Luka 1:45 - BIBELE Mahungu Lamanene

⁴⁵ Ku katekile la pfumelaka leswaku leswi Hosi yi n'wi byeleke swona, swi ta endleka.”

Testamente Leyimpsha Xichangana

⁴⁵ Kukatekile lweyi apfumelaka lesvaku lesvi Hosi yimubzeleke svona, svitayendleka.”

Xitsonga (Bibele)

⁴⁵ Ku katekile la pfumeleke, hikuva timhaka leti a nga byeriwa hi Hosi, ti ta tumbuluka.”

Luka 1:45 Referans Kwoze

Yohane 20:29

Yesu a ku ka yena: “Xana u pfumela hi leswi u nga ndzi vona xana? Va katekile lava pfumelaka, hambiloko va nga vonanga.”

Yohane 11:40

Yesu a ku ka yena: “Xana a ndzi ku byelanga leswaku loko u pfumela, u ta vona ku kwetsima ka Xikwembu xana?”

Luka 1:20

Languta, u ta hundzuka mbheveve, u hluleka ku vulavula ku ko ku fika siku leri swilo leswi swi nga ta humelela ha rona, hikuva a wu pfumelanga marito ya mina, lama nga ta hetiseka hi nkarhi wa wona.”

2 TIKRONIKA 20:20

Kutani vanhu hinkwavo va hubuta va huma eYerusalema, va kongoma emananga ya Tekowa; loko va ri karhi va huma, Yoxafati a yima exikarhi ka vona a huwelela a ku: “Yingisani n'wina va ka Yuda na n'wina va le Yerusalema: Mi fanele ku pfumela eka HOSI Xikwembu xa n'wina, hi kona mi nga ta tiya; tshembani marito ya vaprofeta va xona, kutani mi ta hlula!”

Luka 1:44

Loko ku xeweta ka wena ku fikile etindleveni ta mina, n'wana ú tshuka-tshukile hi ku tsaka endzeni ka mina.

Luka 1:48

hikuva ú langutile vusiwana bya mina nandza wa yena, kutani ku sukela sweswi, vanhu va minkarhi hinkwayo va ta ku, ndzi katekile.

1 TIHOSI 17:16

Mapa a ma helanga embiteni; hambi ma ri mafurha a ma kayivelanga exikhudzeni, hilaha HOSI Xikwembu a xi vurile hakona hi nomo wa Eliya.

2 TIHOSI 4:5

Wansati a suka, a ya tipfalela endlwini na vana va yena. A chulula mafurha, vana va ri karhi va kangatela swibya.