Luka 13:14 - BIBELE Mahungu Lamanene

¹⁴ Kambe mufambisi wa sinagoga a hlundzuka hileswi Yesu a hanyiseke munhu hi siku ra Savata, kutani a tlakusa rito, a ku ka ntshungu: “Ku ni masiku ya 6 lawa mintirho yi fanelaka ku tirhiwa ha wona; tanani hi masiku walawo ku ta hanyisiwa, ku nga ri hi siku ra Savata.”

Testamente Leyimpsha Xichangana

¹⁴ Kambe murhangeli wa sinagoga ahlundzuka hi lesvi Yesu ahanyiseke munhu hi siku ra Savata, kutani atlakusa rito, aku ka xitshungu: “Ku ni masiku ya ntlhanu ni rin'we lawa mintirho yifanelaka kutirhiwa ha wona; tanani hi masiku wolawo kutahanyisiwa, kungali hi siku ra Savata.”

Xitsonga (Bibele)

¹⁴ Kambe hosi ya sinagoga yi hlunama, hikuva Yesu a a hanyisile munhu hi Savata, kutani yi byela vanhu, yi ku: “Ku ni masiku ya ntlhanu na rin'we, lawa ku fanelaka ku tirhiwa ha wona, tanani ha wona ku ta horisiwa, ku nga ri hi siku ra Savata.”

Luka 13:14 Referans Kwoze

Eksoda 20:9

U na masiku ya 6 lawa u faneleke ku tirha mintirho ya wena hinkwayo.

Matewu 12:2

Loko Vafarisi va swi vona, va ku ka yena: “Vona! Vadyondzisiwa va wena va endla leswi nga pfumeleriwiki ku endliwa hi siku ra Savata.”

Luka 6:7

Vatsari ni Vafarisi va xiya Yesu, ku vona loko kumbe a ta hanyisa munhu hi siku ra Savata, leswaku va ta kuma lexi va nga ta n'wi hehla ha xona.

Luka 8:41

Kutani ku ta wanuna loyi a va ku i Yayiro, loyi a a ri murhangeri wa sinagoga; a wa emilengeni ya Yesu, a n'wi khongela leswaku a nghena emutini wa yena,

Marka 5:22

Kutani ku fika un'wana wa varhangeri va sinagoga loyi a va ku i Yayiro. Loko a n'wi vona, a tiwisela emilengeni ya yena,

Varhoma 10:2

Ndzi nga va mbhoni ya vona leswaku va hisekela Xikwembu, kambe va hiseka va nga ri na vutivi;

Timhaka 18:17

Kavaloko hinkwavo va khoma Sostene, mufambisi wa sinagoga, kutani va n'wi ba emahlweni ka huvo; kambe Galiyo a a nga ri na mhaka na swona.

Timhaka 18:8

Kambe Krispo, mufambisi wa sinagoga, a pfumela ka Hosi, a ri ni va ndyangu wa yena hinkwavo; na vona Vakorinto lavo tala, loko va twa Rito, va pfumela, va va va khuvuriwa.

Timhaka 13:15

Endzhaku ka loko ku hlayiwile tindzimana ta Nawu ni ta Vaprofeta, vafambisi va sinagoga va va rhumela rito, va ku: “N'wina varikwerhu, loko mi ri ni rito ro khongotela vanhu, mi nga vulavula.”

Luka 6:11

Vatsari ni Vafarisi va hlundzuka swinene, kutani va ya twanana hi leswi va nga ta swi endla eka Yesu.

Ezekiele 20:12

Ndzi va nyikile ni masiku ya Savata, leswaku ma va mfungho wa ntwanano wa mina na vona, va ta tiva leswaku loyi a va hlawulekisaka, hi mina HOSI.

Levhitika 23:3

Mi ni masiku ya 6 lawa mi faneleke ku endla mintirho ya n'wina hinkwayo ha wona, kambe siku ra vu-7 i siku ro wisa ra Savata, leri mi faneleke ku hlengeletana ha rona mi ndzi gandzela. Hi siku leri, hinkwako lomu mi tshamaka kona, mi nga tshuki mi tirha ntirho ni wun'we; siku ra Savata ri hlawuleriwile mina HOSI.

Eksoda 23:12

“Mi ni masiku ya 6 lawa mi faneleke ku endla mintirho ya n'wina hinkwayo ha wona; kambe hi siku ra vu-7, mi wisa; tihomu ta n'wina ni timbhongolo ta n'wina ti ta wisa na tona; hambi va ri vana va mahlonga ya n'wina ya xisati, ni valuveri, va ta kuma ku hefemula na vona.

Duteronoma 5:13

U na masiku ya 6 lawa u faneleke ku tirha mintirho ya wena hinkwayo.

Ezekiele 34:21

Swifuwo leswi tsaneke, mi swi susumetile hi makatla mi swi tlhava hi timhondzo swi kondza swi hambana ni ntlhambi.