Luka 15:28 - BIBELE Mahungu Lamanene

²⁸ Kambe n'wana lonkulu a kariha, a ala ku nghena. “Tata wa yena a huma, a ya n'wi khongotela.

Testamente Leyimpsha Xichangana

²⁸ Kambe n'wana lwenkulu akariha, ayala kunghena. “Tatana wa yena ahuma, ayamukhongotela.

Xitsonga (Bibele)

²⁸ Kambe a kariha, a ala ku nghena. Tata wa yena a huma a n'wi khongotela leswaku a nghena.

Luka 15:28 Referans Kwoze

Yonasi 4:9

Kambe Xikwembu xi n'wi vutisa xi ku: “Xana u vona swi lulamile ku hlundzukisiwa hi mhaka ya ximudyana xana?” “Ina, ndzi vona swi lulamile ku hlundzuka”, ku hlamula Yonasi, “ni ku fa ndzi nga fa!”

1 SAMIELE 18:8

Sawulo a hlundzuka swinene, a nga tsakeli risimu leri ni kutsongo, kutani a ku: “Davhida va n'wi hlayela magidi-gidi ya ntsandza-vahlayi, kasi mina, va ndzi hlayela magidinyana ntsena. Ka ha sele yini? Ku lo sala ntsena leswaku va n'wi veka hosi!”

Luka 15:2

Kambe Vafarisi ni vatsari va n'unun'uta va ku: “Munhu loyi ú amukela vadyohi, ú dya na vona.”

Luka 7:39

Loko Mufarisi la nga rhamba Yesu a swi vona, a vilela embilwini ya yena a ku: “Loko munhu loyi a a ri muprofeta, a a ta va a tivile leswaku wansati loyi a n'wi khumbaka i mani, ni leswaku i munhu muni, hikuva i mudyohi.”

Esaya 66:5

N'wina mi xiximaka milawu ya HOSI Xikwembu, twanani leswi xi vulaka swona; xi ri: “Vamakwenu va mi venga, va mi hlongola hi mhaka ya leswi mi ndzi tshembaka, va mi hlekula, va ku: ‘HOSI Xikwembu a xi mi kombe ku dzuneka ka xona, hi ta vona ku tsaka ka n'wina!’ Kambe vanhu volavo, hi vona va nga ta va ni tingana.”

Esaya 65:5

Va byela van'wana va ku: ‘Tshamani kwaleyo, mi nga tshineli kusuhi na hina mi hi khumba, hikuva hi hlawulekile ngopfu!’ Leswi vanhu lava va swi endlaka i ndzilo lowu pfurhaka siku hinkwaro, musi wu nghena etinhompfini ta mina.

Timhaka 14:2

Kambe Vayuda lava nga pfumelangiki va hlohlotela vamatiko, va onha timbilu ta vona ku va lwisa ni vamakwavo eHosini.

Timhaka 13:45

Kambe loko Vayuda va vona mintshungu, va tala mavondzo, kutani va kaneta ni ku sandza leswi vuriwaka hi Pawulo.

Luka 24:47

Kutani, hi vito ra yena, timhaka ta ku hundzuka ni ta ku rivaleriwa swidyoho ti ta twarisiwa ematikweni hinkwawo, ku sungula hi le Yerusalema.’

Luka 13:34

“Yerusalema, Yerusalema, wena la dlayaka vaprofeta, la khandlaka hi maribye lava rhumiweke eka wena; kangani ndzi naverile ku hlengeleta vana va wena, kukotisa huku loko yi hlengeleta swiciwana swa yona ehansi ka timpapa ta yona, kambe a wu swi lavanga.

Luka 5:30

Vafarisi ni vatsari va ntlawa wa vona va n'unun'uta va ku ka vadyondzisiwa va yena: “Xana mi dyela yini ni valuvisi ni vadyohi, mi nwela yini na vona ke?”

Matewu 20:11

loko va yi kumile, va dzumadzumela n'wini wa muti,

1 SAMIELE 17:28

Loko Eliyabu a twa ndzisana ya yena Davhida a ri karhi a vutisa vanhu lava, a n'wi karihela swinene, a ku: “U tele yini haleno xana? Ntlhambinyana lowa tinyimpfu wu sele na mani le nhoveni xana? Ndza ku tiva, u na xikulela wena, ni makungu ya wena layo biha ndza ma tiva: Wena u lo tela ku ta vona nyimpi haleno ntsena!”

1 Vatesalonika 2:16

Va ringetile ni ku hi sivela ku dyondzisa vamatiko emahungu lawa a ma ta va ponisa, kutani hi mukhuva lowu va kurisile nandzu wa swidyoho swa vona masiku hinkwawo; kambe sweswi, eku heteleleni, vukari bya Xikwembu byi va wele henhla.

2 Vakorinto 5:20

Hikokwalaho, hi vayimeri va Kriste; Xikwembu hi xoxe xa mi khongotela ha hina; ha mi khongotela hi matimba hikwalaho ka Kriste, hi ri:

Varhoma 10:19

Kambe ndzi engeta ndzi vutisa: Xana Vaisraele va nga va va nga swi tivanga ke? Ku rhanga Muxe a hlamula a ku: “Ndzi ta endla leswaku mi va ni mavondzo eka tiko leri nga riki nchumu; ndzi ta endla leswaku mi va ni vukari eka tiko leri nga riki na ku twisisa.”

Timhaka 14:19

Kavaloko ku fika Vayuda lava humaka eAntiyoka ni le Ikoniya, va kucetela mintshungu, va khandla Pawulo hi maribye, kutani va n'wi kokela ehandle ka muti, va anakanya leswaku ú file.

Timhaka 13:50

Kambe Vayuda va hlohlotela vavasati lavo chaviseka va vukhongeri, ni vakulukumba va muti; va sungula ku xanisa Pawulo na Barnaba, kutani va va hlongola etikweni ra vona.

Marka 1:40

Munhu un'wana wa nhlokonho a ta ka yena, a nkhinsama emahlweni ka yena, a n'wi khongela a ku: “Loko u swi rhandza, u nga ndzi basisa.”

Luka 15:27

Yoloye a n'wi hlamula a ku: ‘Makwenu ú vuyile, kutani tata wa wena ú tlhavile rhole leri noneke, hikuva ú n'wi kumile a ha hanya.’

Luka 15:29

Yena a hlamula a ku ka tata wa yena: ‘Vona, ndzi ku tirherile malembe layo tala ngopfu, ndzi nga tluri na xin'we xa swileriso swa wena, kambe ku hava ni siku ni rin'we leri u tshamaka u ndzi nyika ximbutana leswaku ndzi tsaka ni vanghana va mina.

Yeremiya 35:16

Vana va Yonadabu wa Rekabi va hlayisile swileriso swa tata wa vona, kasi vanhu va mina lava, vona a va yingisi.