Luka 16:17 - BIBELE Mahungu Lamanene

¹⁷ “Tilo ni misava swi nga nyamalala hi ku olova, ku ri na ku susa xirhatana xin'we ntsena eNawini.

Testamente Leyimpsha Xichangana

¹⁷ “Tilo ni misava svinganyamalala hi kuvevuka, kutlula kususa xindzhatana xin'we ntsena Nawini.

Xitsonga (Bibele)

¹⁷ “Swi nga olova loko tilo ni misava swi hundza, ku tlurisa loko rito ra nawu, hambi ri ri rin'we, ri nga wela ehansi.

Luka 16:17 Referans Kwoze

Matewu 5:18

Ndzi tiyisile ndzi ri ka n'wina: Tilo ni misava swi nga si nyamalala, xihikwana kumbe xirhatana, hambi xi ri xin'we, xi nga ka xi nga susiwi eNawini, ku kondza loko swilo hinkwaswo swi ta va swi hetisekile.

Luka 21:33

Tilo ni misava swi ta hundza, kambe marito ya mina ma nga ka ma nga hundzi.

1 Petro 1:25

kambe Rito ra Hosi ri tshama hilaha ku nga heriki.” Rito rero i Mahungu Lamanene lawa mi dyondzisiweke wona.

Esaya 40:8

Byanyi bya oma, ni swiluva swa vuna, kambe rito ra Xikwembu xa hina ri ta va ni matimba hilaha ku nga heriki!”

Varhoma 3:31

Loko swi ri tano, xana hi dlaya Nawu hi mhaka ya ku pfumela xana? Nikutsongo! Kambe hi tiyisa Nawu.

Esaya 51:6

Tlakusani mahlo mi languta etilweni, langutani ni le hansi emisaveni: Matilo ma ta nyamalala kukotisa musi, na yona misava yi ta hlakala ku fana ni xiambalo, lava akeke ka yona va ta fa kukota tinhongana; kambe mina ndzi ta va muponisi hilaha ku nga heriki, matimba ya mina yo lwela vanhu ma nga ka ma nga heli.

Nhlavutelo 21:4

Xi ta sula mihloti hinkwayo emahlweni ya vona, ni rifu a ri nga ha vi kona; hambi ya ri mahlomulo kumbe ku rila kumbe ku vaviseka a swi nga ha vi kona, hikuva leswo sungula swi hundzile.”

Nhlavutelo 21:1

Kutani ndzi vona tilo lerintshwa ni misava leyintshwa, hikuva tilo lero sungula ni misava leyo sungula a swi hundzile, ni lwandle a ri nga ha ri kona.

Nhlavutelo 20:11

Kutani ndzi vona xiluvelo lexikulu xo basa, na yena loyi a tshameke ehenhla ka xona; loko tilo ni misava swi n'wi vona, swi baleka swi ya kule, kutani ndhawu ya swona a ya ha vanga kona.

2 Petro 3:10

Kambe siku ra Hosi ri ta ta tanihi khamba, kutani matilo ma ta hundza hi huwa leyikulu; hinkwaswo swa ntumbuluko swi ta tshwa hi ndzilo swi hela, kutani misava ni mintirho leyi nga ka yona swi ta hisiwa.