Luka 13:6 - BIBELE Mahungu Lamanene

⁶ A engeta a va byela xifaniso lexi a ku: “Munhu un'wana a a ri ni murhi wa nkuwa lowu simekiweke ensin'wini ya yena ya vhinya; a ya lava mihandzu eka wona, kutani a nga yi kumi.

Testamente Leyimpsha Xichangana

⁶ Atlhela avabzela xifaniso lexi aku: “Munhu wokarhi aali ni nkuwa lowusimekiweke nsin'wini ya yena ya mvhinya; ayalava mihandzu ka wona, kutani angayikumi.

Xitsonga (Bibele)

⁶ A engeta a va byela xifaniso lexi, a ku: “Un'wana a a ri ni murhi wa nkuwa lowu simekiweke ensin'wini ya yena ya vhinya, kutani a ya lava mihandzu eka wona, kambe a nga yi kumanga.

Luka 13:6 Referans Kwoze

Yohane 15:16

A hi n'wina mi ndzi hlawuleke; hi mina ndzi mi hlawuleke, kutani ndzi mi vekile leswaku mi ya, mi ya veka mihandzu, ni leswaku mihandzu ya n'wina yi va kona masiku hinkwawo; kutani xin'wana ni xin'wana lexi mi nga ta xi kombela eka Tatana hi vito ra mina, ú ta mi nyika xona.

Vagalatiya 5:22

Kasi mihandzu ya Moya i rirhandzu, ni ku tsaka, ni ku rhula, ni ku leha mbilu, ni vunene, ni ku hanana, ni ku tshembeka,

Yeremiya 2:21

A ndzi mi hlawurile kukota ximilana xo saseka xa vhinya, ndzi mi simeka emisaveni leyinene. Kambe mi hundzuke nsinya lowu nga tswaliki nchumu, lowu timilelaka enhoveni.

Vafilipiya 4:17

A hi leswaku ndzi lava ku kuma tinyiko, kambe ndzi lava leswaku n'wina mi kuma mihandzu leyi yi nga ta andza yi mi twarisa.

Yeremiya 8:13

HOSI Xikwembu xi vula sweswo xi ri: “Ndzi lavile ntshovelo eka Vaisraele, kambe a ndzi wu kumanga; hikokwalaho ndzi ta va herisa. Va fana ni murhi wa vhinya kumbe nkuwa lowu nga tswaliki nchumu, lowu matluka ya wona ma omeke; hikokwalaho ndzi ta va tshika, va kandziyeriwa hansi hi vahundzi va ndlela.”

Luka 3:9

Ni sweswi xihloka xi vekiwile etimitswini ta mirhi; murhi wun'wana ni wun'wana lowu nga vekiki mihandzu leyinene, wu ta tsemiwa wu hoxiwa endzilweni.”

Luka 13:5

E-e, kambe ndzi ri ka n'wina, loko mi nga hundzuki mi ta lovisa xisweswo hinkwenu.”

Vaavanyisi 9:11

Kambe murhi wa nkuwa wu hlamula leyin'wana wu ku: ‘Xana ndzi nga tshika ku humesa mihandzu ya mina leyinene, ni ku nandziha ka yona, kutani ndzi ya risa mirhi, xana?’