Biblia Todo Logo
Bib sou entènèt

- Piblisite -




Luka 12:19 - BIBELE Mahungu Lamanene

19 kutani ndzi ta tibyela ndzi ku: Munhu wo kateka, u ni swilo leswo tala, leswi hlengeleteriweke malembe layo tala; wisa, u dya, u nwa, u tsaka.’

Gade chapit la Kopi

Testamente Leyimpsha Xichangana

19 kutani nitabzela hika ra mina niku: Hika ra mina kateka, u ni svilo lesvotala, lesvihlengeleteliweke hi malembe layotala; wisa, uja, unwa, utsaka.’

Gade chapit la Kopi

Xitsonga (Bibele)

19 Kutani ndzi ta ku eka moya wa mina: Moya wanga, u ni swilo leswo tala leswi hlengeleteriweke malembe layo tala; wisa, u dya, u nwa, u tsaka.’

Gade chapit la Kopi




Luka 12:19
39 Referans Kwoze  

U nga tshuki u tidzunisa hi leswi nga ta humelela mundzuku, hikuva a wu tivi leswaku siku ra kona ri ta ta na yini.


Loko onge ndzi lwile ni swivandzana le Efesa ndzi ri munhu ntsena la faka, a swi ta va swi ndzi pfunile yini xana? Loko vafi va nga pfuxiwi, “a hi dyeni hi nwa, hikuva mundzuku ha fa!” hi ku vula ka Matsalwa.


Va ni khombo lava vindzukaka va famba va hlota byalwa lebyo bava, lava nwaka va tlhela va etlela kona, byalwa byi kondza byi va hisa.


Wena lontshwa, tsakela vuntshwa bya wena, u tiphina emasikwini wolawo. Famba hi tindlela leti u ti rhandzaka, leti kokaka mahlo ya wena, kambe tiva leswaku Xikwembu xi ta ku avanyisa ehenhla ka leswi hinkwaswo.


Emisaveni, mi hanyile emafurheni mi ri karhi mi tiphina; kambe mi lo tinonisela ntsena siku ra ku dlayiwa ka n'wina.


Makumu ya vona i ku lova; Xikwembu xa vona i khwiri ra vona; va tidzunisa hi leswi a va ta fanela ku va ni tingana ha swona; va anakanya swa misava leyi ntsena.


Khokholo ra n'wankumi i rifuwo ra yena, ú ehleketa leswaku i rirhangu leri n'wi sirhelelaka.


U nga tshembi mintirho ya tihanyi, ku kanganyisa vanhu a swi nga ku vuyiseli nchumu. Hambiloko rifuwo ri nga ku talela, u nga tiseketeli ha rona.


N'wi kombeni maxangu ni mahlomulo, hi ku ya hi mpimo wa ku tidzunisa ka yena ni wa ku hunguka ka yena, hikuva embilwini ya yena ú vula a ku: ‘Ndzi tshama la, mina Nkosikazi! A ndzi wansati wa noni, a ndzi nga heli hi ku vona mahlomulo!’


Tshikani ku endla leswi tsakeriwaka hi vamatiko, hikuva swi ringene loko mi swi endlile eminkarhini leyi hundzeke. Khale a mi hanya hi ku endla swa manyala, hi ku navela ku titsakisa, hi ku pyopyiwa, ni makolo, ni ku va swilovekelo, ni ku gandzela swikwembu swa hava leswi nga lavekiki.


va ta va timbabva, vanhu va futa, lava nga ni manyunyu, lava rhandzaka ku tiphina ku tlula ku rhandza Xikwembu.


Va ka Efrayimi va ri: “Hina hi fumile, rifuwo leri, hi tihlengeleterile rona hi hexe!” Kambe rifuwo ra vona hinkwaro ri nge swi koti ku siva nandzu lowu va wu endleke.


Kambe ematshan'wini ya sweswo, ku vile ni ntsako, ku biwa minkulungwana, ku tlhaviwa tihomu ni tinyimpfu, ku dyiwa tinyama, ku nwiwa ni vhinyo, vanhu va ku: “A hi dyeni, hi nwa, ha ha hanya!”


Mi ni khombo n'wina mi lavaka ku longoloxela tindlu, n'wina mi tshamaka mi ri karhi mi engetelela masimu, mi teketela tindhawu hinkwato ti va ta n'wina, mi endlela ku tshama mi ri n'wexe etikweni.


rifuwo a ri hlweli ku nyamalala, ri hatla ri mila timpapa, ri haha ku fana ni gama, ri ya henhla.


“Vutomi bya munhu byi komile ngopfu, ku sukela evuhlangini, ú le ku xanisekeni.


Kambe loko va ri lava va nga ni rifuwo ra misava leyi, va byele leswaku va nga tikurisi, kumbe ku veka ku tshemba ka vona erifuweni leri nga tiyangiki, kambe va veka ku tshemba ka vona eka Xikwembu: Hi xona xi hi nyikaka hi ntalo swilo hinkwaswo leswaku hi tikorwisa ha swona.


Kasi loyi a navelaka ku tikorwisa ntsena, ú file hambiloko a ha hanya.


“Tivoneleni leswaku timbilu ta n'wina ti nga tikeriwi hi makolo ni ku pyopyiwa, ni ku vilela hi swa vutomi lebyi, na swona tivoneleni leswaku siku rero ri nga mi tshuketi;


“A ku ri ni mufuwi la ambaleke nguvu yo vangama ya xivunguvungu ni ya ntsembyani lowo saseka, a tshama eku tsakeni a tiphina hi masiku hinkwawo.


Hikokwalaho, va humesela tinkoka ta vona emagandzelo, va hisela masole ya vona emirhi ya risuna; hikuva ha swona Vakalediya va hanya emafurheni, eswakudyeni leswo xawula.


Munhu loko a ha hanya, ú titwa a katekile, vanhu van'wana va n'wi dzunisa loko a humelela,


Loko mufana a rhelerile na Davhida a n'wi heleketa, va kuma Vaamaleke va tate rivala, va ri karhi va dya ni ku nwa, va tlhela va cina, hikwalaho ka swilo leswo tala leswi va swi phangheke etikweni ra Vafilista ni le tikweni ra Yuda.


Xuma lexi kumiweke hi tindlela to homboloka a xi pfuni nchumu, kambe ku lulama swi ponisa vutomi bya munhu.


Loko munhu a kota ku dya ni ku nwa, ni loko a vona leswo tsakisa entirhweni wa yena, a hi minkateko leyi a tikumeleke yona hi yexe, e-e. Hi ku twisisa ka mina, swilo leswi i tinyiko leti humaka eka Xikwembu.


Va byelana va ku: “A hi yeni hi ya lava vhinyo, a hi nweni byalwa, hi xurha! Siku ra mundzuku ri ta fana ni lera namuntlha ri va lerinene ngopfu.”


Mi titsakisa hi leswi nga pfuniki nchumu, mi ku: “Matimba yo hlula, hi lo tikumela wona hi hexe!”


Kutani a ku: ‘Ndzi ta endla leswi: Ndzi ta ntlhantlha switlati swa mina, ndzi swi kurisa, kutani ndzi ta hlengeleta mavele ya mina ni rifuwo ra mina hinkwaro kona;


Rifuwo i harhi ya vuhosi enhlokweni ya lowo tlhariha, kasi xiphukuphuku xi bomba hi vuphukuphuku bya xona.


Swiv nou:

Piblisite


Piblisite