Luka 1:49 - BIBELE Mahungu Lamanene

⁴⁹ Lowa matimba hinkwawo ú ndzi endlerile leswikulu, vito ra yena ri hlawulekile,

Testamente Leyimpsha Xichangana

⁴⁹ Lweyi wa matimba hinkwawu aniyendlelile lesvikulu, vito ra yena rihlawulekile,

Xitsonga (Bibele)

⁴⁹ hikuva Lowa matimba u ndzi endlerile leswikulu.

Luka 1:49 Referans Kwoze

Pisalema 111:9

HOSI Xikwembu xi ntshunxile vanhu va xona, xi endla na vona ntwanano lowu nga heriki. Vito ra xona ri hlawulekile, ra chaviseka.

Pisalema 99:3

We HOSI, vanhu a va ku dzunise, hikuva vukulu bya wena bya chavisa, hi wena ntsena la kwetsimeke.

Yeremiya 10:6

We HOSI, a ku na la fanaka na wena, u Xikwembu lexikulu, ni vito ra wena ra chaviseka swinene.

Vaefesa 3:20

Eka yena loyi a kotaka ku endla, hi matimba lama tirhaka eka hina, ku tlula ngopfu swinene hinkwaswo leswi hi nga swi kombelaka, kumbe leswi hi nga swi ehleketaka,

Genesa 17:1

Loko Abrama a ri ni malembe ya 99, HOSI Xikwembu xi humelela eka yena, xi ku: “Hi mina Xikwembu-xa-matimba-hinkwawo; u fanele ku hanya emahlweni ka mina, u ndzi yingisa hi ku hetiseka.

Esaya 57:15

Xikwembu xa le henhla-henhla, xona lexi nga kona minkarhi hinkwayo, lexi vito ra xona xi nga Muhlawuleki, xi vurisa sweswo xi ri: “Mina ndzi tshama ehenhla laha ku hlawulekeke, kambe ndzi kumeka ni le xikarhi ka lava khunguvanyekeke, lava titsongahataka; ndzi nyika lava titsongahataka matimba, lava khunguvanyekeke emoyeni, ndza va tiyisa.

Nhlavutelo 15:4

I mani la nga ta ka a nga ku chavi, we Hosi, i mani la nga ta ala ku twarisa vito ra wena ke? Hi wena ntsena loyi a kwetsimeke, kutani vamatiko hinkwavo va ta ta va ta nkhinsama emahlweni ka wena, hikuva mintirho ya wena leyo lulama yi le rivaleni!”

Pisalema 99:9

Twarisani HOSI Xikwembu xa hina, xi nkhinsameleni entshaveni ya xona leyo hlawuleka, hikuva xona xi kwetsimile.

1 SAMIELE 2:2

A ku na la kwetsimaka tanihi HOSI; ehandle ka yona, ku hava xin'wana Xikwembu; a ku na ribye leri tiyeke kukota Xikwembu xa hina.

Eksoda 15:11

“We HOSI, i mani loyi a fanaka na wena exikarhi ka swikwembu, xana? Wena la nga ni matimba lama kwetsimaka, wena wa mintirho leyo chavisa, wena u endlaka swihlamariso, ku hava la fanaka na wena!

Esaya 6:3

Tintsumi a ti hlamulana ti ku: “Wa kwetsima, wa kwetsima, wa kwetsima loyi a nga HOSI ya matimba hinkwawo, misava hinkwayo yi tele hi ku dzuneka ka yena.”

Yeremiya 20:11

Kambe HOSI Xikwembu xi na mina kukota nhenha ya matimba, hi xona xi nga ta wisa lava va ndzi xanisaka, va nga ka va nga ndzi hluri. Va ta tlhela ni tingana, va nge humeleli, ku nyumisiwa ka vona a ku nga ha rivariwi ni siku ni rin'we.

Nhlavutelo 4:8

Xin'wana ni xin'wana xa swivumbiwa leswi hanyaka leswi swa mune, a xi ri ni timpapa ta 6 leti nga tala hi mahlo hinkwako, endzeni ni le handle. Kutani vusiku ni nhlekanhi swi yimbelela swi nga miyeli, swi ku: “Wa kwetsima, wa kwetsima, wa kwetsima, loyi a nga Hosi ya matimba hinkwawo, loyi a a ri kona, loyi a nga kona, loyi a taka.”

Marka 5:13

Yena a yi pfumelela. Kavaloko mimoya ya thyaka yi huma, yi nghena etingulubyeni, kutani ntlhambi wolowo wu tsutsumela eriweni, wu ya tihoxa exidziveni; tinguluve a ti lava ku ringana 2 000, kutani ti nwela kona.

Esaya 1:24

Hikokwalaho, HOSI ya matimba hinkwawo, N'wini wa hinkwaswo ni Ntamu wa Israele, ú vurisa sweswo, ú ri: “Khombo! Ndzi ta chululela vukari bya mina ehenhla ka lava va ndzi vengaka; lava lwaka na mina, ndzi ta tirihisela eka vona.

Pisalema 24:8

Mufumi wo dzuneka i mani xana? I HOSI, Xikwembu xa matimba lamakulu, xona xi nga nhenha etinyimpini.

Esaya 63:1

Xana munhu loyi a taka a huma eBosira etikweni ra Edomu, a nga va a ri mani xana? Xana i mani loyi a taka a bombile hi swiambalo swo tshwuka swi ku júú, xana? La kandziyaka hansi hi matimba lamakulu, i mani ke? “Hi mina HOSI, mina ndzi nga ni matimba yo ponisa, ndzi ta ndzi ta tivisa leswaku ndzi hlurile.”

Luka 1:48

hikuva ú langutile vusiwana bya mina nandza wa yena, kutani ku sukela sweswi, vanhu va minkarhi hinkwayo va ta ku, ndzi katekile.

Luka 1:50

ni tintswalo ta yena i ta minkarhi ni minkarhi eka lava n'wi chavaka.