Luka 1:51 - BIBELE Mahungu Lamanene

⁵¹ Ú tirhile hi matimba hi voko ra yena, ú hangalasile lava tikurisaka eku anakanyeni ka vona.

Testamente Leyimpsha Xichangana

⁵¹ Atirhile hi matimba hi voko ra yena, ahangalasile lavatikulisaka kuyanakanyeni ka vona.

Xitsonga (Bibele)

⁵¹ U tirhile hi matimba hi voko ra yena; u hangalasile lava tidzunisaka eku anakanyeni ka timbilu ta vona,

Luka 1:51 Referans Kwoze

Pisalema 98:1

Dzunisani HOSI Xikwembu hi ku yimbelela risimu lerintshwa, hikuva mintirho ya xona ya hlamarisa. Hi ntamu wa xona ni ku hlawuleka ka xona lokukulu, xi hlurile valala va xona.

Esaya 52:10

HOSI Xikwembu xi ta kombisa matimba ya xona layo hlawuleka, vanhu va matiko hinkwawo va ta ma vona; misava hinkwayo yi ta swi vona loko Xikwembu xa hina xi ponisa vanhu va xona.

Esaya 51:9

We HOSI, suka u yima, yima u kombisa matimba ya wena, ku fana ni leswi u swi endleke eminkarhini ya khale, emasikwini lama hundzeke. Xana a hi wena u phatluleleke Rahaba, yi nga dragona leyi u yi dlayeke, xana?

Varhoma 1:21

Hambiloko va tivile Xikwembu, a va xi dzunisanga va ku i Xikwembu, a va xi nkhensanga; kambe va anakanyile leswo ka swi nga pfuni nchumu, ni timbilu ta vona leti nga riki na ku twisisa ti nyamisiwile.

Daniele 4:37

Kutani sweswi mina Nebukadnetsara, ndzi dzunisa Hosi ya matilo, ndzi yi tlangela ni ku yi komba xichavo, hikuva mintirho ya yona hinkwayo i yinene, ni tindlela ta yona ti lulamile; lava tikurisaka, ya swi kota ku va tsongahata.”

Esaya 63:12

Xikwembu lexi tiyiseke Muxe hi matimba ya xona, xi avanyisa ni mati ya lwandle hi le xikarhi emahlweni ka Vaisraele, leswaku vito ra xona ri ta ka ri nga rivariwi,

Esaya 40:10

Vonani, HOSI N'wini wa hinkwaswo wa ta hi matimba ya yena, ú tela ku ta fuma hi yexe; langutani, ú ta ni hakelo ya yena, va nga vanhu lava a va kutsuleke; ú va rhangise emahlweni.

Pisalema 118:15

Twanani huwa ya ntsako leyi humaka emintsongeni ya lavo lulama; va ri: “HOSI Xikwembu xi tirhile hi matimba ya xona,

Pisalema 89:10

U dlayile Rahaba nyoka ya le lwandle, u yi phyandlasa; u hangalasile valala va wena hi ntamu wa wena lowukulu.

Genesa 6:5

Loko HOSI Xikwembu xi vona leswaku ku dyoha ka munhu i kukulu laha misaveni, ni leswaku makungu hinkwawo ya mbilu ya yena ma bihile minkarhi hinkwayo,

Nhlavutelo 18:8

Hikwalaho ka swona, mintungu hinkwayo yi ta n'wi wela henhla hi siku rin'we, a kuma mavabyi yo chavisa, ni mahlomulo, ni ku sika, kutani ú ta hisiwa hi ndzilo, hikuva Hosi Xikwembu, muavanyisi wa yena, xi ni matimba lamakulu.”

1 Petro 5:5

Swi tano na n'wina lavantshwa: Titsongahateni eka lavakulu. Hinkwenu ambalani ku titsongahata, mi tiveka ehansi, van'wana eka van'wana, hikuva va khale va te: “Xikwembu xi alela lava tikurisaka, kambe xi tsetselela lava titsongahataka.”

2 Vakorinto 10:5

hi mbundzumuxa ni swihingakanyo hinkwaswo swa lava tikurisaka, va sivela vanhu ku tiva Xikwembu. Hi koka mianakanyo hinkwayo hi yi endla leswaku yi yingisa Kriste.

Pisalema 89:13

U ni matimba ya tinhenha; loko u tlakusa voko ra wena ra xinene, ntamu wa wena wa vonaka.

Pisalema 63:5

Ndzi titwa ndzi tsakile, onge ndzi lo dya nyama yo nona, kutani ndzi ba nkulungwana ndzi ku dzunisa.

Pisalema 52:9

Ndzi ta ku nkhensa hilaha ku nga heriki we Xikwembu, hikuva u tirhile. Ndzi ta twarisa vito ra wena, hikuva ri lulamile emahlweni ka lava va ku khongelaka.

Pisalema 33:10

HOSI Xikwembu xi pfilunganya makungu ya vamatiko, xi va sivela ku ya emahlweni na wona.

Duteronoma 4:34

Ku hava xikwembu ni xin'we lexi nga tshama xi ringeta ku ya tihumesela vanhu va xona exikarhi ka rixaka rin'wana, hi ku tirhisa mintungu, ni swikombiso, ni mahlori, ni tinyimpi, hi ntamu lowukulu ni mintirho ya matimba leyi chavisaka ngopfu. I HOSI Xikwembu xa n'wina ntsena lexi endleke swilo leswi hinkwaswo etikweni ra Egipta, mi ri karhi mi swi vona.

Eksoda 18:11

Sweswi ndza swi tiva leswaku HOSI Xikwembu xi tlula swikwembu hinkwaswo, hikuva xi ponisile Vaisraele eka Vaegipta lava a va va khomile hi tihanyi.”

Genesa 8:21

Loko HOSI Xikwembu xi twa ku nun'hwela ka gandzelo ra kona, yi vulavula hi mbilu yi ku: “A ndzi nga ha tlheli ndzi rhuketela misava hikwalaho ka ku dyoha ka munhu, hambileswi munhu a ehleketaka swo biha ku sukela evuhlangini bya yena. Naswona a ndzi nga ha engeti ndzi herisa swivumbiwa leswi hanyaka, tani hilaha ndzi endleke hakona.

Genesa 11:8

Kutani HOSI Xikwembu xi va hangalasa va suka emutini lowu, va ya emisaveni hinkwayo, va tshika ku aka muti.

Yeremiya 49:15

HOSI Xikwembu xi ri: “We Edomu, ndzi ta ku tsongahata exikarhi ka matiko, vanhu va ta ku langutela hansi.