Luka 17:27 - BIBELE Mahungu Lamanene

²⁷ A va dya, va nwa, va hlomisa ni ku hlomiselana, ku ko ku fika siku leri Nowa a ngheneke engalaveni ha rona, kutani ndhambi ya mati yi fika, yi va lovisa hinkwavo.

Testamente Leyimpsha Xichangana

²⁷ Avaja, vanwa, vachada ni kuchadisiwa, kukondza kufika siku leri Nowa angheneke ngalaweni ha rona, kutani ndhambhi yifika, yivalovisa hinkwavu.

Xitsonga (Bibele)

²⁷ A va dya, a va nwa, a va hlomisa ni ku hlomisela, ku ko ku fika siku leri Nowa a nghenaka engalaveni, kutani ndhambi ya mati yi fika yi va dlaya hinkwavo.

Luka 17:27 Referans Kwoze

Esaya 21:4

Nhloko ya mina a ya ha twisisi, ndza rhurhumela hi ku chava; ku pela ka dyambu loku a ndzi ku navela, ku lo ndzi pfumata vurhongo ntsena.

Genesa 7:7

Nowa, ni nsati wa yena, ni vana va yena, ni vasati va vona, va nghena endzeni ka ngalava, hi ku chava ndhambi ya mati.

Genesa 7:23

HOSI yi herisile swivumbiwa hinkwaswo leswi hanyaka emisaveni: Vanhu, ni swiharhi, ni swikokovi, ni tinyanyana, swi herisiwa hinkwaswo, ku pona ntsena Nowa ni lava a a ri na vona engalaveni.

1 SAMIELE 30:16

Loko mufana a rhelerile na Davhida a n'wi heleketa, va kuma Vaamaleke va tate rivala, va ri karhi va dya ni ku nwa, va tlhela va cina, hikwalaho ka swilo leswo tala leswi va swi phangheke etikweni ra Vafilista ni le tikweni ra Yuda.

Esaya 47:11

Kambe u ta humeleriwa hi leswo biha, leswi u nga ta ka u nga koti ku swi sivela; u ta weriwa hi khombo, leri u nga ta tsandzeka ni ku tisirhelela eka rona; leswo chavisa, leswi u nga si tshamaka u swi vona, swi ta ku fikela u nga ehleketanga nchumu.

Matewu 22:30

Hikuva enkarhini wa ku pfuka eku feni, vanhu a va ha teki hambi ku ri ku tekiwa, kambe va fana ni tintsumi ta le tilweni.

Luka 17:26

“Hilaha swilo swi humeleleke hakona emasikwini ya Nowa, swa ha ta humelerisa xisweswo emasikwini ya N'wana-wa-Munhu.

Luka 17:28

Naswona swi humelerise xisweswo emasikwini ya Lota; a va dya, va nwa, va xava ni ku xavisa, va byala, va aka tindlu;