Luka 13:27 - BIBELE Mahungu Lamanene

²⁷ Yena ú ta engeta a mi hlamula a ku: ‘A ndzi tivi leswaku mi huma kwihi; sukani eka mina, n'wina hinkwenu lava endlaka leswi nga lulamangiki.’

Testamente Leyimpsha Xichangana

²⁷ Yena atayengeta amihlamula aku: ‘Anitivi lesvaku mihuma kwihi; sukani ka mina, n'wina hinkwenu lavayendlaka lesvingalulamangiki.’

Xitsonga (Bibele)

²⁷ Yena u ta ku: ‘Ndza mi byela, ndzi ri: A ndzi mi tivi lomu mi pfaka kona sukani eka mina n'wina lava endlaka swo biha.’

Luka 13:27 Referans Kwoze

Matewu 25:41

“Kutani Hosi yi ta byela lava nge vokweni ra yona ra ximatsi yi ku: ‘Sukani ka mina, n'wina lava rhukaniweke hi Xikwembu; yanani endzilweni lowu nga timekiki, lowu lunghiseriweke Diyavulosi ni tintsumi ta yena;

Pisalema 6:8

N'wina hinkwenu mi endlaka leswo biha, ndzi sukeleni, hikuva HOSI Xikwembu xi twile ku rila ka mina.

Pisalema 119:115

N'wina mi endlaka leswo biha, hambanani na mina, ndzi ta kota ku hlayisa swileriso swa Xikwembu xanga.

Luka 13:25

Loko n'wini wa muti a pfuka, a ya pfala nyangwa, n'wina mi nga yima le handle, mi ta sungula ku gongondza, mi ku: ‘Hosi, hi pfulele!’ Kambe ú ta mi hlamula a ku: ‘A ndzi tivi leswaku mi huma kwihi.’

Pisalema 1:6

Etindleleni ta vona, lavo lulama va fambisiwa hi HOSI, kambe lavo homboloka, va khoma ndlela leyi yi va yisaka eku loveni.

2 Timotiya 2:19

Hambiswiritano, masungulo layo tiya lama vekiweke hi Xikwembu a ma tsekatseki; ma tiyisiwa hi rito leri nge: “Hosi yi tiva lava nga va yona.” Naswona: “Un'wana ni un'wana loyi a vulaka vito ra Hosi, a a tshike leswo homboloka.”

Hosiya 9:12

Naswona hambi mi nga veleka vana, ndzi ta mi tekela vona, va hela va ku bi! Loko ndzi sukile exikarhi ka n'wina, mi ta va ekhombyeni.

Pisalema 125:5

Kambe lava fambaka hi tindlela leto homboloka, va hlongole we HOSI swin'we ni lava endlaka leswo biha. Ku rhula a ku ve na Vaisraele!

Pisalema 101:8

Siku rin'wana ni rin'wana ndzi ta herisa lavo homboloka etikweni, ndzi hlongola lava endlaka leswo biha, va suka emutini wa HOSI Xikwembu.

Pisalema 28:3

U nga tshuki u ndzi katsa ni lavo homboloka, ndzi vula vona lava endlaka leswo biha: Va tiendla vanhu vanene loko va vulavula ni vaakelani, kasi timbilu ta vona ti tele vukanganyisi.

Pisalema 5:6

We HOSI, u herisa lava vulavulaka mavunwa, lava halataka ngati ni lava kanganyisaka, wa va nyenya.

Vagalatiya 4:9

Kambe leswi namuntlha mi tivaka Xikwembu (kumbe ndzi nga ku, leswi namuntlha Xikwembu xi mi tivaka), xana swi endlisa ku yini leswaku mi tlhelela eka mimoya leyi nga nyawuliki, leyi tsaneke ya misava leyi xana? Hikwalaho ka yini mi lava ku tlhela mi hundzuka mahlonga ya yona ke?

1 Vakorinto 8:3

Kambe loko munhu a rhandza Xikwembu, ú tiviwa hi xona.

Matewu 25:12

Kambe a va hlamula, a ku: ‘Ndzi tiyisile ndzi ri ka n'wina, a ndzi mi tivi.’ ”