Luka 12:20 - BIBELE Mahungu Lamanene

²⁰ Kambe Xikwembu xi ku ka yena: ‘Wee xihunguki! Hi vusiku byebyi, u ta tekeriwa moya wa wena; kutani leswi u swi lunghiseke swi ta va swa mani xana?’ ”

Testamente Leyimpsha Xichangana

²⁰ Kambe Xikwembu xiku ka yena: ‘We xihunguki! Vusiku bzobzi, utatekeliwa moya wa wena; kutani lesvi usvilungiseke svitava sva mani xana?’”

Xitsonga (Bibele)

²⁰ Kambe Xikwembu xi ku eka yena: ‘Wee xihunguki! Hi vusiku byebyi, moya wa wena wu ta tekiwa ka wena; kutani swilo leswo u swi lunghiseke, swi ta va swa mani xana?’

Luka 12:20 Referans Kwoze

Yeremiya 17:11

Munhu loyi a kumaka rifuwo hi ndlela yo homboloka, ú fana ni n'hwari leyi fukamelaka matandza lama nga riki ya yona; rifuwo ra kona a ri nga hlweli ku dzudzeka, eku heteleleni ú ta hundzuka xiphukuphuku.

Ntirho 27:8

Siku Xikwembu xi tsemaka vutomi bya lava va xi sandzaka, xi va lovisa, va ha ta tshemba yini, xana?

1 Timotiya 6:7

Hikuva a hi tanga na nchumu emisaveni, naswona hi nga ka hi nga fambi na nchumu, loko hi suka kwala misaveni.

Pisalema 39:6

Vanhu va ya hala ni hala, wonge i mindzhuti, va tikarhatela swa hava, va tihlengeletela swilo, va nga tivi leswaku swi ta va swa mani.

Yakobo 4:14

Kasi swa mundzuku a mi swi tivi! Vutomi bya n'wina i ncini ke? Hikuva mi hunguva leyi humelelaka nkarhinyana, kutani yi hangalaka.

1 Vatesalonika 5:3

Siku vanhu va nga ta ku: “Ku rhulile, ku hava xo karhata”, hi wona nkarhi lowu ku onhaka ku nga ta va wela henhla hi xitshuketa, tanihi ku lumiwa ka wansati la nga kusuhi ni ku kuma n'wana; va nga ka va nga poni.

Luka 11:40

Swihunguki ndzin'wina! Loyi a nga endla swa le handle, xana a nga endlanga ni swa le ndzeni xana?

Pisalema 73:19

Hi ku copeta ka tihlo, va khomiwa hi ku chava va herisiwa, va kukuriwa va nyamalala.

Nahume 1:10

Va kotisa mitwa leyi phasaneke, va fana ni vanhu lava pyopyiweke loko va nwile. Va ta tshwa kukotisa byanyi lebyi omeke, va tshwela makumu.

Swivuriso 28:8

Munhu loyi a engetelelaka rifuwo ra yena hi ku lava ntswalo wa mali leyi a yi lombiseke, rifuwo rero, ú ri hlengeletela loyi a nga ni tintswalo eka swisiwana.

Swivuriso 11:4

Esikwini ra ku hlundzuka ka HOSI Xikwembu, rifuwo a ri pfuni nchumu, kambe ku lulama ku ponisa vutomi bya munhu.

Pisalema 78:30

Kambe loko va ha dya, ni ku mita va nga si mita,

Estere 5:11

Hamani a va hlayela ku dzuneka ka rifuwo ra yena, ni nhlayo ya vana va yena va xinuna, ni hilaha hosi yi n'wi tlakuseke hakona matlhelo hinkwawo, ni hilaha yi n'wi vekeke hakona ehenhla ka tihosana ni malandza ya yona.

Pisalema 49:10

Vanhu va swi vona leswaku hambi ti ri tintlhari ta fa, ku fana ni leswi mintlunya ni swiphunta swi faka: Hinkwavo va siyela van'wana rifuwo ra vona.

Swivuriso 10:2

Xuma lexi kumiweke hi tindlela to homboloka a xi pfuni nchumu, kambe ku lulama swi ponisa vutomi bya munhu.

Swivuriso 13:7

Vanhu van'wana va tiendla swigwili, kasi a va na nchumu; van'wana va tiendla swisiwana, kasi va fumile ngopfu.

Swivuriso 27:1

U nga tshuki u tidzunisa hi leswi nga ta humelela mundzuku, hikuva a wu tivi leswaku siku ra kona ri ta ta na yini.

Esaya 56:12

Va byelana va ku: “A hi yeni hi ya lava vhinyo, a hi nweni byalwa, hi xurha! Siku ra mundzuku ri ta fana ni lera namuntlha ri va lerinene ngopfu.”

Amosi 6:13

Mi titsakisa hi leswi nga pfuniki nchumu, mi ku: “Matimba yo hlula, hi lo tikumela wona hi hexe!”

1 Timotiya 6:17

Kambe loko va ri lava va nga ni rifuwo ra misava leyi, va byele leswaku va nga tikurisi, kumbe ku veka ku tshemba ka vona erifuweni leri nga tiyangiki, kambe va veka ku tshemba ka vona eka Xikwembu: Hi xona xi hi nyikaka hi ntalo swilo hinkwaswo leswaku hi tikorwisa ha swona.