Luka 16:26 - BIBELE Mahungu Lamanene

²⁶ Ehandle ka leswi hinkwaswo, ku ni riwa lerikulu leri ahlameke exikarhi ka hina na n'wina, leswaku lava navelaka ku suka haleno, va ta kwaleyo ka n'wina, va nga swi koti; na vona lava nga kwaleyo ka n'wina, loko va navela ku ta haleno, va tsandzeka.’

Testamente Leyimpsha Xichangana

²⁶ Handle ka lesvi hinkwasvu, ku ni khele lerikulu rokala makumu, leriyahlameke xikarhi ka hina na n'wina, lesvaku lavanavelaka kusuka halenu, vata koseyo ka n'wina vangasvikoti; na vona lavanga koseyo ka n'wina loko vanavela kuta halenu, vatsandzeka.’

Xitsonga (Bibele)

²⁶ Ku hundzisa leswi hinkwaswo, riwa lerikulu ri kona exikarhi ka n'wina na hina, leswaku lava nga halenu, lava rhandzaka ku pelela eka n'wina, va tsandzeka, hambi va ri lava nga eka n'wina, loko va rhandza ku ta eka hina, va tsandzeka na vona.’

Luka 16:26 Referans Kwoze

Yohane 3:36

Loyi a pfumelaka eka N'wana, ú ni vutomi lebyi nga heriki; loyi a nga yingisiki N'wana, a nga ka a nga kumi vutomi, kambe vukari bya Xikwembu byi tshame henhla ka yena.

Pisalema 49:14

Va ta khayimeriwa exivandleni xa vafi kukota tinyimpfu, rifu ri va rona murisi wa vona; va ta rhelela esirheni, xiyimo xa vona xi ri karhi xi onhaka, va nga ha tshami etindlwini ta vuhosi.

Pisalema 50:22

N'wina mi ndzi rivaleke, yingisani leswi! Handle ka swona, ndzi ta mi handzulela, ku ri hava ni loyi a nga mi lamulelaka.

Nhlavutelo 20:10

Diyavulosi loyi a nga va xisetela a hoxiwa etiveni ra ndzilo ni xivavula, laha xivandzana ni muprofeta wa mavunwa va nga kona, kutani va ta xanisiwa vusiku ni nhlekanhi hilaha ku nga heriki.

Matewu 25:46

Kutani volavo va ta ya eku biweni loku nga heriki, kambe lavo lulama va ta ya evutomini lebyi nga heriki.”

Malakiya 3:18

Hikona mi nga ta vona ku hambana exikarhi ka lavo lulama ni lavo homboloka, ni le xikarhi ka lava va ndzi tirhelaka, ni lava va nga ndzi tirheliki mina Xikwembu.”

Luka 12:59

Ndzi ri ka wena, u nga ka u nga humi kona, loko u nga si humesa mali hinkwayo u heta.”

Ezekiele 28:24

Xikwembu xi ri: “Vamatiko hinkwavo lava akelaneke ni Vaisraele va ta tshika ku va sandza, a va nga ha va tlhavi kukota mitwa leyi nga hlomukiki kumbe mahlwehlwe. Hi kona Vaisraele va nga ta tiva leswaku HOSI N'wini wa hinkwaswo, hi mina!”

1 SAMIELE 25:36

Abigayele a muka, a kuma Nabala a ri eku dyeni ka nkhuvo lowukulu emutini wa yena; nkhuvo wa kona a wu fana ni wa tihosi. Nabala a a titsakerile swinene, hikuva a a pyopyiwile ngopfu. Hikokwalaho, Abigayele a nga kalanga a bula na yena kumbe ku n'wi byela xa nchumu ku kondza ri xa.

Nhlavutelo 22:11

Loyi a endlaka leswo biha a a ye emahlweni a endla leswo biha, wa thyaka a a ye emahlweni na rona, loyi a lulameke, a a ye emahlweni a endla leswo lulama, ni loyi a hlawulekeke a a ye emahlweni a hlawuleka.”

Luka 16:25

Kambe Abrahama a ku: ‘N'wananga, tsundzuka leswaku u kumile rifuwo evutomini bya wena, kasi Lazaro yena a a vaviseka enkarhini wolowo; kambe sweswi wa chaveleriwa haleno, kasi wena u twisiwa ku vaviseka.

Luka 16:27

“Kutani a ku: ‘Tatana, ndza ku khongela leswaku u rhuma Lazaro a ya emutini wa tatana,