Luka 13:15 - BIBELE Mahungu Lamanene

¹⁵ Kambe Hosi yi n'wi hlamula yi ku: “N'wina vakanganyisi, ma swi tiva swinene: Hi siku ra Savata, n'wina hinkwenu a mi chavi ku ntshunxa homu ya n'wina kumbe mbhongolo ya n'wina, mi ya na yona ematini.

Testamente Leyimpsha Xichangana

¹⁵ Kambe Hosi yimuhlamula yiku: “N'wina vakanganyisi, hi siku ra Savata, n'wina hinkwenu amichavi kutlhantla homu ya n'wina kumbe mbongolo ya n'wina, miya na yona matini.

Xitsonga (Bibele)

¹⁵ Kambe Hosi yi n'wi hlamula, yi ku: “N'wamanyunyu, xana un'wana ni un'wana wa n'wina a nge tshunxi homu ya yena, kumbe mbhongolo ya yena exidyelweni hi Savata, a yi yisa eku nweni xana?

Luka 13:15 Referans Kwoze

Luka 14:5

Kutani a ku ka vona: “Xana i mani eka n'wina la nga ta ka a nga hatlisi ku humesa n'wana wa yena kumbe homu ya yena ekheleni ra mati, loko swi wele kona hi siku ra Savata xana?”

Matewu 23:28

Hi mukhuva wolowo vanhu va mi vona mi ri lavo lulama ehandle, kasi endzeni, mi tele ku kanganyisa ni ku homboloka.

Luka 12:1

Hi nkarhi wolowo, loko vanhu va madzana-dzana va hlengeletana va ko va kandziyelana, Yesu a sungula ku byela vadyondzisiwa va yena a ku: “Tivoneleni eka comela xa Vafarisi, byi nga vukanganyisi;

Luka 6:42

U nga vurisa ku yini eka makwenu u ku: ‘Makwerhu, ndzi tshike ndzi susa xilavi etihlweni ra wena’, kambe u nga voni ntsandza lowu nge tihlweni ra wena ke? Mukanganyisi! Rhanga u susa ntsandza lowu nge tihlweni ra wena; hi kona u nga ta vona swinene, u kota ku susa xilavi lexi nge tihlweni ra makwenu.

Matewu 23:13

“Mi ni khombo n'wina vatsari ni Vafarisi, hikuva mi vakanganyisi: Mi alela vanhu ku nghena eMfun'weni wa matilo. N'wina a mi ngheni eka wona, naswona lava ringetaka ku nghena ma va sivela. [

Matewu 15:14

Va tshikeni, hi lavo-fe-mahlo lava fambisaka lavo-fe-mahlo. Loko lowo-fe-mahlo a fambisa lowo-fe-mahlo, va ta wela ekheleni hi vumbirhi bya vona.”

Matewu 15:7

Vakanganyisi, Esaya a a vula n'wina hakunene loko a te:

Matewu 7:5

Mukanganyisi! Rhanga u susa ntsandza lowu nga tihlweni ra wena; hi kona u nga ta vona swinene kutani u susa xilavi etihlweni ra makwenu.

Esaya 29:20

Vanhu va tihanyi va ta nyamalala, ni vasandzi a va nga ha vi kona, lava va tshamaka va tiyimisele leswo biha, va ta herisiwa hinkwavo, va ku bì!

Swivuriso 11:9

La nga vuriki nchumu hi Xikwembu, a nga dlaya munhu-kulobye hi ku vulavula ka yena, kasi lavo lulama va ponisiwa hi vutivi bya vona.

Ntirho 34:30

xi nga veka musandzi evuhosini, loyi a rhiyelaka varikwavo emintlhamu.

Luka 7:13

Loko Hosi Yesu a n'wi vona, a n'wi twela vusiwana, a ku ka yena: “U nga rili.”

Luka 7:19

Kutani Yohane a hlawula vambirhi exikarhi ka vona, a va rhuma eka Hosi ku ya vutisa va ku: “Xana hi wena loyi va nge wa ta, kumbe ha ha langutela un'wana ke?”