Luka 1:79 - BIBELE Mahungu Lamanene

⁷⁹ ku ta voninga lava nga tshama emunyameni ni le ndzhutini wa rifu, ni ku hi fambisa etindleleni ta ku rhula.”

Testamente Leyimpsha Xichangana

⁷⁹ kutavoninga lavatshamaka munyameni ni lendzhutini wa rifu, ni kutafambisa milenge ya hina dleleni ya kurhula.”

Xitsonga (Bibele)

⁷⁹ leri nga huma ehenhla ku voninga lava nga tshama emunyameni ni le ndzhutini wa rifu, ni ku fambisa mikondzo ya hina endleleni ya ku tsaka.”

Luka 1:79 Referans Kwoze

Esaya 9:2

Vanhu lava a va gugurhuteka emunyameni, sweswi va vona ku vonakala lokukulu; lava a va tshama exinyamini lexo chavisa va fikeriwe hi ku vonakala.

Matewu 4:16

Vanhu lava a va ri emunyameni, va vonile ku vonakala lokukulu; lava a va tshama etikweni ra rifu ni xinyami, va fikeriwe hi ku vonakala.”

Timhaka 26:18

u ta pfula mahlo ya vona leswaku va huma emunyameni, va nghena eku vonakaleni, ni leswaku va huma eku fumeni ka Sathana va nghena eka Xikwembu; loko va pfumela ka mina, va ta kuma ku rivaleriwa ka swidyoho, kutani va ta averiwa ndzhaka exikarhi ka vahlawuriwa va Xikwembu.’

Vaefesa 5:8

Hikuva khale n'wina hi n'wexe a mi ri emunyameni, kambe sweswi, leswi mi nga hundzuka vanhu va Hosi, mi le ku vonakaleni. Hanyani ku fana ni vanhu va ku vonakala,

Esaya 42:7

U ta pfula mahlo ya lava nga voniki, lava pfaleriweke ekhotsweni, u ta va humesa; u ta va susa exinyamini lexi va tshamaka eka xona.

Yohane 12:46

Mina ndzi ku vonakala, kutani ndzi tile emisaveni leswaku un'wana ni un'wana la pfumelaka eka mina, a nga tshami emunyameni.

Yohane 8:12

Kutani Yesu a engeta a vulavula na vona, a ku: “Hi mina ku vonakala ka misava; loyi a ndzi landzelelaka a nga ka a nga fambi emunyameni ni siku ni rin'we, kambe ú ta va ni ku vonakala ka vutomi.”

Yohane 9:5

Loko ndza ha ri laha misaveni, ndzi ku vonakala ka misava.”

Pisalema 107:14

Xi va humesile exinyamini xo chavisa xa le khotsweni, xi tsemile ni tinketani ta vona.

Pisalema 107:10

Van'wana a va tshama ekhotsweni exinyamini xo chavisa. A va khomiwile va bohiwa hi tinketani, va xaniseka ngopfu,

Esaya 49:9

Eka lava pfaleriweke, ndzi ta ku: ‘Humani ekhotsweni!’ Eka lava tshamaka exinyamini, ndzi ta ku: ‘Humelani ehandle!’ Loko va ri endleleni, a va nga pfumali swakudya, hambi ku ri etindhawini leti omeke, va ta dya va xurha.

Yohane 1:9

Ku vonakala ka xiviri loku voningaka munhu un'wana ni un'wana, a ku ri endleleni ku ta emisaveni.

Pisalema 23:4

Ni loko ndzi nga famba enkoveni wa xinyami xo chavisa, a ndzi chavi nchumu xo biha, hikuva u na mina: Wa ndzi lwela ni ku ndzi hlayisa.

Luka 2:32

ku nga ku vonakala loku nga ta voninga matiko, ni loku Israele tiko ra wena ri nga ta tidzunisa ha kona.”

