Luka 11:18 - BIBELE Mahungu Lamanene

¹⁸ Hikokwalaho loko Sathana na yena a avana hi le xikarhi, mfumo wa yena wu ta tiyisa ku yini?—leswi mi vulaka leswaku ndzi hlongola mademona hi Belzebule!

Testamente Leyimpsha Xichangana

¹⁸ Hikolaho loko Sathana na yena ayavana hi le xikarhi, mfumu wa yena wutatiyisa kuyini lesvi mivulaka lesvaku nihlongola madimoni hi Belzebule?

Xitsonga (Bibele)

¹⁸ Hikwalaho Satana, na yena, loko a nga avana hi le xikarhi ku tilwisa, ku fuma ka yena ku ta tiyisa ku yini, leswi mi vulaka leswaku ndzi hlongola mademona hi Belzebule?

Luka 11:18 Referans Kwoze

Matewu 12:26

Ni loko Sathana a hlongola Sathana, wa tilwisa; hikokwalaho mfumo wa yena wu nga ka wu nga tiyi.

Luka 11:15

Van'wana exikarhi ka vona va ku: “Ú hlongola mademona hi Belzebule, hosi ya mademona.”

Matewu 4:10

Hiloko Yesu a ku ka yena: “Suka Sathana, hikuva ku tsariwile leswi: “ ‘U ta gandzela Hosi, Xikwembu xa wena, u tirhela xona ntsena.’ ”

Matewu 4:24

Kutani ku twakala ka yena ku hangalaka etikweni hinkwaro ra Siriya. Va tisa hinkwavo lava vabyaka hi mavabyi ya tinxaka-xaka ni lava xanisekaka ngopfu, kukota lava nga ni mademona, ni lava nga ni rihuhe ra n'weti, ni lava nga lamala, kutani Yesu a va hanyisa.

Matewu 10:25

Swi lulamile loko mudyondzisiwa a nga hundzuka la fanaka ni mudyondzisi wa yena, ni loko nandza a hundzuka la fanaka ni n'wini wa yena. Loko n'wini wa yindlu va n'wi vurile Belzebule, va yindlu ya yena va ta vuriwa swo biha ku tlula sweswo ngopfu.