Luka 1:78 - BIBELE Mahungu Lamanene

⁷⁸ Swi ta endleka hi tintswalo ta Xikwembu xa hina, lexi xi hi twelaka vusiwana, hikuva hi tintswalo leti, hi ta endzeriwa hi ku vonakala loku humaka hi le tilweni,

Testamente Leyimpsha Xichangana

⁷⁸ Svitayendleka hikolaho ka timpsalu ta Xikwembu xa hina, hikuva hitayendzeliwa hi kuvonakala ka vurhonga lokuhumaka hi le tilweni,

Xitsonga (Bibele)

⁷⁸ hikwalaho ka tintswalo letikulu ta Xikwembu hi dyambu ra vuxa,

Luka 1:78 Referans Kwoze

2 Petro 1:19

Hikokwalaho, rito ra vaprofeta, hina hi ri kuma ri tiyile ku tlula ni khale. Mi ta va mi endla swona loko mi hlayisa swinene rito rero, ku fana ni rivoni leri voningaka lomu ku nga ni munyama, ku fikela loko vurhonga byi tshwuka, ni loko nyeleti ya mixo yi humelela etimbilwini ta n'wina.

Malakiya 4:2

Kambe n'wina lava chavaka vito ra mina, ndzi ta mi komba ntamu wa mina wa ku ponisa; Wu ta fana ni dyambu leri miseve ya rona yi horisaka mavabyi. Mi ta ntshunxiwa mi tlalamba kukota marhole loko ma huma etshangeni.

Vakolosa 3:12

Hikokwalaho, leswi mi nga vitaniwa hi Xikwembu ku va vahlawuriwa va xona lava rhandziwaka, ambalani moya wa tintswalo, ni vunene, ni ku titsongahata, ni ku rhula, ni ku leha mbilu.

Vafilipiya 2:1

Leswi mi kumeke ku khongoteleka eka Kriste, leswi mi susumetiwaka hi rirhandzu ra yena ni ku hlanganisiwa hi Moya, naswona leswi mi twelanaka vusiwana ni ku kombana tintswalo,

Vaefesa 5:14

hikuva xin'wana ni xin'wana lexi kombiwaka leswi xi nga xiswona, xi hundzuka ku vonakala. Hikokwalaho va nge: “Pfuka wena la etleleke, pfuka exikarhi ka vafi, kutani Kriste ú ta ku voninga.”

Tinhlayo 24:17

Ndza n'wi vona, kambe a nga si va kona, ndzi le ku n'wi languteni, kambe wa ha ri kule. Ú ta huma erixakeni ra Yakobo a fana ni nyeleti, n'wini wa nhonga ya vuhosi ú ta huma eka Vaisraele, ú ta faya tinhloko ta Vamowabu, a cakanyetela va ka Seta hinkwavo.

Nhlavutelo 22:16

Yesu ú ri: “Ndzi rhumile ntsumi ya mina etikerekeni leswaku yi mi tivisa ntiyiso wa swilo leswi. Hi mina rimitsu ra Davhida, ni wa rixaka ra yena, nyeleti leyo vangama ya mixo.”

1 Yohane 3:17

Kambe loko munhu a ri ni swilo swa misava leyi, kutani a vona makwavo a ri eku pfumaleni, kambe a nonon'hwisa mbilu ya yena a nga n'wi pfuni, xana rirhandzu ro rhandza Xikwembu ri nga tshamisisa ku yini eka yena xana?

Zakariya 6:12

Kutani n'wi byele leswaku mina HOSI ya matimba hinkwawo ndzi ri: “Ku ni munhu loyi va nge i Hluke, ú ta kula kwala a nga kona, kutani ú ta aka Tempele ya mina.

Zakariya 3:8

HOSI Xikwembu xi ri: “We Yoxuwa muprista lonkulu, yingisa! Yingisani na n'wina vaprista-kulobye lava mi tshameke na yena: Hakunene, mi vanhu lava hlolaka leswinene; vonani, ndzi ta mi rhumela nandza wa mina loyi va nge i Hluke.

Esaya 11:1

Xihluke xi ta huma exikundzwini xa Yese, erimitswini ra yena, ku ta mila rhavi.

Vafilipiya 1:8

Xikwembu i mbhoni ya mina ya leswaku ndzi lava ngopfu ku va na n'wina hinkwenu, hi ku navela loku humaka eka Kriste Yesu.

Yohane 3:16

Hikuva Xikwembu xi rhandzile misava swonghasi, xi ko xi nyika N'wana wa xona la nga un'we, leswaku un'wana ni un'wana la pfumelaka ka yena, a nga lovi, kambe a va ni vutomi lebyi nga heriki.

Esaya 63:15

“We HOSI, hi langute u ri ematilweni laha u tshamaka kona, exivandleni xa wena lexo kwetsima, xo saseka. Xana ku hiseka ka wena ni matimba ya wena, swi kwihi ke? Xana u alela yini ku hi twela vusiwana, u hi komba tintswalo, xana?

Esaya 63:7

Ndzi nga ka ndzi nga rivali rirhandzu ro tshembeka ra HOSI Xikwembu, ni mintirho ya xona leyi dzunekaka; ndzi ta anakanya hinkwaswo leswi xi nga hi endlela swona, hina Vaisraele, ni vunene lebyikulu lebyi xi nga hi komba byona, endzalweni ya musa wa xona ni tintswalo ta xona.

Pisalema 25:6

We HOSI, u nga rivali ku ndzi komba tintswalo ta wena ni rirhandzu ra wena, hikuva swi vile kona ku sukela ni khale.

Esaya 42:16

Vanhu lavo ka va nga voni lava, ndzi ta va fambisa hi ndlela leyi va nga yi tiviki, ndzi ta va tisa hi mabudula lawa va nga si tshamaka va famba ha wona; xinyami lexi nga mahlweni ka vona ndzi ta xi hundzula ku vonakala, tindhawu leti nga fambekiki ti ta va rivala. Swilo leswi, ndzi ta swi endla hinkwaswo, a ndzi nga siyi na xin'we xa swona.