Luka 15:17 - BIBELE Mahungu Lamanene

¹⁷ “Hiloko a tiehleketa, a ku: ‘Malandza layo tala ngopfu ma kona eka tatana, lama dyaka ma xurha; kasi mina haleno ndza fa hi ndlala.

Testamente Leyimpsha Xichangana

¹⁷ “Hi loko atiyehleketa, aku: ‘Svitirhi lesvotala ngopfu sviko na ka tatana, lesvijaka svixurha; kasi mina halenu nafa hi ndlala.

Xitsonga (Bibele)

¹⁷ Ku va laha a tiehleketaka, a ku: ‘Malandza layo tala swonghasi ma kona eka tatana, ma ni vuswa lebyo tala; kasi mina halenu, ndza fa hi ndlala.

Luka 15:17 Referans Kwoze

Ezekiele 18:28

Leswi a nga tikamba, kutani a hambana ni mintirho ya yena hinkwayo leyo homboloka, hakunene ú ta kuma ku hanya, a nga ka a nga fi.

Vaefesa 5:14

hikuva xin'wana ni xin'wana lexi kombiwaka leswi xi nga xiswona, xi hundzuka ku vonakala. Hikokwalaho va nge: “Pfuka wena la etleleke, pfuka exikarhi ka vafi, kutani Kriste ú ta ku voninga.”

Yeremiya 31:19

A hi hambukile ndlela, kutani hi tisorile ka swona; hi kombiwile nandzu wa hina, kutani hi titsongahatile hi languta hansi; hi twile ku vava, hi khomiwa hi tingana, hikuva loko ha ha ri lavantshwa, hi dyohile ngopfu.’ ”

Timhaka 2:37

Kuteloko vanhu va yingisile marito lawa, va tlhaveka timbilu; kutani va ku ka Petro ni ka vaapostola lavan'wana: “N'wina varikwerhu, xana hi ta endla yini?”

Luka 16:23

“Loko a ri exivandleni xa vafi, a ri karhi a xaniseka, a tlakusa mahlo, a vona Abrahama hi le kule, na Lazaro exifuveni xa yena.

Luka 8:35

Kutani vona va huma, va ya vona leswi humeleleke. Loko va fika eka Yesu, va kuma munhu loyi mademona ma nga suka eka yena a tshamile emilengeni ya Yesu, a ambele, a ri munhu; kutani va chava ngopfu.

Swirilo 1:7

Enkarhini lowu wa mahlomulo ni wa ku pepetseka ka yena, Yerusalema ú tsundzuka swilo swa yena hinkwaswo swa nkoka leswi a a ri na swona ku sukela khale. Loko vanhu va yena va wele emavokweni ya valala, ku pfumaleke ni un'we wa ku n'wi pfuna; valala va n'wi langutile, va n'wi hlekula, va tsakela ku wa ka yena.

Eklesiasta 9:3

Hinkwavo va wela hi swo fana, kutani exikarhi ka hinkwaswo leswi humelelaka laha misaveni, mhaka leyi yi bihile; naswona timbilu ta vanhu ti tele leswo biha, hinkwavo va hanya onge va ni rihuhe. Eku heteleleni, va ya exivandleni xa vafi.

Pisalema 73:20

Loko u fika, we N'wini wa hinkwaswo, va lahlekeriwa hi ndzhuti, va hangalaka kukota norho nimixo.

Pisalema 119:59

Ndzi xiyaxiyile tindlela ta mina, kutani ndzi hundzulukile ndzi landzelela switsundzuxo swa wena.

Hosiya 2:7

Ú ta famba a hlota swigangu swa yena, kambe a nga ka a nga fiki eka swona; ú ta famba a swi lava hinkwako, kambe a nge heli a swi kumile. Kutani ú ta ku: ‘Ndzi ta tlhelela eka nuna wa mina wo sungula, hikuva eka yena, a ndzi tiphina ku tlula sweswi.’

Luka 15:16

Kutani a a navela ku xurha hi makamba lama dyiwaka hi tinguluve, hikuva a ku nga ri na munhu la n'wi nyikaka nchumu.

Timhaka 12:11

Loko Petro a xalamuka, a ku: “Sweswi ndza swi tiva swinene leswaku Hosi yi rhumile ntsumi ya yona, kutani yi ndzi ponisile emavokweni ya Heroda, ni ka hinkwaswo leswi tiko ra Vayuda a ri tiyimisele ku ndzi endla swona.”