Luka 13:34 - BIBELE Mahungu Lamanene

³⁴ “Yerusalema, Yerusalema, wena la dlayaka vaprofeta, la khandlaka hi maribye lava rhumiweke eka wena; kangani ndzi naverile ku hlengeleta vana va wena, kukotisa huku loko yi hlengeleta swiciwana swa yona ehansi ka timpapa ta yona, kambe a wu swi lavanga.

Testamente Leyimpsha Xichangana

³⁴ “Yerusalema, Yerusalema, wena lweyi udlayaka vaprofeta, lweyi ukhandlaka hi maribze lavarhumiweke ka wena; i kangani na navelile kuhlengeleta vana va wena, kukotisa huku loko yihlengeleta sviciwana sva yona hansi ka timpapa ta yona, kambe awusvilavanga.

Xitsonga (Bibele)

³⁴ “Yerusalema, Yerusalema, la dlayaka vaprofeta, la khandlaka hi maribye lava rhumiweke eka wena; ndzi rhandzile kangani-ke ku hlengeleta vana va wena, kukotisa huku loko yi hlengeleta swiciwana swa yona ehansi ka timpapa ta yona? Kambe a mi swi rhandzanga.

Luka 13:34 Referans Kwoze

Timhaka 7:52

Hi wihi muprofeta loyi vatata wa n'wina va nga n'wi xanisangiki xana? Va dlele na vona lava nga tivisa khale timhaka ta ku ta ka La Lulameke, loyi sweswi mi n'wi xengeke, mi tlhela mi n'wi dlaya;

Esaya 30:15

HOSI N'wini wa hinwaswo, Muhlawuleki wa Israele, ú mi byerile, a ku: “Tlhelelani eka mina, mi tshama mi ku whíí, ndzi ta mi ponisa, loko mi va vanhu lavo rhula, lava va ndzi tshembaka, mi ta kuma matimba.” Kambe n'wina a mi pfumelanga,

Luka 23:28

Yesu a hundzuluka a ku ka vona: “Vavasati va Yerusalema, mi nga ndzi rileli; kambe tirileleni, n'wina ni vana va n'wina.

Luka 19:44

va ta ku hirimuxela hansi, va herisa ni lava akeke ka wena; kutani valala va nga ka va nga tshiki ribye ehenhla ka ribye laha ka wena, hikuva a wu tivanga nkarhi lowu u endzeriweke ha wona.”

Zakariya 1:4

Mi nga tiarisi ku fana ni vatata wa n'wina lava ndzi va khongoteleke hi milomo ya vaprofeta lavo rhanga, ndzi va byela ku tshika mikhuva ya vona leyo biha, ni swiendlo swa vona leswo homboloka. Kambe vona a va ndzi yingisanga, a va ndzi kombanga xichavo, mina HOSI ya matimba hinkwawo.

Hosiya 11:7

Vanhu va mina va ni ntolovelo wa ku ndzi fularhela, hikokwalaho va rhwexiwile mpingu, ku hava loyi a nga ta va rhula wona.

Hosiya 11:2

Loko ndzi va vitana, vona vo ala, va ndzi fularhela; va ya emahlweni va humesela Baali emagandzelo, va hisela swikwembu swa hava emirhi ya risuna.

Yeremiya 6:16

HOSI Xikwembu xi vurisa sweswo xi ri: “Yimani emahandzeni ya tindlela mi languta, mi vutisa vanhu magondzo ya khale, ni laha ku nga ni mabudula lamanene, kutani mi famba ha wona, mi kuma ku wisa emoyeni. Kambe vona va ku: ‘A hi swi lavi ku famba hi ndlela yoleyo!’

Yeremiya 2:30

Ndzi mi bile, kambe sweswo a swi pfunanga nchumu, hikuva a mi pfumelanga ku tshinyiwa; vaprofeta lava ndzi nga mi rhumela vona, mi va dlele onge mo va tinghala leti twaka ndlala.

Pisalema 36:7

We Xikwembu, rirhandzu ra wena lero tshembeka ri tsakisa ngopfu, vanhu hinkwavo va tumbela ehansi ka timpapa ta wena.

Rhuti 2:12

HOSI Xikwembu a xi ku katekise hi mintirho leyi ya wena. Xona Xikwembu xa Israele lexi u teke ku ta hlayisiwa hi xona, a xi ku nyike hakelo hi ndzalo.”

Matewu 22:6

van'wana va khoma malandza ya hosi, va ma endla hi tihanyi, va ma dlaya.

Matewu 22:3

Yi rhuma malandza ya yona ku ya vitana lava nga rhambiwa enkhubyeni, kambe vona va ala ku ta.

Swirilo 1:16

“Timhaka leti ti ndzi vavisa mbilu, mahlo ya mina ma xiririka mihloti, hikuva loyi a ndzi tiyisaka, loyi a a ta ndzi nyika matimba, ú le kule na mina. Vana va mina va le ku vavisekeni, hikuva nala ú ndzi hlurile.”

