Luka 10:24 - BIBELE Mahungu Lamanene

²⁴ Hikuva ndza mi byela leswaku vaprofeta lavo tala ni tihosi leto tala, va naverile ku vona leswi mi swi vonaka, kambe a va swi vonanga; hambi ku ri ku twa leswi mi swi twaka, a va swi twanga.”

Testamente Leyimpsha Xichangana

²⁴ Hikuva namibzela lesvaku vaprofeta lavotala ni tihosi letotala, vanavelile kuvona lesvi misvivonaka, kambe avasvivonanga; hambi kuli kutwa lesvi misvitwaka, avasvitwanga.”

Xitsonga (Bibele)

²⁴ Hikuva ndzi ri eka n'wina: Vaprofeta lavo tala ni tihosi va rhandzile ku vona leswi mi swi vonaka, kambe a va swi vonanga; ni ku twa leswi mi swi twaka, kambe a va swi twanga.”

Luka 10:24 Referans Kwoze

Vaheveru 11:13

Vanhu lava hinkwavo va fele eku pfumeleni, va nga kumanga leswi a va tshembisiwile swona, kambe va swi vonile ni ku swi tsakela hi le kule, va ri karhi va tivula valuveri ni vaendzi emisaveni.

Yohane 8:56

Tata wa n'wina Abrahama ú tsakile ngopfu ku vona siku ra mina; ú ri vonile, a vuya a tsaka.”

Vaheveru 11:39

Kutani vanhu lava hinkwavo, hambiloko ku pfumela ka vona ku tikombile swinene, a va kumanga leswi a va tshembisiwile swona.

Matewu 13:16

“Kambe ma katekile mahlo ya n'wina, hikuva ma vona, ni tindleve ta n'wina, hikuva ta twa.

Luka 10:23

Kutani a hundzuluka a languta vadyondzisiwa va yena, a ku ka vona hi tlhelo: “Ma katekile mahlo lama vonaka leswi mi swi vonaka!

Luka 10:25

Kutani mudyondzisi un'wana wa Nawu a ta ku ta n'wi ringa a ku: “Mudyondzisi, ndzi ta endla yini ku kuma vutomi lebyi nga heriki?”