Luka 14:1 - BIBELE Mahungu Lamanene

¹ Hi siku ra Savata, Yesu a nghena endlwini ya nkulukumba un'wana wa Vafarisi, ku ya dya swakudya kona. Vanhu a va n'wi xiyaxiya swinene.

Testamente Leyimpsha Xichangana

¹ Hi siku ra Savata, Yesu anghena ndlwini ya nkulukumba mun'we wa Vafarisi, kuyaja svakuja kona. Vanhu avamuxiyaxiya svinene.

Xitsonga (Bibele)

¹ Kuteloko a nghenile hi siku ra Savata endlwini ya nkulukumba un'wana wa Vafarisi, ku ya dya swakudya kona, vona a va n'wi xiya.

Luka 14:1 Referans Kwoze

Marka 3:2

Kutani Vafarisi va xiya Yesu ku vona loko a ta hanyisa munhu loyi hi siku ra Savata, leswaku va ta kota ku n'wi veka nandzu.

Luka 20:20

Hiloko va xiya nkarhi lowunene, kutani va rhuma tinhlori leti ti tiendlaka vanhu lavo lulama, leswaku ti ta n'wi phasa hi marito ya yena, kutani ti n'wi nyiketa emavokweni ya muyimeri wa vuhosi.

Luka 11:37

Loko Yesu a ha vulavula, Mufarisi un'wana a n'wi kombela ku ya a ya fihlula na yena; kutani Yesu a nghena, a tshama eswakudyeni.

Pisalema 62:4

Mi luka mano yo ndzi wisa exitulwini xa vuhosi. mi tsakela ku ndzi kanganyisa. Marito ya n'wina a hi ku tsakisa ka wona, kasi etimbilwini mi le ku ndzi rhukaneni.

Pisalema 41:6

Loko un'wana a ta ku ta ndzi pfuxela, wo tela ku ta ndzi koya ntsena, a ri karhi a xopa-xopa leswi a nga ta ndzi onha vito ha swona loko a humile.

Luka 6:7

Vatsari ni Vafarisi va xiya Yesu, ku vona loko kumbe a ta hanyisa munhu hi siku ra Savata, leswaku va ta kuma lexi va nga ta n'wi hehla ha xona.

Swivuriso 23:7

hikuva ú pimile embilwini leswi a lavaka leswaku u dya swona; hi nomo, wa vula a ku: “Dyana, u tlhela u nwa!” kambe a nga ku tsakeli.

Pisalema 37:32

Munhu wo homboloka ú xiyaxiya lowo lulama, a lava ndlela ya ku n'wi dlaya;

Yohane 3:1

A ku ri ni un'wana wa Vafarisi loyi a va ku i Nikodema; a a ri un'wana wa tindhuna ta Vayuda.

Timhaka 5:34

Kambe Mufarisi un'wana loyi a va ku i Gamaliele, mudyondzisi wa Nawu loyi a a dzunisiwa hi tiko hinkwaro, a yima ehubyeni; a lerisa leswaku vaapostola va humeseriwa ehandle nkarhinyana.

Matewu 12:12

Kasi munhu ú tlula ngopfu tinyimpfu. Hikokwalaho, ku endla leswinene hi siku ra Savata, swa pfumeleriwa.”

Luka 14:2

Kutani munhu wo vabya hi xirhumbe-rhumbe, a a ri kona kwalaho.

Luka 17:20

Vafarisi va vutisa Yesu, va ku: “Xana Mfumo wa Xikwembu wu ta ta rini ke?” Kutani a va hlamula a ku: “Mfumo wa Xikwembu a wu humeleli wu ri karhi wu voniwa hi mahlo;