Esaya 50:2

Hikwalaho ka yini ndzi nga kumanga munhu loko ndzi ta ka n'wina; loko ndzi mi vitana, hikwalaho ka yini mi nga hlamulanga xana? Xana mo ehleketa leswaku a ndzi na matimba yo mi lwela, ndzi mi ponisa, ke? Vonani, ndzi lerisa lwandle, kutani mati ya rona ma phya, milambu, ndzi nga yi omisa, kutani tinhlampfi hinkwato ta yona ti fa ti bola, hi ku ka ku nga ha ri na mati.

Pisalema 91:4

Xi ta ku hlayisa xi ku funengeta ku fana ni huku leyi fukamelaka swiciwana swa yona, ku tshembeka ka xona ku ta ku sirhelela kukota xitlhangu.

Pisalema 81:13

A ndzi ta tsaka ngopfu loko Vaisraele vanhu va mina va ndzi yingisa, va famba etindleleni ta mina.

Pisalema 57:1

We Xikwembu ndzi twele vusiwana, ndzi ri ndzi twele vusiwana, hikuva hi wena khokholo ranga; ndzi ta tumbela ehansi ka timpapa ta wena xidzedze lexi onhaka xi kondza xi hundza.

Nehemiya 9:30

Emalembeni lawa yo tala, u va lehiserile mbilu, u va tsundzuxa hi Moya wa wena, hi milomo ya vaprofeta, kambe a va yingisanga, kutani u va nyiketa emavokweni ya vamatiko.

Yeremiya 35:14

Yonadabu n'wana Rekabi ú lerisile vana va yena leswaku va nga tshuki va nwa vhinyo, kutani vana lava va hlayisile xileriso xa tata wa vona; ni namuntlha vhinyo a va nwi. N'wina ndzi vulavurile na n'wina ndzi vuyelela, kambe a mi ndzi yingisanga.

Yeremiya 26:23

va ya khoma Uriya le Egipta, va vuya na yena va fika va n'wi nyiketa eka hosi Yoyakimi, kutani yena a n'wi dlaya hi tlhari, ntsumbu wu cukumetiwa emasirheni ya swikamba.

Pisalema 149:2

N'wina Vaisraele, tsakelani Muvumbi wa n'wina, tlangelani Loyi a mi fumaka n'wina va le Siyoni.

Nehemiya 9:26

“Hambiswiritano, va arile ku ku yingisa, va ku hundzukela, va fularhela ni Nawu wa wena, va dlaya ni vaprofeta va wena lava a va va tsundzuxa ku tlhelela eka wena; va tlhela va ku rhuketela swinene.

Duteronoma 32:29

Loko a va tlharihile, a va ta twisisa timhaka leti, a va ta swi vona leswaku va ya eku loveni.

Duteronoma 5:29

Loko va nga va ni miehleketo leyi minkarhi hinkwayo, va ndzi chava, va hlayisa ni milawu ya mina hinkwayo, a va ta kateka, vona ni vana va vona.

Nhlavutelo 11:8

Kutani mintsumbu ya vona yi etlela entsendzeleni wa muti lowukulu, lowu Hosi ya vona yi tshamaka yi vambiwa exihambanweni eka wona, lowu va nge hi le Sodoma na Egipta loko va fanisa.

Timhaka 8:1

Kasi Sawulo a a nkhensa ku dlawa ka Stefano. Enkarhini wolowo, kereke ya Yerusalema yi sungula ku xanisiwa swinene, vapfumeri hinkwavo va hangalasiwa ematikweni ya Yudiya ni ya Samariya; ku sala vaapostola ntsena.

Timhaka 7:59

Kakuloko va ri karhi va n'wi khandla hi maribye, Stefano a khongela, a ku: “Hosi Yesu, amukela moya wa mina!”

Luka 15:28

Kambe n'wana lonkulu a kariha, a ala ku nghena. “Tata wa yena a huma, a ya n'wi khongotela.

Yuwele 2:23

N'wina vanhu va Siyoni, tsakani, yimbelelani mi dzunisa HOSI Xikwembu xa n'wina, hikuva xi mi niserile mpfula yo ringana, xi lo mi chululela yona kunene; ku fana ni khale, mpfula leyo sungula yi nile, hambi yi ri leyo tsema nguva na yona yi nile.

Swirilo 4:13

Khombo leri ri vangiwe hi swidyoho swa vaprofeta, ni vubihi bya vaprista va kona, va nga vona lava dlayeke vanhu vo lulama, va halata ngati emutini.

Pisalema 17:8

Ndzi hlayise tanihi ndzololo ya tihlo ra wena, ndzi tumbete endzhutini wa timpapa ta wena,

Yeremiya 35:17

Hikokwalaho mina HOSI ya matimba hinkwawo, Xikwembu xa Israele, ndzi vurisa sweswo ndzi ri, tiko ra Yuda ni vaaki hinkwavo va muti wa Yerusalema, ndzi ta va vangela makhombo hinkwawo lawa ndzi ma vuleke, hikuva ndzi vulavurile na vona kambe a va yingisanga; ndzi va vitanile kambe a va ndzi hlamulanga.”