Luka 16:23 - BIBELE Mahungu Lamanene

²³ “Loko a ri exivandleni xa vafi, a ri karhi a xaniseka, a tlakusa mahlo, a vona Abrahama hi le kule, na Lazaro exifuveni xa yena.

Testamente Leyimpsha Xichangana

²³ “Loko ali hadesi, ali karhi axaniseka, atlakusa mahlo, avona Abrahamu hi le kule, na Lazaru xifuveni xa yena.

Xitsonga (Bibele)

²³ Kakuloko a ri exivandleni xa vafi, a tshama eku vavisekeni, a tlakusa mahlo a ri ekule, a vona Abrahama; Lazaro yena a ri exifuveni xa yena.

Luka 16:23 Referans Kwoze

2 Petro 2:4

Xikwembu a xi tsetselelanga tintsumi loko ti dyohile, kambe xi ti cukumetile eTiheleni, ni ku ti nghenisa emakorhweni ya xivandla xa vafi, laha ti pfaleriwaka kona ku fikela siku ra ku avanyisa;

Luka 16:28

hikuva ndzi ni vamakwerhu va ntlhanu. Ú ta ya va tsundzuxa, leswaku va nga tshuki va ta na vona exivandleni lexi xa ku xaniseka.’

Matewu 23:33

N'wina tinyoka, vana va timhiri, xana mi ta ponisa ku yini ku avanyiseriwa Tihele xana?

Matewu 18:9

Ni loko tihlo ra wena ri ku khunguvanyisa, ri xokole, u ri cukumeta kule na wena; hikuva swi nga antswa ku nghena evutomini u ri ni tihlo rin'we, ku ri ni ku hoxiwa endzilweni wa Tihele u ri ni mahlo mambirhi.

Pisalema 9:17

Lavo homboloka va kongoma exivandleni xa vafi, va nga vamatiko hinkwavo lava nga riki na mhaka na Xikwembu.

Nhlavutelo 20:10

Diyavulosi loyi a nga va xisetela a hoxiwa etiveni ra ndzilo ni xivavula, laha xivandzana ni muprofeta wa mavunwa va nga kona, kutani va ta xanisiwa vusiku ni nhlekanhi hilaha ku nga heriki.

Luka 8:28

Loko a vona Yesu, a huwelela, a tiwisela hansi emahlweni ka yena, a tlakusa rito a ku: “Mhaka ya mina na wena hi yihi ke, wena Yesu N'wana wa Xikwembu xa le henhla-henhla? Ndza ku khongela, u nga ndzi xanisi.”

Matewu 5:29

Hikokwalaho loko tihlo ra wena ra xinene ri ku dyohisa, ri xokole, u ri cukumeta kule na wena; hikuva swi nga antswa loko xirho xin'we xa wena xi lova, miri wa wena hinkwawo wu nga hoxiwi eTiheleni.

Matewu 5:22

Kambe mina ndzi ri ka n'wina: Un'wana ni un'wana la hlundzukelaka makwavo, ú ta fanela ku avanyisiwa; loyi a nge ka makwavo: ‘U xiphukuphuku!’ ú fanele ku yisiwa eka muavanyisi; la nge ka yena: ‘Xihunguki ndziwena!’ ú fanele hi ndzilo wa Tihele.

Esaya 14:15

“Kambe u yisiwile hansi exivandleni xa vafi, u ya fika laha khele ri helelaka kona.

Esaya 14:9

“Xivandla xa vafi xi tiyimisele ku ku amukela, xi ta pfuxa hinkwavo lava nga ka xona; varhangeri hinkwavo va misava, ti nga tona tihosi hinkwato, va ta tlakuka eswiluvelweni swa vona, va ku xeweta;

1 Vakorinto 15:55

“Wena rifu, ku hlula ka wena ku kwihi ke? Wena rifu, ndzhombo wa wena wu kwihi ke?”

Matewu 11:23

“Na wena Kapernawume: “ ‘Xana u ta tlakusiwa ku ya fika etilweni ke? E-e! U ta tsongahatiwa ku fikela eTiheleni.’ “Hakunene, mahlori lama endliweke eka wena, loko onge ma endliwile eSodoma, ingi muti lowu ni namuntlha wa ha ri kona.

Matewu 8:29

Kutani va huwelela, va ku: “Mhaka ya wena na hina hi yihi ke, wena N'wana wa Xikwembu? Xana u tele ku ta hi xanisa nkarhi wu nga si fika ke?”

Swivuriso 15:24

Ndlela leyi munhu wo tlhariha a yi khomeke, yi tlhandlukela evutomini, leswaku a ta ka a nga rheleli exivandleni xa vafi.

Swivuriso 9:18

Vanhu a va swi tivi leswaku ka fiwa emutini wa wansati loyi, lava va n'wi endzeleke, va le xivandleni xa vafi.

Swivuriso 7:27

Yindlu ya yena i ndlela yo ya exivandleni xa vafi, yi rhelela yi kongoma etindlwini ta rifu.

Swivuriso 5:5

Minkondzo ya yena ya dlayisa, mahanyelo ya yena ma yisa exivandleni xa vafi.

Pisalema 86:13

hikuva u ndzi kombile rirhandzu lerikulu, u ndzi kutsurile u ndzi humesa exivandleni xa vafi.

Pisalema 49:15

Kambe mina, Xikwembu xi ta ndzi kutsula ematimbeni ya xivandla xa vafi, hakunene xi ta ndzi amukela.

Pisalema 16:10

We HOSI, a wu nga ndzi nyiketi exivandleni xa vafi, a wu nga ndzi yisi enon'weni wa sirha, mina ndzi ku khongelaka.

Luka 16:24

Kutani a huwelela a ku: ‘Tatana Abrahama, ndzi twele vusiwana, u rhuma Lazaro leswaku a peta xintihwana xa yena ematini, a titimeta ririmi ra mina, hikuva ndzi vaviseka ngopfu emalangavini lawa!’