Luka 16:15 - BIBELE Mahungu Lamanene

¹⁵ Yena a ku ka vona: “Loko mi ri n'wina, mi tiendla lava lulameke emahlweni ka vanhu; kambe Xikwembu xi tiva timbilu ta n'wina; hikuva leswi vanhu va swi tekaka swi ri swa le henhla, emahlweni ka Xikwembu a hi nchumu.

Testamente Leyimpsha Xichangana

¹⁵ Yena aku ka vona: “Loko mili n'wina, mitiyendla lavalulameke mahlweni ka vanhu; kambe Xikwembu xitiva timbilu ta n'wina; hikuva lesvi vanhu vasvitekaka svili sva le henhla, mahlweni ka Xikwembu ahi nchumu.

Xitsonga (Bibele)

¹⁵ Yena a ku eka vona: “Loko mi ri n'wina, mi tiendla lava lulameke emahlweni ka vanhu; kambe Xikwembu xi tiva timbilu ta n'wina; hikuva leswi tlakukeke emahlweni ka vanhu, i manyala emahlweni ka Xikwembu.

Luka 16:15 Referans Kwoze

1 SAMIELE 16:7

Kambe HOSI Xikwembu xi ku ka yena: “U nga languti ku saseka ka yena kumbe ku leha ka xiyimo xa yena, hikuva a ndzi n'wi hlawulanga. Mina HOSI, a ndzi yi hi leswi vanhu va vonaka swona; vanhu va languta nghohe, kambe mina HOSI ndzi languta mbilu.”

Swivuriso 21:2

Hinkwaswo leswi munhu a swi endlaka, ú swi vona swi lulamile, kambe HOSI Xikwembu xi kambela mbilu ya yena.

1 Vakorinto 4:5

Hikokwalaho mi nga avanyiseli nchumu makumu, nkarhi wu nga si fika. Yimelani Hosi yi ko yi vuya; hi yona leyi nga ta humesela erivaleni swilo swa munyama leswi fihliweke, ni ku paluxa makungu ya timbilu ta vanhu; kutani hi kona un'wana ni un'wana a nga ta kuma ku dzunisiwa ka yena loku humaka eka Xikwembu.

Yeremiya 17:10

loko ku nga ri hi mina HOSI, hikuva ndzi kambisisa miehleketo, ndzi ringeta ni timbilu ta vanhu, kutani ndzi hakela un'wana ni un'wana hi ku ya hi mahanyelo ya yena ni leswi a swi endlaka.”

Swivuriso 16:5

HOSI Xikwembu xi nyenya un'wana ni un'wana loyi a tikurisaka, munhu wo tano a nge poni, ú ta biwa hakunene.

Timhaka 15:8

Kutani Xikwembu lexi tivaka timbilu ta vanhu, xi kombile leswaku va amukeleka eka xona hi ku va nyika Moya lowo Kwetsima kukotisa hina;

1 Petro 3:4

Ku tibombisa ka n'wina, a ku ve ka vumunhu bya n'wina lebyi nge xihundleni xa mbilu; a ku ve ka moya lowu nga onhakiki wa ku olova ni ku rhula, lowu nga ni nkoka lowukulu emahlweni ka Xikwembu.

Luka 11:39

Kutani Hosi yi ku ka yena: “N'wina Vafarisi, mi hlantswa ndzheko ni nkambana ehandle, kasi endzeni mi tele makwanga ni lunya.

1 TIKRONIKA 29:17

Ndza swi tiva leswaku wena Xikwembu xanga, u kambela mbilu ya munhu, u lava leswaku a hanya hi ndlela leyi lulameke. Mina ndzi humesile tinyiko hi mbilu yo basa, kutani vanhu lava yimeke emahlweni ka wena va ndzi tsakisile loko na vona va ku humesela tinyiko va tsakile.

Luka 10:29

Kambe yena, hi ku navela ku tiendla la lulameke, a ku ka Yesu: “Munhu-kulorhi i mani xana?”

Nhlavutelo 2:23

Ndzi ta dlaya vana va yena, kutani tikereke hinkwato ti ta tiva leswaku hi mina loyi a kambisisaka mianakanyo ni timbilu. Kutani ndzi ta avanyisa un'wana ni un'wana wa n'wina hi ku ya hi mintirho ya n'wina.

1 Petro 5:5

Swi tano na n'wina lavantshwa: Titsongahateni eka lavakulu. Hinkwenu ambalani ku titsongahata, mi tiveka ehansi, van'wana eka van'wana, hikuva va khale va te: “Xikwembu xi alela lava tikurisaka, kambe xi tsetselela lava titsongahataka.”

Varhoma 3:20

Hikuva a ku na munhu ni un'we loyi a nga ta hlayiwa la lulameke emahlweni ka xona hi mhaka ya leswi a nga endla hi ku lerisa ka Nawu; ntiyiso wa kona hileswaku Nawu wu komba lexi ku dyoha ku nga xona.

Yohane 2:25

naswona a swi nga kali swi fanela leswaku a byeriwa ta munhu hi munhu un'wana, hikuva a a tiva leswi nge mbilwini ya munhu.

Matewu 23:5

Mintirho ya vona hinkwayo, va yi tirha leswaku va ta voniwa hi vanhu; hikuva va kurisa swibokisana swa vona leswi nga ni tindzimana endzeni, va lehisa ni makumu ya tinguvu ta vona;

Luka 18:21

Yena a ku: “Ndzi hlayisile hinkwaswo leswi ku sukela evuntshweni bya mina.”

