Luka 16:14 - BIBELE Mahungu Lamanene

¹⁴ Vafarisi, va nga vanhu va makwanga ni mali, a va twa timhaka teto hinkwato, kutani va n'wi sola.

Testamente Leyimpsha Xichangana

¹⁴ Vafarisi, vanga vanhu va makwanga ni male, avatwa timhaka toleto hinkwatu, kutani vamusola.

Xitsonga (Bibele)

¹⁴ Vafarisi lava nga ni makwanga, a va yingisa timhaka teto hinkwato, kutani va n'wi tsan'wa.

Luka 16:14 Referans Kwoze

Luka 23:35

Vanhu a va yimile kwalaho, va ri karhi va languta; na vona vakulukumba a va n'wi hlekula, va ku: “Munhu loyi ú ponisile van'wana; a a tiponise, loko a ri Mesiya, Muhlawuriwa wa Xikwembu!”

Luka 20:47

Hi vona va dyelelaka tinoni ni mindyangu ya tona, va endla ni swikhongelo leswo leha leswaku va ta voniwa. Va ta avanyisiwa hi ku avanyisa loku tlurisaka!”

Luka 12:15

Kutani a ku ka vona: “Tlharihani mi tivonela eka makwanga wahi ni wahi, hikuva vutomi bya munhu a byi humi eka swilo leswi a swi fuweke hambiloko swi n'wi talele ngopfu.”

Yeremiya 8:10

“Ndzi ta nyiketa vasati va vona eka vanhu van'wana, masimu ya vona ma ta nyiketiwa eka lava va va hlaselaka. Hinkwavo va lava ngopfu mali, ku sukela eka lavatsongo ku ya fika eka lavakulu. Vaprofeta ni vaprista hinkwavo va hanya hi vukanganyisi.

Yeremiya 6:13

Hinkwavo va lava ngopfu mali, ku sukela eka lavatsongo ku ya fika eka lavakulu. Vaprofeta ni vaprista hinkwavo va hanya hi vukanganyisi.

Esaya 56:11

Varhangeri lava va fana ni timbyana to rhandza ngopfu swakudya, a va xurhi! I varisi lava nga ehleketiki, hinkwavo va endla leswi va tsakelaka swona, un'wana ni un'wana ú tirha leswi swi nga ta vuyerisa yena ntsena.

Vaheveru 11:36

Van'wana va xanisiwile hi ku hlekuriwa ni ku biwa, hambi ku ri ku bohiwa hi tinketani, va hoxiwa ekhotsweni.

2 Timotiya 3:2

Hikuva vanhu va ta va lava tirhandzaka, va ta va lava rhandzaka mali ngopfu, ni ku tikurisa, ni ku titiva, ni ku rhukana; va ta va lava nga yingisiki vatswari va vona, lava nga riki na ku nkhensa, lava nga khongeriki;

Luka 8:53

Kutani va n'wi hleka, hi ku tiva leswaku n'wana ú file.

Matewu 23:13

“Mi ni khombo n'wina vatsari ni Vafarisi, hikuva mi vakanganyisi: Mi alela vanhu ku nghena eMfun'weni wa matilo. N'wina a mi ngheni eka wona, naswona lava ringetaka ku nghena ma va sivela. [

Ezekiele 33:31

Va khitikana va ta eka wena, va tshama emahlweni ka wena, vanhu lava va mina. Leswi u swi vulaka, va swi twa kambe a va endli. Hi milomo va ri, va ndzi rhandza ngopfu mina Xikwembu, kambe etimbilwini va anakanya ntsena ku tikumela swa vona.

Esaya 53:3

Vanhu a va n'wi langutela hansi, va nga n'wi amukeli. A a ri munhu wa mahlomulo, loyi a kombiwaka maxangu; vanhu a va nga lavi na ku n'wi vona, kutani hina a hi n'wi sola, hi nga ri na mhaka na yena.

Pisalema 119:51

Vasandzi va ndzi hlekula ku tlula mpimo, kambe a ndzi hambani ni nawu wa wena.

Matewu 9:24

a ku ka vona: “Sukani, hikuva wanhwanyana a nga fanga, ú lo etlela.” Kutani va n'wi hleka.