Luka 13:29 - BIBELE Mahungu Lamanene

²⁹ Va ta huma evuxeni ni le vupeladyambu, en'walungwini ni le dzongeni, kutani va ta tshama eswakudyeni eMfun'weni wa Xikwembu.

Testamente Leyimpsha Xichangana

²⁹ Vatahuma vuxeni ni levupelajambu, n'walungwini ni ledzongeni, kutani vatatshama kujeni Mfun'wini wa Xikwembu.

Xitsonga (Bibele)

²⁹ Va ta huma evuxeni, ni le vupeladyambu, ni le dzongeni, ni le n'walungwini, va ta tshama eswakudyeni eku fumeni ka Xikwembu.

Luka 13:29 Referans Kwoze

Esaya 49:6

Kutani Xikwembu xi ri: “Wena nandza wa mina, ndzi ku vekile leswaku u pfuxa rixaka ra ka Yakobo, ni ku hlayisa Vaisraele lava va ha saleke. Tlhandlakambirhi, ndzi ta ku endla rivoni ro voningela matiko, leswaku ntirho wa mina wo ponisa vanhu wu ya fika ni le makumu ka misava.”

Malakiya 1:11

“Vito ra mina i rikulu exikarhi ka vanhu va misava hinkwayo; endhawini yin'wana ni yin'wana, vanhu va ndzi hisela mirhi ya risuna, va ndzi humesela magandzelo lama tengeke. Hakunene, vito ra mina i rikulu exikarhi ka vanhu va matiko hinkwawo. Ndzi vula sweswo, mina HOSI ya matimba hinkwawo.

Esaya 43:6

Ndzi ta lerisa matiko ya le n'walungwini ni ya le dzongeni, leswaku ma tshika vanhu va ka n'wina va vuya, ma nga va siveli; ndzi ta ku: ‘Tshikani vana va mina va xinuna ni va xisati va vuya, a va suke ematlhelo hinkwawo ya misava,

Timhaka 28:28

“Loko swi ri tano, swi tiveni leswaku mahungu ya ku ponisiwa hi Xikwembu ma rhumeriwile vamatiko; vona va ta ma yingisa.” [

Genesa 28:14

Vatukulu va wena va ta tala ku fana ni ntshuri wa misava; mi ta hangalaka na tiko mi ya evupeladyambu, ni le vuxeni, ni le n'walungwini, ni le dzongeni. Vanhu hinkwavo laha misaveni va ta katekisiwa hikwalaho ka wena ni vatukulu va wena.

Vakolosa 1:23

Kambe mi fanele ku tiya eku pfumeleni, mi yimile emasungulweni ya kona mi nga tsekatseki, mi nga hambani ni ku tshemba loku mi ku kumeke hi ku twa Evhangeli; Evhangeli leyi yi twarisiwile eka swivumbiwa hinkwaswo leswi nge hansi ka tilo, kutani mina Pawulo, ndzi endliwile nandza wa yona.

Marka 13:27

Kutani ú ta rhuma tintsumi ta yena ku ta hlengeleta vahlawuriwa va yena; va ta huma ematlhelweni ya mune ya misava, ku sukela emakun'wini ya yona ku yisa emakun'wini ya tilo.

Matewu 8:11

Ndza mi byela, ndzi ri: Lavo tala va ta huma evuxeni ni le vupeladyambu, kutani va ta tshama swakudyeni eMfun'weni wa matilo kun'we na va Abrahama, na Isaka, na Yakobo.

Vakolosa 1:6

leyi fikeke eka n'wina kukota leswi yi fikeke ematikweni hinkwawo; yi karhi yi veka mihandzu ni ku kula, kukota leswi yi endlisaka xiswona eka n'wina, ku sukela siku mi tweke ni ku twisisa tintswalo ta Xikwembu hi ntiyiso wa tona.

Luka 13:30

Ina ke, van'wana lava va nga va le ndzhaku, va ta va va le mahlweni, ni van'wana va le mahlweni, va ta va va le ndzhaku.”