Swivuriso 20:6

Va tele vanhu lava tivulaka lavo tshembeka, kambe loyi hakunene a tshembekeke, wa kala swinene.

Luka 18:11

Mufarisi a yima, a khongerisa leswi embilwini ya yena, a ku: ‘Xikwembu, ndza ku nkhensa leswi ndzi nga faniki ni vanhu van'wana, lava nga ni makwanga, lava nga tshembekangiki, lava oswaka, ni leswi ndzi nga faniki ni muluvisi loyi.

Pisalema 7:9

Herisa ku biha ka lavo homboloka, u tiyisa lavo lulama, hikuva u Xikwembu xo lulama, wena u kambelaka timbilu ni miehleketo.

2 TIKRONIKA 6:30

va yingise, wena HOSI, u ri evutshan'wini bya wena ematilweni, u va rivalela, u tlherisela un'wana ni un'wana wa vona hi ku ya hi mahanyelo ya yena ni makungu ya mbilu ya yena, hikuva hi wena ntsena u tivaka timbilu ta vanhu.

Timhaka 1:18

(Yudasi a a tixavele nsimu hi mali leyi a a yi kumile hi ndlela yo homboloka; kutani ú yile a ya wa hi nhloko ensin'wini ya kona, a handzuka hi le xikarhi, marhumbu ya yena ma huma hinkwawo.

Luka 20:47

Hi vona va dyelelaka tinoni ni mindyangu ya tona, va endla ni swikhongelo leswo leha leswaku va ta voniwa. Va ta avanyisiwa hi ku avanyisa loku tlurisaka!”

Luka 20:20

Hiloko va xiya nkarhi lowunene, kutani va rhuma tinhlori leti ti tiendlaka vanhu lavo lulama, leswaku ti ta n'wi phasa hi marito ya yena, kutani ti n'wi nyiketa emavokweni ya muyimeri wa vuhosi.

Matewu 6:16

“Loko mi titsona swakudya, mi nga khanyanisi mimombo ku fana ni vakanganyisi lava tionhaka tinghohe, va ku va ta voniwa hi vanhu leswaku va le ku titsoneni ka swakudya. Ndzi tiyisile ndzi ri ka n'wina: Hakelo ya vona va yi kumile.

Matewu 6:5

“Naswona loko mi khongela, mi nga fani ni vakanganyisi; hikuva vona va rhandza ku khongela va yimile emasinagogeni ne mahlanganeni ya tindlela, leswaku va ta voniwa hi vanhu. Ndzi tiyisile ndzi ri ka n'wina: Hakelo ya vona va yi kumile.

Matewu 6:2

“Hikokwalaho ke, loko u nyika swisiwana, u nga tidzunisi ha swona kukotisa leswi vakanganyisi va swi endlaka emasinagogeni ne tindleleni, leswaku va ta dzunisiwa hi vanhu. Ndzi tiyisile ndzi ri ka n'wina: Hakelo ya vona va yi kumile.

Malakiya 3:15

Hina hi vona leswi: Lava tikurisaka, hi vona va katekaka, lavo biha va humelela; hambiloko va ringa Xikwembu, xona a xi va bi!’ ”

Pisalema 49:18

Munhu loko a ha hanya, ú titwa a katekile, vanhu van'wana va n'wi dzunisa loko a humelela,

Pisalema 49:13

Leyi hi yona ndlela ya lavo titshemba ngopfu, lava tsakelaka rifuwo ra vona va ta herisa sweswo.

Yohane 21:17

A engeta ra vunharhu a ku ka yena: “Simoni, n'wana Yohane, xana wa ndzi rhandza xana?” Petro a khomiwa hi gome, hi mhaka ya leswi a n'wi vutiseke ra vunharhu a ku: “Xana wa ndzi rhandza xana?” Kutani a ku ka yena: “Hosi, u tiva hinkwaswo, wa swi tiva leswaku ndza ku rhandza.” Yesu a ku ka Petro: “Risa tinyimpfu ta mina.

Pisalema 10:3

Munhu lowo homboloka ú tibumabuma hi ku navela ka yena loku biheke, a nga kolwi ku bindzula, a rhuketela ni ku sandza HOSI.

Luka 18:9

Yesu a tlhela a vulavula na van'wana lava titshembaka leswaku va lulamile kasi va sandza van'wana, a va byela xifaniso lexi a ku:

Luka 18:14

“Ndzi ri eka n'wina: Muluvisi loyi ú tlhelele ekaya ka yena a hlayiwile la lulameke ku tlula Mufarisi; hikuva un'wana ni un'wana la tikurisaka, ú ta tsongahatiwa, ni la titsongahataka ú ta kurisiwa.”

Timhaka 1:24

Kutani va khongela, va ku: “Hosi, wena la tivaka timbilu ta vanhu hinkwavo, kombisa loyi u n'wi hlawuleke eka lavambirhi lava,

Varhoma 8:27

Kutani Xikwembu lexi kambaka swa timbilu, xi tiva leswi Moya wu swi anakanyaka; xi tiva leswaku Moya wu khongelela vahlawuriwa va xona hi ku ya hi ku rhandza ka xona.