzi tshemba swinene leswaku ndzi ta vona vunene bya HOSI, ndza ha hanya!

Esaya 40:31

kambe lava tshembaka HOSI Xikwembu, va ta engeteleriwa matimba, va ta haha kukota magama, va ta tsutsuma va nga karhali, va ta famba va nga heleli hi ntamu.

Esaya 62:7

Mi nga tshiki HOSI Xikwembu xi wisa, ku kondza loko xi ta va xi nyikile Yerusalema xiyimo lexintshwa, wu va muti lowu dzunisiwaka emisaveni hinkwayo.

1 SAMIELE 1:12

Hana a heta nkarhi wo leha a ri karhi a khongela HOSI Xikwembu, Heli a ko a xiyaxiya nomo wa yena.

Luka 11:10

hikuva un'wana ni un'wana la kombelaka, wa nyikiwa; la lavaka, wa swi kuma; ku ta pfuleriwa la gongondzaka.