Luka 16:24 - BIBELE Mahungu Lamanene

²⁴ Kutani a huwelela a ku: ‘Tatana Abrahama, ndzi twele vusiwana, u rhuma Lazaro leswaku a peta xintihwana xa yena ematini, a titimeta ririmi ra mina, hikuva ndzi vaviseka ngopfu emalangavini lawa!’

Testamente Leyimpsha Xichangana

²⁴ Kutani ahuwelela aku: ‘Tatana Abrahamu, nitwele vusiwana, rhuma Lazaru lesvaku apeta xintihwana xa yena matini, atitimeta ririmi ra mina, hikuva nivaviseka ngopfu malangavini lawa!’

Xitsonga (Bibele)

²⁴ Kutani a huwelela, a ku: ‘Tatana Abrahama, ndzi twele vusiwana, u rhuma Lazaro leswaku a peta xintihwana xa yena ematini, a ndzi tsakamisa ririmi, hikuva malangavi lawa ma ndzi vavisa ku tlurisa.’

Luka 16:24 Referans Kwoze

Nhlavutelo 22:1

Kutani ntsumi yi ndzi komba nambu wa mati ya vutomi lowu vangamaka ku fana ni “kristala”, wu khuluka wu huma exiluvelweni xa Xikwembu ni xa Xinyimpfana.

Yohane 4:10

Yesu a n'wi hlamula, a ku: “Loko onge u tivile leswi Xikwembu xi nyikaka swona, ni loyi a vulavulaka na wena a ku: ‘Ndzi nyike mati ndzi nwa’, a wu ta va u komberile eka yena, kutani a a ta va a ku nyikile mati lama hanyaka.”

Yohane 4:14

Kambe un'wana ni un'wana la nwaka mati lawa ndzi nga ta n'wi nyika wona, a nga ka a nga ha tlheli a twa torha ni siku ni rin'we; kambe mati lawa ndzi nga ta n'wi nyika wona, ma ta va eka yena xihlovo xa mati lama pfelelaka, ku yisa evutomini lebyi nga heriki.”

Matewu 25:41

“Kutani Hosi yi ta byela lava nge vokweni ra yona ra ximatsi yi ku: ‘Sukani ka mina, n'wina lava rhukaniweke hi Xikwembu; yanani endzilweni lowu nga timekiki, lowu lunghiseriweke Diyavulosi ni tintsumi ta yena;

Nhlavutelo 20:15

Loko vito ra munhu ri nga kumiwi ri tsariwile ebukwini ya vutomi, munhu yoloyi a hoxiwa etiveni ra ndzilo.

Yakobo 3:6

Ririmi i ndzilo, ku homboloka ka rona ku ringana ni tiko hi vukulu. Ri le xikarhi ka swirho swa hina, kutani ri nyamisa miri hinkwawo, ri chela mpfundze evutomini hinkwabyo bya vanhu; ndzilo wa kona wu huma eTiheleni.

Luka 16:30

Mufuwi a ku: ‘Ee, tatana Abrahama, kambe loko un'wana wa lava feke a tlhelela eka vona, a va ta hundzuka.’

Luka 3:8

Vekani mihandzu leyi fambelanaka ni ku hundzuka ka n'wina! Mi nga anakanyi mi ku, mi na Abrahama, yena tata wa n'wina, hikuva ndzi ri ka n'wina: Xikwembu xi nga pfuxela Abrahama evana hi maribye lawa.

Yakobo 2:13

Hakunene muavanyisi a nga ka a nga tsetseleri munhu loyi a nga tsetselelangiki van'wana; kasi loyi a tsetselelaka van'wana wa khana esikwini ra ku avanyisa.

Zakariya 14:12

Vanhu va matiko hinkwawo lama lwaka na Yerusalema, HOSI Xikwembu xi ta va ba hi ntungu: Va ta bola va karhi va hanya; hambi ma ri mahlo ni tindzimi ta vona swi ta bola.

Esaya 66:24

“Va ta huma va ya vona mintsumbu ya vanhu lava va ndzi hundzukeleke. Swivungu leswi swi yi dyaka a swi nga fi, hambi wu ri ndzilo lowu wu nga ta yi hisa a wu nga timeki, kutani mintsumbu leyi yi ta hlambisa timbilu ta vanhu hinkwavo.”

Esaya 27:11

Loko marhavi ya kona ma ta va ma omile, ma ta tshoveka ma wa, kutani vavasati va ta tshivela ndzilo ha wona. Vanhu lava a va twisisi, hikokwalaho muendli wa vona a nge va tweli vusiwana, a nga ka a nga va tsetseleli, muvumbi wa vona.

Nhlavutelo 19:20

Xivandzana xi khomiwa, ku khomiwa ni muprofeta wa mavunwa loyi a a endla masingita emahlweni ka xona (hi masingita lawa, a a xisa lava a va ri ni mfungho wa xivandzana ni lava a va gandzela xifaniso xa xona). Kutani xivandzana ni muprofeta wa mavunwa va hoxiwa swin'we va ha hanya etiveni ra ndzilo lowu pfurhaka wu ri ni xivavula.

2 Vatesalonika 1:8

emalangavini ya ndzilo. Xi ta ba lava va nga xi tiviki, va nga lava nga yingisiki Evhangeli ya Hosi ya hina Yesu.

Varhoma 4:12

Naswona i tatana eka lavo yimba, ku nga ri ntsena hileswi va nga yimba, kambe hileswi va fambaka endleleni ya ku pfumela, leyi tata wa hina Abrahama a nga famba ha yona, ni loko a nga si yimba.

Yohane 7:37

Hi siku ro hetelela ra nkhuvo, ri nga lerikulu, Yesu a suka a yima, kutani a tlakusa rito a ku: “Loko munhu a ri ni torha, a a te ka mina a ta nwa.

Matewu 5:22

Kambe mina ndzi ri ka n'wina: Un'wana ni un'wana la hlundzukelaka makwavo, ú ta fanela ku avanyisiwa; loyi a nge ka makwavo: ‘U xiphukuphuku!’ ú fanele ku yisiwa eka muavanyisi; la nge ka yena: ‘Xihunguki ndziwena!’ ú fanele hi ndzilo wa Tihele.

Matewu 3:9

Naswona mi nga anakanyi, mi ku: ‘Hi na Abrahama, a nga yena tata wa hina.’ Hikuva ndza mi byela leswaku Xikwembu xi nga pfuxela Abrahama evana hi maribye lawa.

1 SAMIELE 28:16

Samiele a ku: “Leswi HOSI Xikwembu xi ku tshikeke, ni leswi xi hundzukeke nala wa wena, xana u ndzi vutisela yini timhaka leti xana?

Luka 19:9

Endzhaku ka sweswo, Yesu a ku: “Namuntlha ku ponisiwa ku nghenile emutini lowu, hileswi munhu loyi na yena a nga n'wana Abrahama,

Ntirho 20:21

Loko a dya, a nga siyeli mundzuku, rifuwo ra yena ri ta hatla ri dzudzeka.