Luka 1:68 - BIBELE Mahungu Lamanene

⁶⁸ “A ku dzunisiwe Hosi, Xikwembu xa Israele, hikuva xi endzerile tiko ra xona, xi ri kutsurile;

Testamente Leyimpsha Xichangana

⁶⁸ “Akudzunisiwe Hosi, Xikwembu xa Israyele, hikuva xiyendzelile tiko ra xona, xili kutsulile;

Xitsonga (Bibele)

⁶⁸ “A ku vongiwe Hosi, Xikwembu xa Israele, hikuva xi endzele tiko ra xona, xi ri kutsurile;

Luka 1:68 Referans Kwoze

Pisalema 106:48

A ku nkhensiwe HOSI Xikwembu xa Israele, sweswi ni hilaha ku nga heriki. Vanhu hinkwavo a va vule va ku: “Amen!” Dzunisani HOSI!

Luka 7:16

Hinkwavo va khomiwa hi ku chava, va dzunisa Xikwembu va ku: “Ku humelele muprofeta lonkulu exikarhi ka hina.” Naswona a va ku: “Xikwembu xi endzele tiko ra xona.”

Pisalema 41:13

A ku nkhensiwe HOSI Xikwembu xa Israele, sweswi ni hilaha ku nga heriki. Amen! Amen!

Pisalema 111:9

HOSI Xikwembu xi ntshunxile vanhu va xona, xi endla na vona ntwanano lowu nga heriki. Vito ra xona ri hlawulekile, ra chaviseka.

Eksoda 4:31

Kavaloko Vaisraele va kholwa: Loko va twisisile leswaku HOSI Xikwembu xi tile eka vona hakunene, ni leswaku xi vonile ku xaniseka ka vona, va korhamela hansi va xi gandzela.

1 TIHOSI 1:48

Naswona ú engeterile a ku: ‘A ku nkhensiwe HOSI Xikwembu xa Israele, lexi xi ndzi pfumeleleke ku vona un'wana wa vana va mina a teka vuhosi bya mina hi siku lera namuntlha, ndzi ri karhi ndzi swi vona hi mahlo.’ ”

Vaefesa 1:3

A ku nkhensiwe Xikwembu, Tata wa Hosi ya hina Yesu Kriste, lexi nga hi katekisa eka Kriste hi minkateko ya moya ya tinxaka-xaka, ehenhla matilweni:

Luka 2:38

A tshuka a fikile enkarhini wolowo, a nkhensa Xikwembu, a vula ta Yesu eka hinkwavo lava languteleke ku kutsuriwa ka Yerusalema.

1 Petro 1:3

A ku nkhensiwe Xikwembu, Tata wa Hosi ya hina Yesu Kriste! Hi musa wa yena lowukulu, ú hi tswarile ra vumbirhi, leswaku hi va ni ku tshemba loku hanyaka, hikwalaho ka ku pfuka ka Yesu Kriste exikarhi ka vafi,

Vaefesa 1:7

Hikuva, hi ku fa ka Kriste, ha kutsuriwa, hi rivaleriwa swidyoho swa hina. Tintswalo ta Xikwembu i tikulu ngopfu,

1 TIKRONIKA 29:20

Kutani Davhida a vulavula ni nhlengeletano hinkwayo, a ku: “Tlangelani HOSI, Xikwembu xa n'wina!” Hiloko nhlengeletano hinkwayo yi tlangela HOSI, Xikwembu xa vatata wa vona, va korhamisa tinhloko va xi khongela, kutani va tiboha ku tirhela hosi ya tiko.

1 TIKRONIKA 29:10

Kutani Davhida a tlangela HOSI Xikwembu emahlweni ka nhlengeletano hinkwayo, a ku: “We HOSI, Xikwembu xa tata wa hina Yakobo, u fanele ku tlangeriwa minkarhi hinkwayo.

Genesa 14:20

a ku dzunisiwe Xikwembu-xa-le-henhla-henhla, xona xi nyiketeke valala va wena emavokweni ya wena!” Kutani Abrama a nyika Melkisedeke vukhume bya swilo hinkwaswo leswi a a ri na swona.

Genesa 9:26

Nowa a ya emahlweni a ku: “HOSI Xikwembu xa mina a xi katekise Xeme; Kanana a a ve hlonga ra yena.

Luka 19:44

va ta ku hirimuxela hansi, va herisa ni lava akeke ka wena; kutani valala va nga ka va nga tshiki ribye ehenhla ka ribye laha ka wena, hikuva a wu tivanga nkarhi lowu u endzeriweke ha wona.”

Genesa 24:27

a ku: “A ku dzunisiwe HOSI, xona Xikwembu xa n'wini wa mina Abrahama, lexi nga tshikangiki ku komba ku tshembeka ka xona ni tintswalo ta xona eka n'wini wa mina. Hi xona lexi xi ndzi rhangeleke eriendzweni ra mina xi ta ndzi fikisa eka makwavo wa n'wini wa mina.”

1 SAMIELE 25:32

Davhida a hlamula Abigayele a ku: “A ku nkhensiwe HOSI Xikwembu xa Israele, lexi xi ku rhumeke namuntlha ku ta ndzi hlanganisa.

1 TIHOSI 8:15

“A ku nkhensiwe HOSI, Xikwembu xa Israele, hikuva xi endlile hinkwaswo leswi xi swi tshembiseke Davhida tata wa mina, loko xi te:

Pisalema 130:8

Ya ha ri yona leyi nga ta mi kutsula eswidyohweni swa n'wina hinkwaswo.

Luka 1:71

a xi tshembisile ku hi ponisa eka valala va hina, ni le mavokweni ya hinkwavo lava va hi vengaka.

Luka 24:21

Loko hi ri hina, a hi tshembile leswaku hi yena loyi a nga ta kutsula Israele; hambiswiritano, namuntlha i siku ra vunharhu timhaka leti ti humelerile.

Vaheveru 9:12

Ú nghenile kan'we ntsena exivandleni lexo hlawuleka ngopfu, kutani a nga tekanga ngati ya timbuti ni ya marhole ku ya gandzela hi yona, kambe ú lo gandzela hi ngati ya yena, a hi kumela ha yona ku kutsuriwa loku nga heriki.