Luka 11:26 - BIBELE Mahungu Lamanene

²⁶ Hiloko wu tlhela, wu ya teka mimoya yin'wana ya 7 leyo biha ku tlula wona, kutani yi nghena, yi tshama endlwini leyi, kutani matshamele yo hetelela ya munhu loyi ma tlula layo sungula hi ku biha.”

Testamente Leyimpsha Xichangana

²⁶ Hi loko wutlhela, wuya teka mimoya yin'wana ya ntlhanu ni yimbirhi leyobiha kutlula wona, kutani yinghena, yitshama ndlwini yoleyo, kutani matshamele yohetelela ya munhu lweyi matlula lawa yosungula hi kubiha.”

Xitsonga (Bibele)

²⁶ Kutani wu ya lava mimoya yin'wana ya ntlhanu na mimbirhi leyi wu tlulaka hi ku biha, kutani yi nghena, yi tshama kona; kutani mahelela ya munhu loyi, ma tlurisa masungulo hi ku biha.”

Luka 11:26 Referans Kwoze

Yohane 5:14

Endzhaku ka sweswo Yesu a ya n'wi kuma eTempeleni, kutani a ku ka yena: “Vona, u hanyisiwile. Loko u nga lavi ku weriwa hi khombo lerikulu leri tlulaka lero rhanga, tshika ku dyoha.”

Matewu 12:45

Hiloko wu tlhela wu ya teka mimoya yin'wana ya 7 leyo biha ku tlula wona, kutani yi nghena, yi tshama endlwini leyi; kutani matshamele yo hetelela ya munhu loyi, ma tlula layo sungula hi ku biha. Swi ta va tano eka rixaka leri ro biha.”

1 Yohane 5:16

Loko munhu a vona makwavo a ri karhi a endla xidyoho lexi nga yisiki eku feni, ú fanele ku khongela, kutani Xikwembu xi ta hanyisa makwavo loyi. Ndzi vulavula hi vanhu lava swidyoho swa vona swi nga yisiki eku feni. Kambe ku ni swidyoho leswi yisaka eku feni, kutani swona sweswo swi nge susiwi, hambi munhu a khongela.

Sofoniya 1:6

Ndzi ta ba lava va ndzi fularhelaka mina HOSI, vona lava va nga ndzi laviki, lava nga rhandziki ku vutisa nchumu eka mina.”

Matewu 23:15

“Mi ni khombo n'wina vatsari ni Vafarisi, hikuva mi vakanganyisi: Mi rhendzeleka ni malwandle ni matiko, leswaku mi ta kuma mudyondzisiwa un'we ntsena; kutani loko mi n'wi kumile, mi n'wi endla loyi a fanelaka hi Tihele ku tlula n'wina kambirhi.

Luka 11:25

Kutani loko wu fika, wu yi kuma yi kukuriwile, yi lunghisiwile.

Luka 11:27

Loko Yesu a ha vulavula timhaka teto, wansati a tlakusa rito a ri entshungwini, a ku ka yena: “Ku katekile wansati la ku velekeke, la ku mamiseke!”