Luka 16:8 - BIBELE Mahungu Lamanene

⁸ Kutani n'wini a dzunisa mulanguteri wo kala a nga tshembekanga, hikuva a a endlile hi vutlhari.” Yesu a engeta a ku: “Vanhu va misava leyi va tlharihile eku tirhisaneni ni va ka vona ku tlula vanhu va ku vonakala.

Testamente Leyimpsha Xichangana

⁸ Kutani n'winyi adzunisa mulanguteli wokala angatshembekanga, hikuva aayendlile hi vutlhari.” Yesu atlhela aku: “Vanhu va misava leyi vatlharihile kutirhisaneni ni va ka vona kutlula vanhu vakuvonakala.

Xitsonga (Bibele)

⁸ Kutani n'wini wa yena a dzunisa mulanguteri lowo biha, hikuva a a endlile hi vutlhari. Hikuva vana va misava leyi, va tlurisa vana va ku vonakala hi vutlhari erixakeni ra vona.

Luka 16:8 Referans Kwoze

1 Vatesalonika 5:5

Hikuva hinkwenu mi vana va ku vonakala, mi vana va nhlekanhi. A hi va vusiku hina, kumbe va munyama.

Vaefesa 5:8

Hikuva khale n'wina hi n'wexe a mi ri emunyameni, kambe sweswi, leswi mi nga hundzuka vanhu va Hosi, mi le ku vonakaleni. Hanyani ku fana ni vanhu va ku vonakala,

Luka 16:10

Loyi a tshembekeke eka leswitsongo, ni ka leswikulu ú ta tshembeka; loyi a nga tshembekangiki eka leswitsongo, ni ka leswikulu a nga ka a nga tshembeki.

Yohane 12:36

Loko ma ha ri ni ku vonakala, pfumelani eka ku vonakala, leswaku mi hundzuka vanhu va ku vonakala.” Loko Yesu a vurile sweswo, a suka a ya tifihla kule na vona.

1 Yohane 3:10

Ku hambana exikarhi ka vana va Xikwembu ni vana va Diyavulosi, ku nga vonaka hi ndlela leyi: Hileswaku un'wana ni un'wana loyi a nga endliki leswo lulama, kumbe loyi a nga rhandziki makwavo, a hi wa Xikwembu.

Luka 16:4

Ndzi tiva lexi ndzi nga ta endla xona, leswaku vanhu va ndzi amukela emakaya ya vona, loko ndzi ta va ndzi tekeriwile vulanguteri bya mina.’

Eksoda 1:10

A hi va endleni hi mano leswaku va nga andzi ngopfu, hikuva loko va tala kutani nyimpi yi tshuka yi humelela, va ta yima ni valala va hina, va lwa na hina, kutani va ta suka etikweni va hi balekela.”

Genesa 3:1

Nyoka a yi ri ni mano ku tlula swiharhi hinkwaswo leswi HOSI Xikwembu xi swi endleke. Kutani yi ku ka wansati: “Xana i ntiyiso leswaku Xikwembu xi te: ‘Mi nga tshuki mi dya mihandzu ya murhi na wun'we laha ntangeni xana?’ ”

Luka 20:34

Yesu a va hlamula a ku: “Vanhu va minkarhi leyi va teka ni ku tekiwa;

Pisalema 17:14

We HOSI, ndzi ponise hi voko ra wena eka vanhu lava vo biha, lava averiweke vutomi bya nkarhinyana ntsena. Va xurhise hi leswi u nga va vekela swona, vana va vona a va kolwe ha swona, va siyela ni vatukulu va vona.

2 SAMIELE 13:3

Kambe Aminoni a a ri ni nakulobye, loyi a va ku i Yonadabu, n'wana Ximeya makwavo wa Davhida. Yonadabu loyi a a tlharihele tlhelo,

1 Petro 2:9

Kambe n'wina, mi rixaka leri hlawuriweke, mi vaprista va Hosi, mi tiko leri hlawulekeke, vanhu lava nga va Xikwembu hi xiviri, leswaku mi ta kota ku twarisa mintirho leyo saseka ya loyi a mi vitaneke ku huma emunyameni, mi ta nghena eku vonakaleni ka yena loku hlamarisaka.

Vafilipiya 3:19

Makumu ya vona i ku lova; Xikwembu xa vona i khwiri ra vona; va tidzunisa hi leswi a va ta fanela ku va ni tingana ha swona; va anakanya swa misava leyi ntsena.

1 Vakorinto 3:18

Munhu a nga tshuki a tixisa. Loko un'wana exikarhi ka n'wina a tivona a ri la tlhariheke hi ku ya hi swa minkarhi leyi, a a hundzuke wo ke mano, leswaku a ta va lowo tlhariha.

Luka 18:6

Kutani Hosi yi ku: “Yingisani leswi vuriwaka hi muavanyisi loyi wo ka a nga tshembekanga.

Matewu 17:26

Petro a ku ka yena: “I vanhu va le handle.” Yesu a ku ka yena: “Loko swi ri tano, vana va tona a va therisiwi!

2 TIHOSI 10:19

Hikokwalaho ke, ndzi vitaneleni vaprofeta hinkwavo va Baali, swin'we ni hinkwavo lava va n'wi gandzelaka, ni vaprista hinkwavo va yena, ku nga sali na un'we; hikuva ndzi lava ku humesela Baali egandzelo lerikulu. Loyi a nga ta pfumaleka, ú ta dlawa.” Kasi lawa a ma ri mano ya Yehu yo heta lava gandzelaka Baali.

Matewu 12:32

un'wana ni un'wana la nga ta dyohela N'wana-wa-Munhu hi ku n'wi sandza, ú ta rivaleriwa; kambe la nga ta dyohela Moya lowo Kwetsima hi ku wu sandza, a nga ka a nga rivaleriwi, hambi ku ri enkarhini wa sweswi, hambi ku ri enkarhini lowu taka.

Luka 16:7

Ka un'wana a ku: ‘Wena ke, nandzu wa wena wu fika kwihi ke?’ Yena a ku: ‘I dzana ra mimpimo ya mavele.’ Kutani a ku ka yena ‘Teka papila ra wena, u tsala 80.’

Luka 20:35

kambe lava nyikiwaka ku vona swa minkarhi leyintshwa ni swa ku pfuka ka vafi, a va ha teki kumbe ku tekiwa;

Swivuriso 12:8

Munhu ú nkhensiwa hikwalaho ka mianakanyo ya yena leyinene, kasi munhu wa miehleketo yo gombonyoka, wa sandziwa.