Luka 16:28 - BIBELE Mahungu Lamanene

²⁸ hikuva ndzi ni vamakwerhu va ntlhanu. Ú ta ya va tsundzuxa, leswaku va nga tshuki va ta na vona exivandleni lexi xa ku xaniseka.’

Testamente Leyimpsha Xichangana

²⁸ hikuva ni ni vamakwerhu va ntlhanu. Ataya valaya, lesvaku vangatshuki vata na vona ndhawini leyi ya kuxaniseka.’

Xitsonga (Bibele)

²⁸ hikuva ndzi ni vamakwerhu va ntlhanu; u ta va khongotela leswaku va nga tshuki va ta na vona exivandleni lexi xa ku xaniseka.’

Luka 16:28 Referans Kwoze

Timhaka 20:23

ndzi tiva ntsena leswaku Moya lowo Kwetsima wa karhi wa ndzi tsundzuxa swinene emutini wun'wana ni wun'wana, leswaku ku khomiwa ni maxangu swi ndzi yimerile.

Timhaka 2:40

Petro a tiyisa vumbhoni bya yena hi marito man'wana layo tala, a va khongotela a ku: “Hambanani ni rixaka leri ro homboloka leswaku mi ta pona.”

1 Vatesalonika 4:6

Emhakeni leyi, ku nga vi na loyi a dyohelaka makwavo, kumbe ku n'wi dyelela, hikuva Hosi i murihiseli eswilweni leswi hinkwaswo, hilaha hi nga mi byela khale ni ku mi tsundzuxa swinene hakona.

Luka 16:27

“Kutani a ku: ‘Tatana, ndza ku khongela leswaku u rhuma Lazaro a ya emutini wa tatana,

Timhaka 8:25

Kuteloko vaapostola va hetile ku veka vumbhoni ni ku vula rito ra Hosi, va tlhelela eYerusalema va ri karhi va twarisa Evhangeli emitini leyo tala ya Vasamariya.

Timhaka 10:42

Kutani ú hi lerisile ku twarisa Evhangeli etikweni, ni ku tiyisa vumbhoni bya leswaku hi yena loyi a vekiweke hi Xikwembu ku va muavanyisi wa lava hanyaka ni lava feke.

Timhaka 18:5

Loko Silasi na Timotiya va tile va huma le Makedoniya, Pawulo a tinyiketa ku dyondzisa Rito ntsena, a nga ha tirhi swin'wana; a tiyisa eka Vayuda leswaku Mesiya, hi yena Yesu.

Timhaka 20:21

Ndzi tsundzuxile swinene Vayuda ni Vagriki ku hundzukela eka Xikwembu ni ku pfumela eka Hosi ya hina Yesu.

Timhaka 20:24

Hambiswiritano, ndzi vona leswaku ku lahlekeriwa hi vutomi, a swi na mhaka nikutsongo eka mina, loko ndzi nga kota ntsena ku heta leswi ndzi nga rhumiwa ku endla swona, ni ntirho lowu ndzi wu amukeleke eka Hosi Yesu, wa ku vula Mahungu Lamanene ya tintswalo ta Xikwembu.

Timhaka 23:11

Evusikwini lebyi tlhandlamaka, Hosi yi tikomba eka Pawulo, yi ku: “Tiyisa mbilu Pawulo, hikuva kukotisa leswi u humeseke vumbhoni lebyo tiya ehenhla ka mina kwala Yerusalema, swi fanele leswaku u humesa vumbhoni lebyo tano ni le Rhoma.”

Timhaka 26:22

Kambe ndzi pfuniwile hi Xikwembu ku fikela siku ra namuntlha, kutani sweswi ndzi yimile kwala ndzi ri karhi ndzi humesa vumbhoni eka lavatsongo ni ka lavakulu; a ndzi vuli timhaka tin'wana, loko ti nga ri leti Muxe ni Vaprofeta va nga vula leswaku ti ta humelela:

Timhaka 28:23

Va n'wi vekela siku, kutani va ta ka yena va telenyana, endlwini leyi a a tshama ka yona. Pawulo a va hlamusela ta Mfumo wa Xikwembu, a ti tiyisa hi vumbhoni bya yena; a ringeta ni ku va kombisa ta Yesu, hi ku hlaya eNawini wa Muxe, ni ka vaprofeta, a vulavula ku sukela nimixo ku ya fika nimadyambu.

Vagalatiya 5:3

Ndzi lava ku engeta ndzi tiyisa kambe, eka un'wana ni un'wana la pfumelaka ku yimbisiwa, leswaku ú fanela ku endla hinkwaswo leswi Nawu wu lerisaka swona.

Vaefesa 4:17

Hikokwalaho, ndzi vula leswi ni ku swi tiyisa hi vito ra Hosi, ndzi ri: Mi nga ha hanyi ku fana ni leswi vamatiko va hanyisaka xiswona, hi miehleketo ya vona leyi nga pfuniki nchumu.

1 Vatesalonika 2:11

Ma swi tiva leswaku hi hlayisile un'wana ni un'wana wa n'wina tanihi loko tatana a hlayisa vana va yena;