Luka 17:18 - BIBELE Mahungu Lamanene

¹⁸ Lava va 9 va kwihi xana? Xana a ku kumekanga na van'wana lava nga vuyela endzhaku ku ta dzunisa Xikwembu, ehandle ka munhu loyi wa rixaka rimbe xana?”

Testamente Leyimpsha Xichangana

¹⁸ Lava va ntlhanu ni mune vakwihi xana? Xana akukumekanga van'wana lavangatlhelela ndzhaku kutadzunisa Xikwembu, handle ka munhu lweyi wa rixaka rin'wana ke?”

Xitsonga (Bibele)

¹⁸ Lava ntlhanu na mune va kwihi xana? A ku na un'wana la tlheleke ku ta dzunisa Xikwembu, loko a nga ri munhu loyi wa rixaka rimbe xana?”

Luka 17:18 Referans Kwoze

Pisalema 50:23

Ku humesa minkhenso i gandzelo leri ri ndzi tsakisaka; loyi a fambaka etindleleni letinene, ndzi ta n'wi ponisa mina Xikwembu.”

Pisalema 106:13

Kambe a va hlwelanga ku rivala mintirho ya xona, a va yimelanga ku vona ku hetiseka ka makungu ya xona.

Nhlavutelo 14:7

Kutani yi tlakusa rito yi ku: “Chavani Xikwembu, mi xi dzunisa, hikuva nkarhi wa xona wa ku avanyisa wu fikile. N'wi gandzeleni, yena muendli wa tilo ni misava ni wa lwandle ni swihlovo swa mati.”

Esaya 42:12

Na n'wina mi akeke ematikweni ya le kule, dzunisani HOSI Xikwembu, mi xi twarisa.

Matewu 20:16

Yesu a engeta a ku: “Hi mukhuva wolowo, va le ndzhaku va ta va va le mahlweni, ni va le mahlweni va ta va va le ndzhaku.”

Matewu 19:30

Vanyingi lava nga va le mahlweni va ta va va le ndzhaku, ni va le ndzhaku va ta va va le mahlweni.

Matewu 8:12

Kambe lava Mfumo a wu ri wa vona, va ta cukumetiwa handle emunyameni, laha ku nga ta va ni minkosi ni ku getsela ka meno.”

Matewu 8:10

Loko Yesu a swi twile, a hlamala, kutani a byela lava n'wi landzaka, a ku: “Ndzi tiyisile ndzi ri ka n'wina: Exikarhi ka Vaisraele, a ndzi kumanga munhu ni un'we la nga ni ku pfumela loko tano.

Matewu 9:8

Loko mintshungu yi vona sweswo, yi khomiwa hi ku chava, kutani yi dzunisa Xikwembu lexi nga nyika matimba layo tano eka vanhu.

Luka 17:17

Hiloko Yesu a vutisa a ku: “Xana a va basisiwanga va ri khume ke?