Yeremiya 2:6

A va vutisanga va ku: ‘Xana HOSI Xikwembu xi kwihi, xona lexi xi hi humeseke etikweni ra Egipta, xana?’ Kasi hi mina ndzi mi fambiseke emananga, etikweni ra sava ni magova, etikweni leri omeke ra xinyami xo chavisa; hi mina ndzi mi fambiseke laha ku nga hundziki munhu, laha ku nga tshamiki munhu na un'we!

Esaya 49:6

Kutani Xikwembu xi ri: “Wena nandza wa mina, ndzi ku vekile leswaku u pfuxa rixaka ra ka Yakobo, ni ku hlayisa Vaisraele lava va ha saleke. Tlhandlakambirhi, ndzi ta ku endla rivoni ro voningela matiko, leswaku ntirho wa mina wo ponisa vanhu wu ya fika ni le makumu ka misava.”

Esaya 42:16

Vanhu lavo ka va nga voni lava, ndzi ta va fambisa hi ndlela leyi va nga yi tiviki, ndzi ta va tisa hi mabudula lawa va nga si tshamaka va famba ha wona; xinyami lexi nga mahlweni ka vona ndzi ta xi hundzula ku vonakala, tindhawu leti nga fambekiki ti ta va rivala. Swilo leswi, ndzi ta swi endla hinkwaswo, a ndzi nga siyi na xin'we xa swona.

Varhoma 3:17

kutani ndlela ya ku rhula a va yi tivanga.

Yeremiya 6:16

HOSI Xikwembu xi vurisa sweswo xi ri: “Yimani emahandzeni ya tindlela mi languta, mi vutisa vanhu magondzo ya khale, ni laha ku nga ni mabudula lamanene, kutani mi famba ha wona, mi kuma ku wisa emoyeni. Kambe vona va ku: ‘A hi swi lavi ku famba hi ndlela yoleyo!’

Esaya 59:8

Ndlela leyi tisaka ku rhula, a mi yi tivi, lomu mi hundzaka kona, ku lulama a ku kona; mi tsakela maendlele layo homboloka, eka wona, ku hava loyi a nga kumaka ku rhula.

Esaya 48:22

HOSI Xikwembu xi ri: “Vanhu lavo homboloka, va nge pfuki ni siku ni rin'we va kumile ku rhula!”

Pisalema 44:19

Hambiswiritano u hlaserile tiko ra hina ri hundzuka ndhawu ya timhungubye, u ri funengeta hi xinyami xo chavisa.

Pisalema 25:12

HOSI Xikwembu xi komba munhu loyi a xi chavaka ndlela leyi a fanelaka ku hlawula yona.

Swivuriso 3:17

Tindlela ta byona ta tsakisa swinene, mabudula ya byona i ku rhula ntsena.

Ntirho 10:22

laha ku nga lo khwíxíí vusiku ni nhlekanhi, exinyamini xa mpfilumpfilu lowukulu!”

Esaya 48:17

Mukutsuri wa n'wina, HOSI Xikwembu, Muhlawuleki wa Israele, ú vurisa sweswo, ú ri: “Hi mina HOSI Xikwembu xa n'wina, lexi xi mi dyondzisaka ku endla leswi swi nga ta mi vuyerisa, ndzi mi komba ni ndlela leyi mi fanelaka ku hanya ha yona.

Swivuriso 8:20

Gondzo leri ndzi fambaka ha rona ri yisa eka leswo lulama, i ndlela leyi kongomaka emilawini leyinene.

Ntirho 3:5

Siku ra kona a ri funengetiwe hi xinyami xo khwìxìì, ri khubumetiwa hi papa ra ntima, vanhu va ri chava, va gugurhuteka.

Timhaka 10:36

Rito leri xi ri rhumeleke Vaisraele, ma ri tiva, ri nga rito leri twarisaka mahungu lamanene ya ku rhula ha Yesu Kriste, yena Hosi ya vanhu hinkwavo.