Luka 10:15 - BIBELE Mahungu Lamanene

¹⁵ Na wena Kapernawume: “ ‘Xana u ta tlakusiwa ku ya fika etilweni ke? E-e, u ta tsongahatiwa ku fikela eTiheleni.’

Testamente Leyimpsha Xichangana

¹⁵ Na wena Kapernawume: “‘Xana utatlakusiwa kuyafika tilweni ke? Ahihim, utatsongahatiwa kuyafika Tiheleni.’

Xitsonga (Bibele)

¹⁵ Na wena Kapernawume, la tlakusiweke ku fika etilweni, u ta tsongahatiwa ku fika etiheleni.

Luka 10:15 Referans Kwoze

Matewu 4:13

Kutani a suka eNazareta, a ya tshama eKapernawume, muti lowu nga kusuhi ni lwandle, emakumu ka matiko ya Zebuloni na Neftali,

2 Petro 2:4

Xikwembu a xi tsetselelanga tintsumi loko ti dyohile, kambe xi ti cukumetile eTiheleni, ni ku ti nghenisa emakorhweni ya xivandla xa vafi, laha ti pfaleriwaka kona ku fikela siku ra ku avanyisa;

Luka 13:28

Enkarhini wolowo, mi ta rila mi getsela ni meno, loko mi vona Abrahama, na Isaka, na Yakobo, va tshamile eMfun'weni wa Xikwembu va ri ni vaprofeta hinkwavo, kasi n'wina mi cukumetiwile ehandle.

Matewu 11:23

“Na wena Kapernawume: “ ‘Xana u ta tlakusiwa ku ya fika etilweni ke? E-e! U ta tsongahatiwa ku fikela eTiheleni.’ “Hakunene, mahlori lama endliweke eka wena, loko onge ma endliwile eSodoma, ingi muti lowu ni namuntlha wa ha ri kona.

Matewu 10:28

“Mi nga tshuki mi chava lava dlayaka miri, va ri hava matimba yo dlaya moya; kambe chavani loyi a nga ni matimba yo lovisa moya ni miri wa munhu eTiheleni.

Obadiya 1:4

Kambe mina HOSI, ndzi vurisa sweswo ndzi ri: Hambiloko mi haha mi ya henhla kukotisa gama, niloko mi aka xisaka xa n'wina exikarhi ka tinyeleti, ndzi ta mi hawula!

Ezekiele 32:27

A va latiwanga laha ku etleleke tinhenha leti feke khale, leti nga rhelela ti ya exivandleni xa vafi ti ri ni matlhari ya tona; Mexeke na Tubala a va khegelanga matlhari, naswona mintsumbu ya vona a yi tlhandlekiwanga switlhangu; a va fani ni tinhenha letiya ta khale leti a ti chaviwa hi vanhu hinkwavo lava hanyaka emisaveni.

Ezekiele 32:20

“Vaegipta va wele exikarhi ka lava dlayiweke hi fumu, matlhari ma tirhile ntirho wa wona! Kokani Egipta ni vanhu va yena, mi ya va cukumeta!

Ezekiele 32:18

“Wena munhu, yimbelela risimu ra xirilo, u rila mintshungu ya Vaegipta swin'we ni vanhu va matimba va tinxaka timbe, loko va ri karhi va rhelela hinkwavo va ya exivandleni xa vafi, va ya hlangana ni lava feke khale.

Ezekiele 31:18

“Murhi wa kedari lowu wu tlulaka mirhi hinkwayo ya le Edeni hi ku saseka ni vukulu, wu fanisa Faro ni vanhu va yena: Va ta rhelela va ya exivandleni xa vafi, va ya hlangana kona ni lavo soleka, va latiwa ni vanhu lava dlayiweke hi fumu. Ndzi vula sweswo mina HOSI N'wini wa hinkwaswo!”

Ezekiele 26:20

ndzi ta ku rhelerisa exivandleni xa vafi, u ya hlangana ni lava feke khale; ndzi ta ku tshika etindhawini leti nga hansi ka misava, emarhumbini ya khale, u hlangana kona ni lava feke; hikokwalaho a ku nga ha tshami munhu eka wena, a ndzi nga ha ku nyiki vutshamo exikarhi ka lava hanyaka.

Yeremiya 51:53

Hambi vanhu va le Babilona va nga tikurisa va dliva ni tilo, hambi va nga tiyisa makhokholo ya vona etintshaveni, ndzi ta va rhumela vahlaseri va va herisa, ku vula mina HOSI.’ ”

Esaya 5:14

Xivandla xa vafi xi lote meno, xi ahlamisa swinene nomo wa xona leswaku xi ta mita varhangeri va Yerusalema ni ntshungu hinkwawo, va nghena hinkwavo va ri karhi va ba huwa va tsakile.

Duteronoma 1:28

Xana hi tlhandluka hi ya kwihi xana? Lava hi va rhumeke va hi hete matimba hi ku hi byela leswaku vanhu va kona va tiyile, naswona va hi tlula hi ku tala; va ni miti leyikulu swinene, leyi makhumbi ya yona ma leheke ma ya dliva tilo! Etikweni rero, va vonile ni swihontlovila swa rixaka ra va ka Anaka.’

Genesa 11:4

Kutani va ku: “A hi tiakeleni muti, hi aka ni xihondzo lexi nga ta dliva tilo, leswaku hi ta tiveka, hi ta ka hi nga hangalasiwi emisaveni.”

Luka 16:23

“Loko a ri exivandleni xa vafi, a ri karhi a xaniseka, a tlakusa mahlo, a vona Abrahama hi le kule, na Lazaro exifuveni xa yena.