Luka 15:15 - BIBELE Mahungu Lamanene

¹⁵ Kutani a famba a ya namarhela munhu wa tiko rero; munhu yoloye a n'wi rhuma emasin'wini ya yena ku ya risa tinguluve.

Testamente Leyimpsha Xichangana

¹⁵ Kutani afamba ayanamarhela munhu wa tiko rolero; munhu yelweyo amurhuma masin'wini ya yena kuyarisa makhumba.

Xitsonga (Bibele)

¹⁵ Kutani a ya a ya namarhela munhu wa tiko rero; yeloyi a n'wi rhuma enhoveni ku risa tinguluve.

Luka 15:15 Referans Kwoze

Tito 3:3

Na hina khale a hi ri swiphukuphuku, hi humile endleleni, hi ala ku yingisa; a hi ri mahlonga ya ku navela, ni ya ku titsakisa ka tinxaka-xaka; a hi ri lava hanyaka hi nsele ni mavondzo; a hi vengiwa, na hina hi vengana.

Esaya 1:5

Leswi mi yaka emahlweni mi tiarisa, xana ma ha ta biwa hi kwihi, hikuva nhloko hinkwayo ya vava, ni matimba a ma ha ri na wona.

Malakiya 2:9

Hikokwalaho ndzi ta mi endla vanhu lava soriwaka, lava languteriwaka hansi hi tinxaka hinkwato, hikuva a mi fambanga etindleleni ta mina, eku dyondziseni ka n'wina mi yile hi nghohe.”

Yeremiya 5:3

We HOSI, u tsakela ku vona munhu la nga ni ntiyiso. Vanhu lava u va bile, kambe a va twanga ku vava. U lavile ku va herisa, kambe va arile ku tshinyiwa. Va tiomisile tinhloko, va nga pfumeli ku hundzuka.

Varhoma 6:22

Kambe sweswi, mi ntshunxiwile eku dyoheni, mi hundzukile mahlonga ya Xikwembu, kutani mihandzu leyi mi yi tshovelaka sweswi yi mi yisa eku tengeni; eku heteleleni, mi ta kuma vutomi lebyi nga heriki.

Luka 15:13

Kuteloko ku hundzile masiku ma nga ri mangani, n'wana loyi wa ndzisana a hlengeleta hinkwaswo, a rhurhela etikweni ra le kule, a ya hangalasa xuma xa yena hi vusopfa.

Nahume 3:6

Ndzi ta ku haxa hi thyaka, ndzi ku tsongahata ngopfu, ndzi endla xikombiso ha wena.

Ezekiele 16:63

U ta tsundzuka leswi humeleleke, kutani u tisola; a wu nga ha tlheli u pfula nomo wa wena hikwalaho ka tingana ta wena. Mina HOSI N'wini wa hinkwaswo ndzi ri, ndzi ta ku rivalela hinkwaswo leswi u swi endleke!”

Ezekiele 16:52

U fanele ku khomiwa hi tingana, wena u humeseke vamakwenu enandzwini: Va languteka va lulamile ku tlula wena, hikuva u endlile manyala yo tlula ya vona. Hikokwalaho u fanele ku nyuma u khomiwa hi tingana, wena u khaniseke vamakwenu.

Esaya 57:17

Vanhu va mina ndzi va hlundzukerile ndzi va ba, hikwalaho ka xidyoho xa vona xa ku va ni makolo; ndzi va kariherile ndzi tlhela ndzi va fularhela, hambiswiritano a va hundzukanga, va yile mahlweni va endla leswi timbilu ta vona ti tsakelaka swona.

2 TIKRONIKA 28:22

Hambileswi a a wele emakhombyeni walawo, hosi Akazi a nga tshikanga ku fularhela HOSI Xikwembu.

Eksoda 10:3

Kavaloko Muxe na Aroni va ya nghena emutini wa Faro, va fika va ku: “HOSI Xikwembu, xi nga Xikwembu xa Vaheveru, xi vurisa sweswo xi ku: ‘Xana u ta ala ku titsongahata emahlweni ka mina ku fikela rini ke? Tshika vanhu va mina va famba, va ya ndzi gandzela.

Matewu 7:6

Mi nga nyiki timbyana swilo leswi hlawulekeke, hikuva ti nga mi hundzukela, ti mi kavutlulela; naswona mi nga hoxi tidayimani ta n'wina emahlweni ka tinguluve, hikuva ti ta ti kandziyela hi milenge.

Luka 15:14

Loko a dyile hinkwaswo, ku wa ndlala leyikulu etikweni rero, kutani a sungula ku pfumala.

Luka 15:16

Kutani a a navela ku xurha hi makamba lama dyiwaka hi tinguluve, hikuva a ku nga ri na munhu la n'wi nyikaka nchumu.